1º Curso

Luns 30 de marzo de 2020

Queridas familias/nenos/nenas:

No documento adxunto podedes consultar as actividades programadas nas materias de Lengua Castelá, Lingua Galega, Matemáticas e Valores para os seguintes 14 días de suspensión das clases.

Non dubidedes en poñervos en contacto comigo a través do correo electrónico se tedes dúbidas, consultas...:

profeolallanantes@gmail.com

Seguimos XUNT@S!!!

A profe Olalla

Venres 27 de marzo de 2020

Bos días a tod@s!!

Nesta ocasión quero dirixirme ÁS FAMILIAS de 1.º de Primaria, non sen antes mandar unha aperta enOOOOORme para os/as máis cativos/as.

Xa estamos moi preto de finalizar a primeira quincena da corentena e ESTADES A FACELO XENIAL!!!

O luns remata o primeiro bloque de actividades programadas polo que, antes de preparar o seguinte, me gustaría coñecer a vosa valoración para facer os axustes precisos e facilitar a vosa labor nestes días excepcionais que estamos a vivir.

Por iso, vos pido que TODAS AS FAMILIAS me escribades un correo electrónico explicándome: se podedes acceder ben ás tarefas na páxina web, que dificultades tivéchedes para desenvolver as actividades, suxerencias de mellora ou simplemente dicir que todo vai ben. É importante que TODOS/AS o fagades para saber se hai alguén que está a ter problemas e non pode realizar as actividades.

profeolallanantes@gmail.com

Agardo as vosas respostas,

A profe Olalla

Martes 24 de marzo de 2020

Que tal estades?

Esta semana, para seguir mantendo o contacto, propóñovos unha das actividades do programa Educación Responsable no que participamos desde o curso pasado. Chámase "Los colores de flores". A través dela coñeceredes e vos poñederes na situación de Diego, un neno cego que ten que facer no cole un traballo sobre as cores das flores. Desde logo, non o ten nada fácil e, aínda que moitos/as se ofrecen a axudarlle, el decide facelo só e investigar pola súa conta. O resultado, sen dúbida, será sorprendente.

A continuación ides ver un pequeno vídeo da súa historia:

Vídeo "Los colores de las flores" (clica aquí)

Seguro que agora se vos están a pasar moitas cousas pola cabeza. É normal!! Trátase dunha actividade que traballa a empatía, unha capacidade que nos axuda o a poñernos no lugar doutra persoa.

Para rematar, suxírovos algunhas preguntas que podedes facer oralmente en familia:

• Que credes que pensou Diego cando escoitou en que consistía o traballo de clase que tiña que facer?
• E o seu amigo? Credes que pensou que Diego podería facelo só?
• Por que pensades que Diego sorrí cando o seu amigo intenta axudarlle?
• Lembrades que fixo Diego para investigar para o seu traballo?
• Gustouvos o traballo que fixo Diego ao final? Gustouvos máis ou menos que o dos seus compañeiros e compañeiras?

Se queredes facelas por escrito... adiante! E se vos apetece compartir comigo algunhas das vosas respostas, só tedes que escribirme un email a:

profeolallanantes@gmail.com

Bicos fortes para todos/as!!!

A profe Olalla

Mércores 18 de marzo de 2020

Seguro que estes días estades a ver nas noticias moitas MENSAXES de ánimo e responsabilidade para saír desta situación o antes posible. Pois nós non imos ser menos! Os/as que queirades podedes facer un debuxo ou escribir nun papel unha palabra, unha frase, unha mensaxe de ánimo e responsabilidade... para axudarnos os uns aos outros. Podedes decoralo ou deixalo sinxelo. Cando rematedes, facédelle unha foto e enviádema por email a:

profeolallanantes@gmail.com

Tedes ata o domingo para realizalo e envialo. O luns subirei á web e ás redes sociais o resultado dos traballos enviados.

Esta semana xa non engadirei ningunha proposta máis para que vos centredes nas tarefas propostas ata agora. Non vos esquezades de botarlle un ollo aos outros recantos.

Estades a facelo xenial!

A profe Olalla

Martes 17 de marzo de 2020

Ola a todos/as. Canto vos boto en falta!!! Para poñerlle un pouco de remedio engádovos unha proposta.

Seguro que lembrades os debuxos que fixemos na aula do libro "Pioneiras Galegas que abriron camiño". Como sabedes, cos debuxos que fixéchedes elaborei un vídeo que está subido nas redes sociais do cole (Instagram e Facebook) pero agora que imos visitar con frecuencia a páxina web tamén aquí o podedes ver as veces que queirades.

Entón, que vos parece se me contades que muller é pioneira ou importante para vós e por que? Non ten por que ser unha muller das que saen no libro. Poder ser a vosa nai, avoa, irmá, tía, entrenadora... A intención é realizar unha actividade conxunta a distancia que logo publicarei para facer visible o traballo que elaborades desde a casa.

Como facelo? Moi sinxelo: pedídelle a mamá, papá... que abra o seu correo electrónico e aí directamente escribide a vosa resposta. Ao rematar, enviádemo a:

profeolallanantes@gmail.com

Simplemente se trata de escribir unha mensaxe electrónica coa vosa opinión.

Mentres tanto, aquí vos deixo o vídeo tan bonito que fixemos:

A profe Olalla