Animación á lectura

CURSO 2019/2020

COMEZAN AS SESIÓNS DE CONTACONTOS FAMILIARES DE

1.º E 2.º DE PRIMARIA!!!

Luns 4 de novembro de 2019

 NAI DE SOFÍA PIÑEIRO (2.º PRIMARIA)

Inauguramos os contacontos familiares coa famosísima historia "Mi primer Principito". María, a mamá de Sofía, trouxo unha versión adaptada para os máis cativos pero cos debuxos orixinais do autor. 

Así comeza: "Había una vez un pequeño príncipe que vivía en un planeta tan minúsculo, tan diminuto que ni siquiera tenía nombre".

Inspirador, verdade???

Moitas grazas María pola túa visita!!!

Luns 3 de febreiro de 2020

 NAI DE IVÁN (1.º PRIMARIA)

Os contacontos familiares continúan coa historia "El oso pardo y la paciencia". Moka, unha cría de oso moi alegre pero impaciente, vai encontrarse con algún que outro problema.

Patricia, a mamá de Iván, trouxo este fantástico conto que destaca o valor da paciencia.

Moitas grazas e ata a semana que vén!!!

Luns 10 de febreiro de 2020

 NAI DE IVÁN (1.º PRIMARIA)

Patricia volve visitarnos, nesta ocasión co conto titulado "El conejo y la sinceridad". A Boris, un coello mentiroso e glotón que pensaba que era moi listo, ocorréuselle unha idea xenial para comer máis e mellor. ¿Ou non foi unha idea tan xenial...?

Neste conto destácase o valor da sinceridade, co cal é unha boa proposta para calquera ocasión.

Grazaaaaaaaas polas túas visitas!!!

Maio 2019

Desde o equipo de Biblioteca propúxeronnos elaborar un traballo relacionado coa auga: mares, ríos, océanos, rías...

Tras facer o sorteo cos temas, á clase de 2.º tocounos o Oceáno Ártico e o Océano Antártico. Pois... mans á obra!

Cada neno/a investigou, coa axuda da súa familia, sobre un aspecto destes dous océanos. Cos traballos realizados preparamos unha exposición no corredor da planta baixa, cunha gran cantidade de información e moita decoración xeada.

Pero a actividade non rematou aquí, xa que logo tivemos que explicar o noso proxecto ás familias e aos compañeiros/as das outras clases.

Que nervios pasamos pero... que orgullosos/as nos sentimos!

Aínda que podedes ver a exposición no colexio, aquí vos deixamos unha pequena mostra dos nosos traballos:

                         Sabela                                                              Laura

             Daniel                                                               Lara

                         Claudia                                                            Roberto

                    Daniela                                                          Matías

                   Alejandra                                                        Gabriel

                     Seila                                                              Lucía

               Rubén                                                             Lola

                       María                                                          

Agardamos que vos guste!

Martes 20 de novembro de 2018

Desde o Equipo de Biblioteca conmemoramos o Día Universal dos Dereitos da Infancia. 

Na aula de 2.º traballamos dous dereitos fundamentais:

SAÚDE     e     EDUCACIÓN

Para que ninguén se esqueza da súa importancia, fixemos un bonito cartel.

Mirade que artistas!

A gravación para o vídeo que fixemos todos os cursos saiunos xenial.

Non dubidedes en entrar no blog da biblioteca para ver o resultado!!!

2017/2018

Un ano máis, as familias de 1.º e 2.º de Primaria veñen ao colexio a contarnos unhas historias fantásticas.

Mércores 29 de novembro de 2017

VISITA DA MAMÁ DE ZAIRA (2.º Primaria)

Esta frioleira mañá, Jennifer contounos "La gallina de los huevos de oro", unha fantástica historia que nos fixo comprender que a avaricia non é unha boa compañeira de vida.

Gustounos moito!

Moitas grazas pola túa visita!

Luns 4 de decembro de 2017

VISITA DA MAMÁ DE ALEJANDRO (1.º Primaria)

Nesta ocasión visitounos Noemí, a mamá de Alejandro. Contounos "La verdad según Arturo", un libro xenial da nosa biblioteca sobre a verdade... ou mellor dito, sobre a mentira. Arturo dirá a verdade?... Que farías ti?

Non deixes pasar a oportunidade de pasalo en grande con este libro. Hai dous exemplares na estantería de 1.º e 2.º de Primaria.

Grazaaaaas por pasar un ratiño connosco!!!

Luns 11 de decembro de 2017

VISITA DA MAMÁ DE LAURA (1.º Primaria)

Beatriz,a mamá de Laura, trouxo un libro moi axeitado para estas datas titulado " "Cuentos de Navidad". Esta visita foi moi variada, pois houbo contos, panxoliñas...

Gustounos moito. Que ganas de cheguen as vacacións de Nadal!!!

Grazaaaaas pola túa visita!!!

(As profes pedimos desculpas porque nesta ocasión non fixemos a foto grupal).

  Mércores 13 de decembro de 2017

VISITA DO PAPÁ DE MIA (2.º Primaria)

Unha curso máis, David veu ao colexio con divertidísimo conto en inglés titulado "There was a coyote who swallowed a flea". Todo comeza cando o coyote traga unha pulga. Como rematará a historia?

Non te perdas este conto. É pura diversión!

Thanks!!!

Luns 18 de decembro de 2017

VISITA DA MAMÁ DE PAOLA (2.º Primaria)

Este ano Rocío trouxo un fantástico libro de Nadal titulado "Cando Martiño tivo ganas de mexar na noite de Reis". Non se trata dun conto típico destas datas, senón que amosa a visión particular dun neno sobre un acontecemento tan especial como o Nadal.

Canto enxeño e humor!

Grazas por todas as túas visitas!

 Mércores 10 de xaneiro de 2018

VISITA DO PAPÁ DE ALEJANDRA (1.º Primaria)

Nesta sesión Martín leunos unha das historias favoritas dos últimos tempos: "Frozen". Non dixedes de ler este libro se queredes saber cal é o segredo que separou ás princesas Anna e Elsa.

Que emocionante!

Encantounos a túa visita!

Luns 15 de xaneiro de 2018

VISITA DA MAMÁ DE ANTÍA (2.º Primaria)

Luisa sorprendeunos cun libro belísimo titulado "El pez Arcoiris". A través do peixiño Arcoiris, ensinános a importancia de saber compartir.

Non vos perdades esta historia!

Moitísimas grazas!!!

Luns 16 de abril de 2018

VISITA DA MAMÁ DE MATÍAS (1.º Primaria)

Este luns, Lucía deixounos abraidos coa historia "O neno azul escuro", un libro moi especial escrito e ilustrado por ela mesma. Que pasaría se cada persoa fora dunha cor en función dos seus gustos? Sempre seriamos da mesma cor ou cambiariamos co paso do tempo? Se queredes saber que ocorre non dubidedes en ler este libro.

Ao rematar, todos quedamos pensando na cor que mellor nos definiría a cada un de nós!

Grazas por compartir connosco as túas historias!!!

 Luns 23 de abril de 2018

VISITA DA MAMÁ, DO PAPÁ E DA TÍA DE MATÍAS (1.º Primaria)

Lucía, Juan e Reme sorprendéronnos cunha dramatización en lugar dunha lectura, como adoita ser o habitual entre as familias. O libro que escolleron foi "El grúfalo", un dos nosos favoritos. Acompañados dun teatriño, dos personaxes, doutra decoración que eles mesmos elaboraron e de moitas ganas, deleitáronnos cunha fantástica función de monicreques.

Mellor imposible! E que ben o pasamos!!!

Moitas grazas á familia Varela por adicarnos todos os anos un anaquiño do seu tempo!!!

Luns 7 de maio de 2018

VISITA DA MAMÁ DE HUGO (2.º Primaria)

Hoxe puxemos punto e final aos Contacontos familiares deste curso coa visita de Patricia. Nesta ocasión contounos "El lobo y la lealtad". Risk, un lobo cun gran olfacto que caza coa súa manda as ovellas e galiñas de pastores e granxeiros, recibe unha lección moi importante cando un can pastor lle salva a vida.

Cantos valores transmite esta fantástica historia!

Moitas grazas!!!

DESPEDÍMOS ATA O VINDEIRO CURSO AGRADECENDO ENOOOOOORMEMENTE A COLABORACIÓN DE TODAS AS FAMILIAS