A actividade consistiu en que os nenos e nenas que quixeron anotarse participaron na elaboración de bandeiras para colocar como adorno na sala de consulta. Esta é unha tarefa máis dentro do proxecto multicultural de SAISA E AS SÚAS BIBLIOVIAXES que contribúe a convertir a biblio non so en lugar de lectura se non tamén en centro de recursos e lugar de aprendizaxe.
Esta tarefa vai na liña temática que se propón para este ano dende a Rede de Bibliotecas Escolares de Galicia que ten por título Biblioteca Escolar Matemático…
O alumnado traballou en grupos cooperativos e heteroxéneos. Os máis pequenos tiveron a función de pintores, expertos en tesoiras e criptógrafos (tiñan que descifrar unha mensaxe escrita coa linguaxe marítima dos barcos que, “casualmente”, tamén son bandeiras). Os máis maiores convertíronse en investigadores, buscando en internet como eran as cores da bandeira do seu grupo, e deseñadores. Esta última tarefa era máis complicada pois tiñan que resolver unha ecuación matemática que mesturaba xeometría e fraccións. Dado un rectángulo de altura A, sendo A=10 cm, había que calcular a base de valor 3/2 de A. A cousa non acababa aquí pois dentro da propia bandeira as proporcións das franxas dependían do país que lle tocara.
Saisa está feliz coa vosa visita e tamén co bonita e multicultural que quedou a biblio! Volvede cando queirades!
![Nenos e nenas traballando nun taller de bandeiras](/centros/ceipoutes/system/files/u54/TALLER%20BANDEIRAS1.jpg)
![Nenos e nenas na biblioteca escolar facendo un taller de bandeiras](/centros/ceipoutes/system/files/u54/TALLER%20BANDEIRAS2.jpg)
![Nenos e nenas traballando na biblioteca nun taller de bandeiras](/centros/ceipoutes/system/files/u54/TALLER%20BANDEIRAS3.jpg)
![Mascota da biblio coas bandeiras feitas polos nenos e nenas do colexio](/centros/ceipoutes/system/files/u54/TALLER%20BANDEIRAS4.jpg)
![Mascota da biblioteca escolar na asla de lectura rodeada de bandeiras feitas polos nenos e nenas do colexio](/centros/ceipoutes/system/files/u54/TALLER%20BANDEIRAS.jpg)