CEIP Plurilingüe O Ramo

Estimadas familias:

Informámosvos que, despois do éxito da Festa da Benvida coa que esperamos que os nen@s desfrutaran, queremos continuar coas nosas tradicións.  Polo tanto agora, tócalle o turno ao Magosto e Samaín.

Para iso temos que solicitar a vosa colaboración.

Dentro das actividades que estamos a preparar, e xa que non podemos adornar as cabazas como viñamos facendo ao longo destes anos, haberá unha exposición de fotos.

Por iso pedímosvos que realicedes na casas algunha actividade típica destas datas cos vos@s fill@s: apañar castañas, sobremesas típicas, adornar unha cabaza,  facer alguna manualidade,…o que se vos ocorra, e que nos mandedes unha foto realizándoa.

A exposición estará na entrada do cole para que o alumnado poida ver o que fixeron os compañeiros/as.

Pregámosvos que as enviedes polos nenos/as, antes do mércores 28 de outubro.

Moitas grazas pola vosa colaboración.

 O Equipo de AAEE e o EDLG

Estimadas familias:

Recibimos emails, por parte dalgunhas familias e queremos pedirvos, por favor, que esteades tranquilos.

No centro, cúmprense todas as medidas hixiénicas e de seguridade, existentes no protocolo COVID-19.

Como directora do CEIP Plurilingüe O Ramo e coordinadora do equipo COVID, non ocultamos ningún tipo de información.

Cando hai un membro da comunidade educativa infectado polo virus, son os rastreadores da Xefatura Territorial de Sanidade, os que avisan aos contactos estreitos e obrígannos, aos coordinadores dos equipos COVID tamén, a avisar ás persoas afectadas.

Polo tanto, dende o centro, pedímosvos que por favor, non pensedes que vos ocultamos información de ningún tipo.

Os centros escolares, son as contornas máis seguras para os vosos fillos/ as nestes momentos.

Un saúdo.

A directora

Lembrarvos cos días non lectivos no noso centro, serán:

- 2 de novembro de 2020

-18 de maio de 2021

Un saúdo

FESTA DA BENVIDA 2020

Estimadas familias:

Comprácenos informarvos que o vindeiro venres 16 de outubro a partires das 13:00 horas celebraremos a nosa tradicional Festa da Benvida.

Aínda que vai ser unha festa diferente, queremos que a desfrute  toda a comunidade educativa: alumnado, profesorado e familias, dentro do posible.

As actividades a realizar serán as seguintes:

1. Decorar  a árbore da entrada coas máscaras que os nenos adornaron (farase previamente).

2. Visualizar un vídeo coa presentación dos profes e do cole (dispoñible en youtube, en O Ramo producións).

3. Recoller unha caixa sorpresa que cada clase terá na  porta (ao rematar de ver o video).

4. Xogos populares “versión aula”:

5. Facer a visita á nosa exposición de froitas virtual que teredes á vosa disposición na aula virtual e na páxina web do centro, premendo aquí.

Aínda que non poidades asistir ao centro e compartir o día cos vosos fillos/as non queremos desaproveitar a oportunidade de darvos as grazas pola vosa colaboración.

Bo día:

Tal e como establece o plan de adaptación sobre o COVID 19 do centro, no caso de que o pediatra determine que a algún neno/a se lle vaia realizar unha PCR, son as familias as que deberán AVISAR no colexio. (ceip.oramo@edu.xunta.gal) ou no teléfono 981930137.

O centro de saúde NON se pon en contacto co centro para dar dita información.

Graciñas

Un saúdo