Skip to Content

Blogues

PROTOCOLO DE INICIO DE CURSO

Xov, 03/09/2020 - 18:19 — admin

Estimadas familias,

O Equipo Covid está a elaborar o Protocolo de adaptación ao contexto da Covid-19 no centro. 

Neste protocolo especificarase o procedemento a seguir nas entredas e saídas, recreos, transporte, medidas de limpeza, organización das aulas, sinalizacións, etc,

O inicio do periodo escolar farase de maneira escalonada por cursos.

O protocolo publicarase na páxina web do centro na maior brevidade posible. 

Un cordial saúdo

O Equipo Directivo

TRANSPORTE E COMEDOR

Xov, 03/09/2020 - 18:13 — admin

Estimadas familias:

Para calquera consulta ou trámite relativo ao transporte escolar (dúbidas, cambios de parada, solicitude...), pregamos nolo envíen, por correo electrónico (ceip.galan@edu.xunta.gal).

En canto ao funcionamento do servizo de comedor, a día de hoxe, non temos información por parte da Consellería. Ante calquera nova, comunicarémolo na maior brevidade posible, a través da nosa web.

Un cordial saúdo

O Equipo Directivo

 

TRÁMITES ADMINISTRATIVOS

Xov, 03/09/2020 - 18:05 — admin

Segundo as INSTRUCIÓNS POLAS QUE SE INCORPORAN A DECLARACIÓN DE ACTUACIÓNS COORDINADAS EN MATERIA DE SAÚDE PÚBLICA APROBADAS POLO CONSEJO INTERTERRITORIAL DO SISTEMA NACIONAL DE SALUD PÚBLICA (D.O.G Nº 174 BIS DO 28-08-2020) E A ACTUALIZACIÓN DAS RECOMENDACIÓNS SANITARIAS DO COMITÉ CLÍNICO AO PROTOCOLO DO 22 DE XULLO DE ADAPTACIÓN AO CONTEXTO DA COVID 19 NOS CENTROS DE ENSINO NON UNIVERSITARIO DE GALICIA PARA O CURSO 2020-2021 VERSION 31-08-2020

11.5. Fóra do suposto anterior, con carácter xeral, e salvo razóns xustificadas ou relacionadas con procesos administrativos, ou cando a presenza sexa requirida polo propio centro, non se permite a entrada dos proxenitores no centro educativo. O centro establecerá horarios específicos para a atención das familias non coincidentes con horarios de entrada e saída nin con intercambios de clase ou recreos.

 

Por isto, para a realización de calquera trámite administrativo priorizarase a vía telemática (correo electrónico do centro: ceip.galan@edu.xunta.gal), telefónica (881880903) e se non fora posible, mediante vía presencial, previa cita.

ADAPTACIÓN VINDEIRO CURSO

Lun, 10/08/2020 - 14:15 — admin

PROTOCOLO DE ADAPTACIÓN AO CONTEXTO DA COVID 19 NOS CENTROS DE ENSINO NON UNIVERSITARIO DE GALICIA PARA O CURSO 2020-2021 (22-07-2020)

2.1. Cada centro educativo deberá contar cun equipo formado na COVID- 19 que será referencia para o resto do persoal, profesorado, alumnado e familias. O equipo estará formado pola persoa titular da dirección do centro, ou persoa na que delegue ou a substitúa, e dous membros do profesorado (nos centros de menos de seis unidades o equipo poderá constituírse cunha soa persoa). Corresponde á persoa titular da dirección do centro o nomeamento dos restantes membros. En cada centro educativo establecerase unha canle de comunicación cos membros da comunidade educativa.

10.4. Corresponde ao equipo COVID elaborar un “Plan de adaptación a situación COVID-19 no curso 2020/2021” de conformidade co modelo que se xunta como Anexo V a este protocolo no que se determinen ás concrecións das medidas para o centro educativo individualizado. O “Plan de adaptación a situación COVID-19 no curso 2020/2021” será comunicado ao persoal do centro, a todas as familias e ao alumnado, neste último caso a partir dos niveis de ensino obrigatorio.

 

VÍDEO DE DESPEDIDA DE FIN DE CURSO

Ven, 19/06/2020 - 11:40 — admin

Prezadas familias,

Deixámosvos un vídeo para despedir o curso. Agardamos que vos guste.

Bo verán e felices vacacións!

O Equipo Educativo do CEIP de Galán

OS INSTRUMENTOS CONFINADOS

Mar, 16/06/2020 - 11:42 — admin

Xa está aquí a tradicional exposición de instrumentos con material de refugallo!

Este ano en versión confinada. Moitas grazas polo voso esforzo, fixestes un gran traballo.

Montaxe: Sandra (mestra de E.Musical)

 

PRESENTACIÓN IES DE PASTORIZA

Mar, 16/06/2020 - 10:26 — admin

No seguinte enlace tedes acceso a unha presentación que fai o IES de Pastoriza ás

familias do alumnado de novo ingreso.

Agardamos que vos sexa útil.

http://www.edu.xunta.gal/centros/iespastoriza/node/900 

DESPEDIDA VIRTUAL DO ALUMNADO DE 6º DE EDUCACIÓN PRIMARIA

Dom, 14/06/2020 - 23:37 — admin

Ao non poder celebrarse o acto de despedida de 6º, como se veu facendo en cursos anteriores, queremos que teñades un pequeno recordo do voso paso polo colexio.

É un vídeo cheo de "maxia"  que recolle algunhas fotos da etapa de Primaria en Galán. 

Agardamos que vos guste. Desexámosvos o mellor!

Apertas virtuais!

O equipo docente de 6º do CEIP de Galán

Montaxe: Paco (mestre de E.F)

 CEIP de Galán

Xuño de 2020

Distribuir contido


by Dr. Radut