CEIP MANUEL RODRÍGUEZ SINDE

Estimadas familias!

Desde o centro facilitamos o contacto da Cruz Vermella a algunhas familias. Apelamos ao sentido común para que só soliciten axuda desta agrupación aquelas familias en situación real de vulnerabilidade.

Queremos aproveitar para agradecer a labor que están a facer desde a "Asamblea Comarcal Cruz Roja Bajo Miño".

Desde o Sinde queremos agradecer ao GES de A Guarda o seu traballo en xeral e o esforzo realizado para repartir material escolar ao noso alumnado. Por iso o alumnado fixo uns debuxos de agradecemento cos que creamos este vídeo:

O teu navegador non soporta este vídeo.

No blog da Biblioteca tedes un resumo da xornada de limpeza que o alumnado fixo na Praia do Muíño do noso concello:

Fai click na imaxe para acceder ao blog

O día 9 de marzo celebramos no Sinde o Día da Muller. O alumnado puxo as camisetas de cor rosa co lema "O Sinde rumbo á igualdade". Cada clase ideou unha frase sobre a igualdade e leulla ao resto de compañeiras e compañeiros. Por último cantamos La puerta violeta de Rozalén. A continuación tedes un vídeo resumo:

A continuación tedes un video resumo do entroido deste ano.

DEPOAVENTURA A LANZADA

APERTURA DE PRAZO PARA CAMPAMENTOS DE DEPUTACIÓN: DEPO AVENTURA A LANZADA 2020.

Participantes: nenos/as que teñan o seu domicilio habitual nun concello da provincia de Pontevedra e que nacesen entre o 2007 e 2012 ambos incluídos (entre 8 e 13 anos)

Prazo: ata o 25 de marzo de 2020 (na OMIX 24)

Presentación solicitudes. As solicitudes poderán presentarse: - Preferentemente por medios electrónicos través da web da deputación https://www.depo.gal/depo-aventura, cubrindo os datos no modelo oficial de solicitude https://sede.depo.gal/web/. No caso de presentala en papel a inscrición terá que imprimirse, asinala e presentala en calquera rexistro establecido na normativa reguladora.

DOCUMENTACIÓN: Solicitude e no caso de que os/as menores solicitantes non teñan DNI ou NIE libro de familia.

Se é o caso acreditación da condición de familia monoparental

PREZO: 100€ e no caso de familia numerosa 80€

INFORMACIÓN OMIX A GUARDA ou directamente na web www.depo.gal en Depo aventura A Lanzada

Este ano Superlector quere que aprendamos que as cores non son de nenos nin de nenas por iso nos pide que cada día do entroido traiamos unha cor nas nosas vestimentas.

       O día 21 de febreiro  realizaremos as seguintes actividades no Centro:

·        10:50 horas: xogos no pavillón.

·        12:00 horas: chocolatada ofrecida pola ANPA e degustación de sobremesas do entroido achegadas polas familias.

·        13:00 horas: desfile no Centro ao que estades convidadas/os a asistir.

As familias que o desexen poden colaborar achegando algunha sobremesa típica desta época do ano (filloas, orellas,...)

Os disfraces estarán relacionados con diversos aspectos do mar, que é a temática que este ano se está a traballar no centro.

                                   As vacacións do Entroido abranguen os días 24, 25 e 26 de febreiro.

Este ano volvemos a participar no Concurso Pilabot.

O alumnado poderá traer ao centro pilas, pilas de botón, acumuladores e baterías de uso doméstico.

O período de recollida durará 6 semanas.

Para máis info fai click na imaxe:

FOTOS DO FESTIVAL DE NADAL 2019

A continuación tedes algunhas das actuacións do festival de Nadal do Sinde

(En algúns navegadores non permite o seu visionado. Ademais é preciso Adobe Flash Player)

1º de primaria "DE ELLOS APRENDÍ"

Segundo bailou "Vivir"

Para conmemorar o Día da Discapacidade, no centro fixéronse distintas actividades nas que se tentou concienciar ao alumnado do significado de discapacidade e das posibilidades e necesidades que estas persoas teñen.

Dúas monitoras de GOGAMI, coa axuda do profesorado, realizaron unha xincana inclusiva para as nenas e os nenos de Primaria. Para o alumnado de infantil foron Nerea e Alberto quenes fixeron actividades similares. Velaí un pequeno resumo:

O mércores 4 de decembro o alumnado de 4º e 5º de Primaria participou nunha carreira de campo a través en Baiona. Unha actividade de convivencia e fomento da actividade física.

O pasado luns día 25 de novembro manifestamos a nosa repulsa cara á violencia contra as mulleres facendo un lazo negro humano e cantando La puerta violeta de Rozalén.

Despois Bea e Valentina escenificaron o conto Daniela Pirata.

Por último, este mércores tivemos en BiblioSinde a Pedro Brandariz que nos fixo un contacontos titulado Non máis princesas.

O mércores pasado celebramos no cole o Samaín. Primeiro visitamos un túnel do terror que prepararon familias da ANPA (moitas grazas polo enorme traballo) e despois, na biblioteca, o alumnado de sexto leu un conto viaxeiro creado entre todo o alumnado e entregáronse os premios do concurso de cabazas. Premendo na foto podedes acceder á galeria con algunhas imaxes máis.

A pasada semana foi completiña no noso centro. Inauguramos BiblioSinde, fixemos unha plantación no Castelo de Santa Cruz por mor da Folga mundial do medio ambiente e o alumnado de 3º, 4º, 5º e 6º recibiu unha charla dos adestradores do Atlético Guardés.

Podedes ter máis información facendo click nas ligazóns destacadas noutra cor.