VOLVER Á PÁXINA PRINCIPAL DO PROXECTO

Este curso, o mar foi o noso protagonista e a meirande parte das actividades xiraron ao redor del. O curso está a piques de rematar e por iso queremos convidar a todas as familias do cole á nosa Feira Mariñeira.

Será un pequeno evento pensado para que as nenas e nenos pasen unha mañá coas súas familias, realizando diversas actividades como obradoiros, xogos, merendas saudables e amosando os proxectos realizados ao longo deste curso.

Esta xornada tamén é unha oportunidade para estreitar os lazos entre toda a comunidade educativa. Queremos que todos sintan que son parte desta gran familia que é o CEIP Francisco López Estrada.

ACTUALIZADO O 15 DE XUÑO

VOLVER Á PÁXINA PRINCIPAL DO PROXECTO

Os ríos xogan un papel relevante no aporte de residuos ao mar, servindo de transporte dende as zonas de interior; mais onte comprobamos que o noso río Sor conta cunha calidade excelente nas súas augas, e agardamos que así siga sendo. 

Moitas grazas á asociación Nordés por organizar esta interesante e divertida actividade que contribuíu significativamente a fomentar a defensa do medioambiente entre as nenas e nenos do Vicedo e Mañón.

VOLVER Á PÁXINA PRINCIPAL DO PROXECTO

O alumnado de 3º, 4º, 5º e 6º EP partocipou, o pasado 2 de febreiro, na fase local de cross escolar nas Pontes de García Rodríguez, dentro do programa XOGADE.

Os obxectivos desta actividade son:

- Fomentar unha práctica deportiva, educativa e saudable.

- Difundir os valores da competición dende unha perspectiva máis regrada.

- Facilitar a práctica nunha modalidade de gran tradición histórica en Galicia. 

Era a fin do verán, nese fugaz momento no que o día se despide e a noite comeza a envolver a paisaxe costeira. Nunha praia de Mañón, as mareas traían dende moi lonxe unha botella de cristal cunha carta no seu interior. O vidro brillaba sutilmente baixo as últimas raiolas de sol que atravesaban as nubes e ao seu carón, unha estrela de mar descansaba estendendo os brazos sobre a area, exhibindo as súas cores vivas e relucentes. 

Sobre as rochas, alzábase o faro, maxestoso e robusto. A súa luz xiratoria irradiaba un resplandor suave e reconfortante, guiando aos navegantes na escuridade.

No horizonte, máis aló da Coelleira, divisábase a silueta dun barco solitario, navegando hacia a inmensidade.

Que segredos gardaba aquela mensaxe selada no cristal?

A carta estaba asinada por unha tal "Ánxeles Alvariño", unha científica dos mares que se atopaba nalgún lugar do océano Atlántico e precisaba da nosa axuda...

Así comezaba esta aventura, un proxecto sobre o mar co que, a través dos retos de investigación que nos propón nas súas cartas a nosa oceanógrafa favorita, estamos a descubrir e aprender moitas cousas interesantes sobre o mar.