CEIP PLURILINGÜE DE PALAS DE REI

A asociación Down Lugo achegouse ao cole para facer varios obradoiros e commemorar así o Día Internacional das Persoas con Discapacidade.

Reflexionaron sobre a diversidade a través de distintas actividades, o alumnado de infantil a partir do conto "Elmer" e o alumnado de 5º e 6º de educación primaria cun xogo de preguntas. 

Ademais de pasalo xenial aprendemos un montón!

Podedes ver máis imaxes premendo aquí. 

Para finalizar o "Mes da Ciencia en Galego nas Bibliotecas Escolares", compartimos un montón de experimentos, co aire como protagonista.

Encántanos escoitar aos nosos compañeiros e compañeiras e mostrarlles os nosos descubrimientos!! 

Ollade máis imaxes premendo aquí

Conmemoramos o 25N, Día Internacional Contra a Violencia de Xénero.

Na biblioteca do cole, visionamos un vídeo creado polo alumnado de 5º de educación primaria para o III Certame Coreografíate.

Tamén nos mostraron reflexións e impresións sobre o 25N e tras a súa participación nesta actividade.

Posteriormente, xuntámonos no patio co cole co alumnado e profesorado do IES do Camiño para unir forzas ante a loita contra a violencia de xénero, a través da música, lectura dun manifesto e poemas.

Grazas ao alumnado do IES por agasallarnos con eses globos que tinguiron o patio de cor violeta. A nós fíxonos moita ilusión poder entregarlles as pulseiras que estivemos elaborando para este día e que levan por lema: 25N ALTO E CLARO

Podedes acceder a máis imaxes do día premendo AQUÍ

Gracias a Agustín, técnico de medio ambiente, pasamos unha xornada no máis interesante no bosque que temos preto do cole. Este obradoiro, no que participou todo o alumnado do centro organizado en catro grupos distintos, está enmarcado dentro do PDI "Capitán Planeta" e axudounos a observar a nosa contorna e a descubrir moitas das súas curiosidades: o ferreiriño e o seu canto, plantas que curan feridas, paxariños que "petan" nas árbores, chuvias de follas, setas que lanzan "peidos de lobo", froitos, sementes, cores, animaliños agochados... canto aprendemos e, que ben o pasamos!

Gracias, Agustín, por achegarnos un pouco máis á maxia dos nosos bosques e a querer coidalos!

Mirade as fotos da xornada dende aquí.

O alumnado de 4º e 5º de educación primaria particiou nun obradoiro, ofertado polo CIM, de creación de contos.Contos libres de estereotipos e de calquera xeito de violencia.

Os debuxos que crearon expuxéronse no corredor do cole, acompañados dun lazo violeta, na súa realización colaborou todo o alumnado do centro.