Contido popular
Título | Resumo |
---|---|
10º OLIMPÍADA DO SABER |
Cuarta pregunta: Cal é o único xeoparque mundial da UNESCO que hai entre Galicia ata o momento?
Quinta pregunta: Por que é tantimportante xeolóxicamente o PXCO?
Sexta pregunta: Que 4 tipos de rochas destacan no PXCO? |
10º OLIMPÍADA DO SABER |
Como cada luns, nova pregunta
Terceira pregunta: Cantos xeoparques mundiais da UNESCO hai en España? |
10º OLIMPÍADA DO SABER |
Xa estamos aquí de novo! Queredes perscudar sobre o Xeoparque Ortegal? Tes o teu caderno olímpico? Pois adiante coa investigación.
Pregunta 1: Que é un xeoparque mundial?
Pregunta 2: Que organismo outorga o distintivo de xeoparque mundial?
Recorda que todos os luns sairá unha nova pregunta. |
CADERNO LECTOR |
Este curso, como novidade, estamos a traballar co caderno lector. Por cada libro que leas, gañarás un selo do rato da biblioteca.
Os nenos e nenas de Educación Infantil e 1º de Primaria, traballan con este modelo do caderno:
En 2º e 3º, traballan con este outro:
E para os maiores de 4º, 5º e 6º un pouquiño máis completo. |
RECOMENDACIÓNS LECTORAS PARA O VERÁN |
Estamos a piques de rematar este curso académico e non queríamos deixar pasar a ocasión para recomendarvos unha serie de libros que podedes ler nestas vacacións. Recordade que a lectura nos adentra en novos mundos (reais ou ficticios), nos entretén e nos fai pasar un bo rato. Disfrutade das vacacións máis que merecidas! |
O CAMIÑO DE SANTIAGO POR 6º EP |
Hoxe traemos o gran traballo que fixeron os nenos e nenas de 6º sobre o Camiño Protugués e A Orixe. Son dous camiños moi diferentes e con diversas etapas. Para coñecelos tiveron que buscar información sobre cada lugar polo que pasa. Deixámosvos un pequeno resumo do mural que elaboraron. Son uns artistas!
|
SEMANA DA DIVERSIDADE FUNCIONAL |
Esta semana conmemoramos no noso centro o día da Diversidade Funcional.
Desde a biblioteca participamos nesta celebración e fixemos o recuncho "Nesta biblio encaixamos todos"
Neste recanto poderedes atopar un montón de libros sobre esta temática.
Ademáis podedes comprobar cómo len as persoas con dificultades visuais a través do sistema Braille.
Tamen atoparedes un pictograma da biblio e unha fotografía na que podedes ler biblioteca na linguaxe de signos.
|
MURAL PARA O DÍA DA DIVERSIDADE FUNCIONAL |
Ola nenos e nenas! Na anterior entrada do blogue mostramos o recuncho que creamos na biblioteca para o dia da diversidade funcional. Despois de traballar a semana pasada sobre este tema, creamos un mural con distintas pezas de crebacabezas. Nestas pezas tiñamos que poñer palabras relacionadas co tema e co que traballáramos ao longo da semana. A que nos quedou un mural moi bonito? |
NOVIDADES NA BIBLIOTECA |
Ola rapaces! Neste estante poderedes ir vendo as novidades que imos adquirindo para a biblioteca do colexio. Botádelles un ollo que hai moitos contos que vos van encantar!
|
O CAMIÑO DE SANTIAGO (O CAMIÑO FRANCÉS E O CAMIÑO INGLÉS) |
Aquí vos deixamos o traballo que fixeron os alumnos/as de 5º sobre o camiño de Santiago. Neste caso, os nenos e nenas de 5º A traballaron no camiño francés e os de 5º B, no camiño inglés. A que lles quedou ben bonito?
|
ESCRITURA CREATIVA |
Bo día! Estas dúas últimas semanas estivemos facendo un taller de escritura creativa na biblioteca o alumnado de educación primaria. Empregamos diferentes recursos e, entre eles, usamos o caderniño do Hematocrito. Que divertido é traballar a escritura desta maneira! Deixámosvos unhas imaxes destes días. |
RECREOS NA BIBLIOTECA 2º TRIMESTRE |
FELIZ ANO NOVO!! Xa estamos de volta. Esperamos que descansárades moito e collérades forzas para este 2º trimestre. Para comezar este 2022 deixámosvos o horario para acudir á biblioteca nos recreos. Bo comezo de trimestre.
|
O CAMIÑO DE SANTIAGO " O CAMIÑO DO MAR" E "A COMPOSTELA" |
Ola rapaces e rapazas! O mes pasado os nenos e nenas de Educación Infantil elaboraron dous murales sobre o camiño de Santiago. Traballaron e investigaron arreo sobre para poder sacar adiante estes traballos e ben bonito que lles quedou! Deixámosvos aquí unhas imaxes para que o observedes. "A COMPOSTELA" "CAMIÑO DO MAR" |
Unidade Didáctica "A VÍA DA PRATA". |
Bo día nenos e nenas! Hai un par de semanas mostrábamos os murais que elaboraron os rapaces e rapazas de 4º sobre o traballo de investigación que fixeron do camiño de Santiago. Pois hoxe traémosvos a Unidade Didáctica que lles axudou á clase de 4ºA a adentrarse no camiño da Vía da Prata. Botádelle un ollo porque está xenial! Cantas cousas foron traballando ao longo destas semanas!
|
HOSPITAL DE LIBROS |
Ola nenos e nenas! Durante estes últimos días puidestedes ver na biblioteca esta caixiña que pon "Hospital de libros". Esta caixa é para colocar nela aqueles libros que atopedes na biblioteca e precisen ser arranxados para que non sigan desgastándose co uso. É moi importante coidalos para que teñamos moita variedade de libros e podamos seguir disfrutando deles. Contamos coa vosa axuda! |
1ª PREGUNTA OLIMPIADAS DO SABER "O CAMIÑO DE SANTIAGO" |
Bo día rapaces e rapazas! Un ano máis damos inicio ás "Olimpiadas do saber". Como xa sabedes, o proxecto de centro é o Camiño de Santiago polo que, cada semana, o ratiño da biblioteca vos irá facendo unha pregunta sobre esta temática. No caderno que tedes, deberedes ir anotando a pregunta e, xusto debaixo, contestala. Moita sorte! Aquí tedes a 1ª pregunta. Seguide camiñando! |
2ª PREGUNTA OLIMPIADAS DO SABER "O CAMIÑO DE SANTIAGO" |
Ola rapaces e rapazas! Xa investigástedes sobre o Códice Calixtino? Recordade que cada semana teredes unha nova investigación que facer sobre o camiño de Santiago. Aquí vos deixamos a segunda pregunta das Olimpiadas do saber. Ánimo!
|
17 DE MAIO. DÍA DAS LETRAS GALEGAS. FLORENCIO DELGADO |
Bo día rapazas e rapaces. Como xa sabes, este martes 17 de maio celébrase o día das Letras Galegas. Este ano está dedicado ao autor Florencio Delgado. Estas últimas semanas semanas estivéstedes traballando e coñecendo máis a vida e obra deste autor, xunto con todo o que fixo por reivindicar a nosa lingua en tempos que non eran nada doados. Aquí vos deixamos unha páxina web con diferentes actividade e xogos onde podedes coñecer un poquiño máis sobre Florencio Delgado. Seminario Galán. Días das Letras Galegas. Florencio Delgado Que teñades unha feliz ponte. QUE VIVA A NOSA LINGUA! |
7º PREGUNTA OLIMPIADAS DO SABER "O CAMIÑO DE SANTIAGO" |
Ola nenos e nenas! Comeza outra semana e xa imos pola sétima destas Olimpiadas do saber. Cada vez queda menos e o rato da biblioteca continúa a poñervos novos retos. Como levades a investigación sobre o camiño de Santiago? Estádesvos a convertir nuns auténticos profesionais nesta temática. Aquí vos deixamos a seguinte pregunta. |
VISITA DA XORNALISTA ANA F. CUBA |
O pasado martes 15 de marzo recibimos os nenos e nenas de 3º a 6º de primaria a visita da xornalista de Ana F. Cuba. Previamente a esta visita e co motivo do 8M (Día da Muller) e da semana da "Muller na prensa", investigamos sobre a profesión de Ana e recollimos algúns artigos que foi publicando ao logo dos anos. Ana F. Cuba é unha xornalista que traballa no periódico de "La Voz de Galicia" e encárgase de facer artigos e recoller e contrastar información sobre noticias de Ortigueira e dos concellos do arredor. Na súa visita puidemos coñecer máis en profundidade en que consiste ser xornalista, que tivo que estudar, os pasos que segue para recoller a información, contrastala e logo redactala, etc. Aprendimos un montón de cousas novas e, ademais, tivemos a oportunidade de facerlle preguntas. Foi unha charla moi interesante e entretida. Deixámosvos algunhas fotos deste día. Gústannos moito estas visitas!! |
CONTACONTOS PARA INFANTIL |
Estas últimas semanas estamos tendo un montón de actividades e visitas. A última foi o pasado xoves, 17 de marzo. Os nenos e nenas de educación infantil recibiron a visita da Asociación de Persoas Xordas de Ferrol. Nesta visita tiveron a oportunidade de familiarizarse coa lingua de signos. Ademáis contáronlles un contacontos que lles encantou. Deixamos a continuación unhas imaxes sobre este día. |
6º PREGUNTA OLIMPIADAS DO SABER "O CAMIÑO DE SANTIAGO" |
Está a piques de comezar unha semana nova e, como sempre, o noso rato da biblioteca proponvos un novo reto. Preparados para seguir investigando? |
CARTOLIBROS DE 6º PRIMARIA |
Hoxe traémosvos unha actividade que fixeron os nenos e nenas de 6º de primaria. Para celebrar o día do libro, elaboraron o seu propio. Como o fixeron? En forma de cartolibro. Nas seguintes imaxes podedes ver que se trata de libros moi reais, coa súa portada, imaxe do autor/a e a súa dedicatoria. Todos eles conteñen un montón de xogos de palabras que vos deixamos a continuación para que lles botedes un ollo. A verdade é que quedaron moi orixinais!! |
RECREOS NA BIBLIOTECA 3º TRIMESTRE |
Chegamos ao último trimestre deste curso escolar 2021/2022. Deixámosvos nas seguintes imaxes o horario no que poderedes acudir á biblioteca nos recreos. |
HAIKUS POLO DÍA DA POESÍA |
Ola nenos e nenas. Hoxe mostrámosvos un traballo que elaboraron os máis maiores do colexio para celebrar o día da poesía. Escoitástedes algunha vez a palabra "Haikus"? Soa raro, verdade? Pois os Haikus son breves poemas que teñen a súa orixe en Xapón. Mirade que bonitos lles quedaron! |