CEIP Plurilingüe O Sello

Iniciar sesión: Acceso

Aliméntate ben!

Enviado por Anónimo o Xov, 16/06/2016 - 00:31

Un curso máis participamos no Plan Proxecta Aliméntate ben tanto na modalidade de Froita na escola, xa hai uns meses, como na máis recente, Ponlle as pilas ao teu bocata. Ambas pretenden achegar aos nenos ao medio natural que os rodea potenciando o consumo dos produtos que este medio lles achega, valorando os seus beneficios e fomentando hábitos de consumo saudables.

blogue de

Recitamos a Manuel María

Enviado por Anónimo o Xov, 26/05/2016 - 05:43

Para celebrar o día das Letras Galegas e homenaxear a Manuel María, decidimos decorar as nosas escaleiras con dúas das súas obras: "O soñador" e "Galicia". Por suposto aprendémolas para poder recitalas. Tamén decoramos entre todos un fermoso mural.

Mirade que chulo quedou todo!

blogue de

Coplas do Maio florido

Enviado por Anónimo o Xov, 26/05/2016 - 05:39

Aquí vos deixamos as coplas que compuxeron os nosos alumnos para o Maio Florido. A verdade é que estes rapaces estanse a converter nuns expertos nisto da rima.

blogue de

Maios e Letras Galegas

Enviado por Anónimo o Xov, 26/05/2016 - 05:35

Por fin despois de ter que atrasar a celebración dos Maios e do Día das Letras Galegas por culpa do mal tempo, o pasado venres 20 de maio puidemos levar a cabo todas as actividades, que con tanto esforzo habiamos preparado.

Primeiro decoramos o noso Maio coas flores que trouxo o alumnado... e ben vistoso que nos quedou!!! Despois homenaxeamos a Manuel María, autor ao que se lle adica o Día das Letras Galegas deste ano. Recitamos e cantamos algún dos seus poemas.

E para rematar cantamos as nosas propias coplas dos Maios e bailamos ao redor del. A ver se conseguimos que o bo tempo se quede connosco por fin!!!

Aquí vos deixamos un vídeo de todo o traballo realizado.

blogue de

Chorouvía

Enviado por Anónimo o Xov, 26/05/2016 - 05:30

O pasado 10 de maio recibimos no cole ao grupo de Pandereteiras "Chorouvía", da Asociación de Veciños de Cabral. Co gallo da próxima celebración das Letras Galegas e relacionado co noso Proxecto Anual, puidemos gozar da actuación deste marabilloso grupo de música tradicional galega, que nos amosou as cancións, os instrumentos e as costumes e tradicións da vida dos nosos avós.

Aquí vos deixamos un vídeo do ben que o pasamos!