A comezos do mes de novembro chegábanos esta carta, na que "Ánxeles Alvariño" nos retaba a investigar sobre os faros:

Puxémonos mans á obra e comezamos a investigar na casa, na internet, na biblioteca, nas nosas aulas... e descubrimos moitas cousas interesantes.

Ademais, decidimos elaborar o noso propio catálogo de faros das Rías Altas, así que repartimos o traballo e cada nena/o recompilou ou información sobre un faro e fixo un traballo/mural sobre el. 

Tamén construímos maquetas de faros con diferentes materiais (legos e outras pezas de construción, cartón e outros materiais de refugallo...).

Todos os produtos creados foron expostos no centro xunto cun mapa de Galicia onde cada un de nós colocou unha foto do seu faro.

Finalmente, presentamos os nosos traballos aos compañeiros/as de 4º da ESO do IES de Ortigueira, aproveitando a súa visita ao noso centro.

VOLVER Á PÁXINA PRINCIPAL DO PROXECTO

'Aprende coas Mulleres Galegas' é unha serie de unidades didácticas promovida pola Secretaría Xeral de Igualdade que na súa quinta entrega ten como protagonista á oceanógrafa ferrolana Ángeles Alvariño. 

Nesta unidade ofrécese unha breve biografía na que descubriremos a unha científica de proxección internacional cun legado como o descubrimento de 22 novas especies de zooplancto.

A documento pódese descargar e imprimir, e conta con actividades nas que debemos reflexionar, investigar, colorear, debuxar, realizar prácticas de axilidade mental ou actualizar os nosos coñecementos xeográficos.

As ilustracións corresponden a Tania Solla e os textos son autoría de Polo Correo do Vento.

VOLVER Á PÁXINA PRINCIPAL DO PROXECTO

VOLVER Á PÁXINA PRINCIPAL DO PROXECTO

Era a fin do verán, nese fugaz momento no que o día se despide e a noite comeza a envolver a paisaxe costeira. Nunha praia de Mañón, as mareas traían dende moi lonxe unha botella de cristal cunha carta no seu interior. O vidro brillaba sutilmente baixo as últimas raiolas de sol que atravesaban as nubes e ao seu carón, unha estrela de mar descansaba estendendo os brazos sobre a area, exhibindo as súas cores vivas e relucentes. 

Sobre as rochas, alzábase o faro, maxestoso e robusto. A súa luz xiratoria irradiaba un resplandor suave e reconfortante, guiando aos navegantes na escuridade.

No horizonte, máis aló da Coelleira, divisábase a silueta dun barco solitario, navegando hacia a inmensidade.

Que segredos gardaba aquela mensaxe selada no cristal?

A carta estaba asinada por unha tal "Ánxeles Alvariño", unha científica dos mares que se atopaba nalgún lugar do océano Atlántico e precisaba da nosa axuda...

Así comezaba esta aventura, un proxecto sobre o mar co que, a través dos retos de investigación que nos propón nas súas cartas a nosa oceanógrafa favorita, estamos a descubrir e aprender moitas cousas interesantes sobre o mar.