Actividades varias

Hoxe, mércores 23 de novembro do 2011 o alumnado de 3º nivel xunto co todo o Profesorado que nos dá clases, a Orientadora (Pili)  e o Equipo Directivo tivemos unha festa para celebrar o Día dos Dereitos dos nenos e nenas e aproveitamos para darlle a benvida a un novo compañeiro.

Cantamos, comemos tarta, fixemos poesía e pasámolo moi ben

Vídeo da celebración

Xa sabedes que a nosa amiga Dorinda comparte con todos nós o magosto. Sen embargo este ano convidou a dúas amigas a pasar o San Martiño cos nenos e nenas do cole. Estarán un tempiño, pero despois deberán volver coas súas familias.  Se queredes ve-las só tendes que ir aos corredores das aulas de primeiro e segundo de educación primaria. Algúns de nós xa as visitamos e fixemos unhas fotos con elas de recordo, as que queremos compartir con todos.

Este mes de outubro comeza moi activo:

O mércores 5 de outubro, os nenos/as de 5º de primaria recibiron a visita da policia local  pola Campaña de Educación Viaria do Concello de Vigo "EU PODO". Pablo e Pilar ensináronnos como debemos actuar cando somos peóns e o como nos debemos comportarnos se imos en bicicleta.

O xoves 6 de outubro Vanesa, Enxenaría Informática visitou o noso cole para explicar a todos/as os alumnos/as de aulas Abalar, todo aquilo que debemos facer para navegar pola rede seguros. Foi realmente interesante, o alumnado estivo moi atento e fixo moitas preguntas. Dende hoxe sabemos moitas máis claves para navegar seguro. Recomendado por Vanesa, deixámosvos o seguinte vídeo. Tomade boa nota!!!