Tódolos anos, ao rematar o curso, celebramos no noso centro unha comida de convivencia na que participan o profesorado, as familias e o alumnado do noso centro. Despois do xantar o alumnado disfrutou de diversos xogos organizados pola ANPA. 

Este curso cabe salientar a elevada participación das familias que dende aquí damos as grazas pola súa asistencia.

Premendo na fotografía ou na ligazón accedese ás imaxes da celebración da comida de convivencia

  Comida de Convivencia Xuño 2012

FIN DA CAMPAÑA DE RECOLLIDA DE TAPÓNS SOLIDARIOS

Chegamos ao mes de xuño e con el ao fin da Campaña de recollida de tapóns para AEFAT.

Durante 9 meses colaboramos para lograr un obxectivo: lograr 60.000 € para poder financiar o primeiro ano de investigación para poder conseguir unha cura para a Ataxia-Telangiectasia.

A asociación informa de que están moi preto do cumprimento do devandito obxectivo. Pero ademáis do obxectivo económico conseguiuse un dobre beneficio adicional:

• Deuse a coñecer esta enfermidade e axudouse a concienciar á poboación do problema das enfermidades raras e da falta de financiamento existente para a súa investigación e tratamento.
• Xerouse un movemento solidario no que todos nos unimos no pequeno acto de gardar os tapóns de plástico para conseguir un ben para unha minoría con problemas.

O Punto Central de Recollida, situado na Nave de Servizos do Concello de Narón, seguirá recollendo tapóns ata o 22 de xuño para que se faga a derradeira recollida de tapóns pola empresa recicladora.

O noso centro recolleu 450 kg de tapóns

MOITAS GRAZAS A TODOS E TODAS!!!!

Este curso por primeira vez está a funcionar durante o recreo unha ludoteca no noso cole e a verdade e que os nosos rapaces disfrutan dos xogos, non hai máis que ver a imaxes. Pero...sabedes que é unha ludoteca? Que normas temos? Que facemos ahí?  Se queredes sabelo mirade a presentación que hai a continuación.

Aínda que se mercaron xogos, dado o éxito da ludoteca, resulta pouco o material que temos nela. Estamos moi escasos de construccións, xogos simbólicos (bonecas, cociñas, supermercado...) playmobil...Xa se ven as estanterías un pouco baleiras. Se queres colaborar podes traer xogos que teñas na casa. Serán benvidos e podemos disfrutar todos.

Graciñas pola colaboración

Durante as charlas que o CAMF (Centro de Atención a Personas con discapacidade Física) para o alumnado de 5º e 6º intentamos achegarnos ao mundo da discapacidade. Hai moitos tipos de discapacidade e eles centráronse na discapacidade física: problemas de mobilidade e dependencia dos demais.

O persoal do Centro informounos cómo poderiamos evitar chegar á situación de discapacidade física. Cousas como saltar ondas, tirarse de cabeza á piscina ou na praia, andar sen casco nas bicis, non levar posto o cinturón de seguridade... son situacións que nos poñen en risco e se somos conscientes destes perigos debemos tratar de evitalos .

Tamén nos falaron direfentes persoas afectadas, da súa experiencia, de cómo chegaron a esa situación e de como nós, eliminando as barreiras arquitectónicas facilitariamos que eles levaran unha vida o máis normal posible.

Transmitíronnos a idea de que a felicidade non se acaba cunha enfermidade ou cunha discapacidade, porque poden facer moitas cousas das que facemos nós, algunha delas coa nosa axuda, e mesmo outras que ninguén de nós e quen de facer coma pintar cadros coa boca ou navegar sen poder mover as pernas. A nosa obriga e verlos e aceptalos como son e, se nola piden, darlles esa axuda que demandan.

Este ano propuxémonos ter un colexio máis limpo, e decidimos empezar polo patio. Para conseguilo estamos a facer o seguinte:

• Nas titorías traballamos sobre a importancia de vivir nunha contorna limpa

• Relacionámolo cos bos hábitos alimenticios, xa que era frecuente atopar as papeleiras cheas de bocadillos, froitas... e sen empezar!

• Organizámonos e formamos a Patrulla Verde. Tócanos aos maiores dar exemplo, por iso encargámonos os de 5º e 6º desta tarefa. 

CALES SON AS NOSAS FUNCIÓNS?

A patrulla está formada por catro alumnos que van rotando. Todas as clases de 5º e 6º participan. Somos moi visibles. Os nosos chalecos son amarelos. Levamos luvas para protexer as mans, bolsa para recoller e caderno para apuntar todo o que vemos: nenos que tiran cousas ao chan, papeleiras cheas ou rotas....

Ao terminar o recreo imos polas clases a ensinar o que recollemos e avisar aos titores dos nenos que tiraron cousas. 

PEDÍMOSVOS QUE COLABOREDES, MANTER O COLEXIO LIMPO DEPENDE DE TODOS!

O XOVES, COMEMOS FROITA!

Tras a boa acollida nos cursos anteriores da idea de comer froita os xoves,

REPETIREMOS!

Podemos traer a escola calquera tipo de froita para comer na hora do recreo. Se queredes , incluso pódese traer calquera día porque xa sabedes, como falamos na clase, que é moi bo alimento, aporta vitaminas e fai que todo o corpo funcione coma un reloxo.

PERO ISTO NON QUEDA AQUÍ!

Na nosa liña de traballar desde a infancia os hábitos alimenticios saudables propoñemos agora outra idea:

OS VENRES BOCATA!!!

Pode ser de xamón, de queixo, de salchichón, de chourizo, de plátano, de marmelo, de chocolate... do que che guste! Pero hai que variar, cada día dunha cousa distinta para que a alimentación sexa o máis variada posible.

E para comezar con este sano costume, este primeiro venres 19 de outubro, a ANPA vai repartir bocatas a todo o alumnado do centro.