Skip to Content

Blogues

RECOLLIDA DE MATERIAL E DEVOLUCIÓN DE LIBROS DO FONDO SOLIDARIO ( 3º e 4º )

Ven, 29/05/2020 - 13:08 — admin

 Estimadas familias:

Debido ás circunstancias nas que nos atopamos e xa que estamos na Fase 2, establécese un protocolo para a entrega do material que o alumnado ten non centro.

 As familias deberán:

 1.     Vir unha persoa soa.

 2.     Se  non puidesen vir  persoalmente poden autorizar a outra  persoa.

 3.     Utilizar máscara.

 4.     Seguir as indicacións da persoa da conserxería.

 5.     Respectar a distancia  de seguridade.

 6.     A recollida farase por orde de chegada.

 Lugar de entrega:

 -       Nas propias aulas.

 -       Acceso pola porta lateral dereita da entrada ao centro.

  Calendario de entrega:

No que repecta a 3º e 4º, hai que traer os libros do Fondo Solidario.

Os libros de texto de primeiro quedarán no colexio ata setembro. As titoras consideran que é mellor que desde o primeiro día, os rapaces conten con este material para repasar, ampliar coñecementos e dar contidos que quedaron sen traballar.

Nos vindeiros días, publicarase a organización para o reparto do material de 5º e 6º de Educación Primara.

Un saúdo

Ante calquera dúbida, poden contactar co seu titor ou titora.

 

 

VÍDEO

Mar, 26/05/2020 - 09:52 — admin

Agradecemos ás familias do noso centro este fantástico vídeo que nos achegaron. Grazas

FROITOLIMPÍADAS

Ven, 22/05/2020 - 13:33 — admin

 

Premendo na seguinte imaxe podedes ver un vídeo sobre o traballo realizado polo alumnado dentro do programa "Aliméntate ben"

ALIMÉNTATE BEN

Mér, 20/05/2020 - 13:59 — admin

Estimadas familias,

Como ben sabedes, o colexio participa nun dos programas do Plan Proxecta ofrecidos pola Consellería de Educación, en concreto, o programa "Aliméntate ben". Grazas a el, repartimos, durante dúas semanas, diferentes froitas ao alumnado, na hora do recreo. Todo co obxectivo de fomentar hábitos saudables na comunidade escolar a través de dietas equilibradas e utilizando produtos de calidade que garantan unha alimentación e desenvolvemento idóneo.

Este ano, dadas as circunstancias, non se puido levar a cabo a repartición de froita, pero si podemos desenvolver algunhas das actividades previstas no centro, en relación ao programa. Para iso, pedimos ao alumnado do CEIP de Galán a súa colaboración, contestando a enquisa que poderedes ver premendo na imaxe adxunta. Publicaremos os resultados obtidos na web.

Grazas pola vosa colaboración.

 

REFORZA-T

Mér, 20/05/2020 - 12:33 — admin

Prezadas familias,

Informamos que o programa Reforzat- T continúa e está dispoñible tanto para o alumnado de 3º e 4º, na aula Virtual, como para ou alumnado de 5º e 6º, a través da plataforma de Edixgal.

A docente do programa atenderá os cursos de 3º e 4º os luns e os mércores, e os cursos de 5º e 6º, os martes e os xoves. Ambos grupos en horario de 16:00 a 18:00.

Lembramos que o programa ten como obxectivo mellorar o rendemento académico do alumnado, incidindo na competencia lingüística, matemática e científico-tecnolóxica. Este desenvolverase en estreita coordinación co profesorado titor.

Ante calquera dúbida, poden poñerse en contacto co centro.

 

Atentamente

A Coordinadora do Programa

                                                                                         

FELIZ DÍA DAS LETRAS GALEGAS!

Dom, 17/05/2020 - 21:46 — admin

Moitas grazas pola vosa participación na actividade programada para as Letras Galegas. Grazas a ela, puidemos elaborar este entrañable vídeo. Agardamos que vos guste. 

VISITA VIRTUAL AO CEIP DE GALÁN

Ven, 15/05/2020 - 11:53 — admin

DÍA DAS LETRAS GALEGAS

Mér, 13/05/2020 - 16:30 — admin

O Equipo de Dinamización da Lingua Galega elaborou un pequeno trivial con preguntas sobre os últimos 5 autores homenaxeados nas Letras Galegas.

A Coordinadora de Equipos de Normalización Lingüística de Ferrolterra está a compratir cos centos o proxecto  de “As Pitas Baixo a Choiva http://aspitas.gal/ que conten un conto, cd e unidade didáctica sobre esta obra.

Agardamos que vos guste.

AVALIACIÓN CURSO 2019/2020

Mar, 12/05/2020 - 21:15 — admin

A avaliación final das aprendizaxes do alumnado durante o curso 2019-2020 considerará en conxunto as avaliacións de todo o curso, valorando especialmente o grao de desenvolvemento das aprendizaxes e das competencias imprescindibles previamente definidas nas Programacións Didácticas, que se publicarán na páxina web, a finais deste mes.

Realizarase sobre as aprendizaxes desenvolvidas nos dous primeiros trimestres así como as actividades de recuperación, repaso, reforzo e, no seu caso, ampliación das aprendizaxes anteriores que se desenvolvan durante o terceiro trimestre.

A avaliación das actividades realizadas na fase non presencial terán valor positivo para a cualificación final do alumnado.

 

 

APERTURA DO CENTRO

Lun, 11/05/2020 - 11:17 — admin

Lembramos ás familias que o centro está aberto, exclusivamente, para trámites administrativos.

 

 

Distribuir contido


by Dr. Radut