O Merdeiro visita O Sello
Enviado por Anónimo o Mér, 17/02/2016 - 01:48
Os mariñeiros disfrazábanse de merdeiros (traxe que imitaba a campesiños que recollían restos de peixe para abonar os seus campos) para incordiar á xente restregándolle restos de peixe podre. Por tanto era unha figura que xurdiu da rivalidade entre mariñeiros e labradores.
A vestimenta era unha imitación dos escabicheiros, esaxerando os elementos do traxe e os apeiros máis significativos: camisa branca arremangada, pantalón de pano, polainas, zapatillas brancas ou zocas, chaleco con símbolos astrais ou animais (o sol, a lúa, un burro, un galo, unha galiña…), unha faixa vermella, armado cunha vara e adornado con vexetais, como verduras, cebolas,... máscara rosa, perruca loura e o gorro cunha galiña na cabeza.
Sen dúbida unha foi unha visita moi sorprendente e interesante para todos.
Paz 2016
Enviado por Anónimo o Mér, 17/02/2016 - 01:43Comezamos a celebración do Día da Paz cun manifesto que os alumnos/as de 6º E.P. elaboraron relacionado co proxecto anual do cole e sen esquecerse de mencionar o actual conflito da Guerra de Siria. Ademais gozamos da música en directo coa danza africana “Zimbolé” e a canción “Só lle pido a Deus” acompañados polo especialista de E. Musical coa guitarra. E, xa para rematar, cantamos e interpretamos a canción "Tú enemigo" de Pablo López e Juanes. Durante toda a semana da Paz os alumnos/as maiores foron os encargados/as de ensinarlle ao resto do alumnado do centro a coreografía.
O punto final a esta conmemoración, púxose co mural que compuxemos entre todos/as coas nosas mans coas bandeiras dos 5 continentes formando a palabra PAZ.
Concurso de postais de Nadal
Enviado por Anónimo o Lun, 08/02/2016 - 18:50Como cada ano celebrouse no cole o concurso da postal de Nadal. O debuxo debía estar relacionado co proxecto anual do cole e coa temática de nadal. A postal gañadora foi, coma sempre, impresa no calendario anual que se envía as familias nestas datas.
Este ano o gañador foi Sergio Riobó Rodríguez de 6º de Primaria.E ademais da honra de incluír a súa postal no calendario anual, Libroreta agasallou a Sergio cun precioso libro.
Nadal 2015
Enviado por Anónimo o Lun, 01/02/2016 - 17:53Como cada curso no CEIP O Sello celebramos o Nadal con moito ritmo e en boa compañía.
Inicio do procedemento de admisión de alumnado para o curso 2016/2017
Enviado por admin o Lun, 25/01/2016 - 05:35De acordo cos prazos establecidos na disposición adicional primeira da Orde de 12 de marzo de 2013, que regula o procedemento de admisión, o próximo 1 de febreiro inícianse os trámites do procedemento, coa reserva de praza nun centro de adscrición.
Preme no enlace para acceder á información:
- « primeira
- ‹ anterior
- …
- 48
- 49
- 50
- 51
- 52
- 53
- 54
- 55
- 56
- …
- seguinte ›
- última »
![CEIP Plurilingüe O Sello RSS Distribuir contido](/centros/ceiposello/misc/feed.png)