Bo día familias!  Como xa vimos anunciando a semán que ven poderedes pasar polo cole para recoller o material que quedou nas aulas no momento da interrupción das clases presenciais.

Para respectar as medidas de seguridade estableceremos unhas quendas . Recordamos que so pode vir unha persoa por alumn@ e debe traer máscara de protección.

O horario de recollida será de 9:00 a 13:00h . Debedes timbrar na porta exterior e esperar a que vos abran. Será o conserxe o que vos acompañe ao comedor que é onde están os materiais debidamente etiquetados.

Se vos ven ben poderedes aproveitar a visita para facer a solicitude de material e fondo de libros para o próximo curso se é que non a tedes xa feita. Para este trámite deberedes pedir cita.

   LUNS 1 e MARTES 2 de Xuño, E. Infantil e 1º e 2º de E. Primaria.

                                                MÉRCORES 3 e XOVES 4 de Xuño, 3º,4º,5º e 6º de E. Primaria.

                                                (Para recoller o material non é necesario pedir cita)

Se tedes algunha dúbida xa sabedes, no centro atendemos presencialmente sempre con cita previa. A atención telefónica é de 10.00 a 13:00h no 981617130 e permanentemente no 676727505.

Seguimos en contacto... sorte!!!

Que será, será?

Ola ola caracola!

Estamos a xoves e toca inglés, ciencias e galego e despois de seguro que queredes praia. Levamos unha espléndida semana de sol que nos axuda a ver as cousas cun talante mais positivo como ten que ser nestes momentos tan difíciles. Pero mais positivo non quere dicir irreflexivo, fai sol, o bo tempo está dicindo: "á rúa" pero as medidas de seguridade non poden esquencerse, non podemos baixar a vixiancia. 

Nestes momentos debemos ter unha actitude proactiva e, sobre disto vai unha entrada na web de orientación así que vos invitamos a visitala.

E para pensar, dous videos, un sobre "O problema da laranxa" (como atopar solucións nun conflito) e Lorenzo que utiliza o seu cazo como unha solución, non como un problema.

Ola ola caracola...

Hoxe no "cole dende a casa", faremos Inglés, Galego e Mate e, ao rematar non viría nada mal a posta en práctica desta suxestión que nos fan os amigos e amigas de Boas Prácticas que, como xa sabedes andan ás voltas para propoñer actividades e ...:

 "DINOS O TEU PROPIO XEITO DE CONTROL DO ESTRÉS"

 Dende o grupo de BOAS PRÁCTICAS do noso cole, en concreto do equipo de ACOLLEDORES queremos propoñer un "reto" que nos axude a coñecernos e conectar máis entre todos NÓS.

É moi probable que todos, nos meses de confinamento, tivéramos que pasar por momentos de medo, dúbidas, estrés, incertidumes... e seguro que TODOS puxemos en práctica algunha RECEITA SEGREDA para superalo...pintando, falando, bailando, plantando...

Queremos recibir, co permiso dos vosos titores, imaxes ou vídeos que nos falen de todo iso a través da nosa conta de correo boaspracticasseoane@gmail.com

 Logo, claro, COMPARTILOS COA FAMILIA LUIS SEOANE.

Para animarvos vai aquí un vídeo dun alumno acolledor.

Ola ola caracola!!!

As profes de orientación non paran e hoxe vai de refráns, son algo moi noso, non hai avó ou avoa que non saiba máis de un , así que xa sabedes a quen lle tedes que preguntar e despois a grabalos e envialos e xa non digo máis porque " a bo entendedor poucas palabras bastan".

Bueno temos que lembrar que como estamos a venres tócanos educación física, ciencias e relixión/valores e logo...boa finde e ata o luns!!!

A.N.P.A. CEIP LUIS SEOANE

Dadas as circunstancias extraordinarias que estamos a vivir, e á espera de novas indicacións por parte das autoridades competentes, este ano non se fará en xuño a reserva de praza de actividades nin de comedor.

A partir de mediados de agosto, como novidad, e para evitar contaxios, este ano a renovación de praza de comedor farase  a través da web de Jardanay.

En canto haxa noticias  iremovos informando no BLOGUE  e na páxina web do colexio.

Estade moi atentos/as por favor

Moitas grazas

Ola ola caracola!!!

Non podía ser de outro xeito, os equipos de Boas Prácticas caladiños e quietiños na casa? pois non, xa están a argallar !!! e para empezar, prepárannos este video e logo, bueno bueno a que pensan montar...

Teremos que estar ao tanto.

Hoxe toca inglés, galego e sociais ou naturais e xa sabedes que si entrades na web de orientación atoparedes actividades divertidas e retos que serven para todos e todas así que, a animarse e, a contarnos todo o que ides facendo que nos encanta recibir noticias vosas.

Tema musical : Chantilly Autora. Silvia Penide

Ola ola caracola!

Cómo vai indo a semán?  hoxe toca educación física, mate e lengua , a traballar con ganas que o curso segue e xa non queda nada.

Sabemos , porque asi o estades dicindo, que iso de vervos bailando a muiñeira está gustando e moito . Hoxe voltade a mirala porque onte non a virades ben e, de seguro que alguén se vos despistou, a que si???

 Bueno familias pois a partir de hoxe xa podedes solicitar a participación no fondo solidario de libros de texto e axudas para material escolar. Clic aquí 

O prazo de presentación de solicitude é ata o 19 de xuño do 2020 incluido. Dada a situación actual e como medida de seguridade recomendamos a solicitude por vía telemática. clic aquí

Se tedes algunha dúbida xa sabedes, no centro atendemos presencialmente sempre con cita previa. A atención telefónica é de 10.00 a 13:00h no 981617130 e permanentemente no 676727505.

Seguimos en contacto... sorte e moito ánimo!!!

Ola ola caracola!

Hoxe é un martes especial, chamámoslle Seoaniñán porque é un Día noso. Canta emoción sentimos cos vosos envíos da muiñeira, que gusto ver tantas caras queridas e coñecidas e, non so os nenos e as nenas, tamén en moitos casos pais, nais, avoas...que ledicia !. O resultado tédelo ahí abaixo a profe Ana e Lourdes fixeron a montaxe e todos e todas con Gloria, Rosa, Belén e tamén Manuel estabamos impacientes por ver o resultado e ... velaí vai!!!