O venres 14, despois da xornada habitual de traballo, o ANPA obsequiou o alumnado de 6º cun xantar, mentres que o colexio repartiulles uns agasallos; tamén disfrutaron dun vídeo que recollía os mellores momentos dos últimos nove anos. Resultou un acto sinxelo e moi emotivo. Rematou cunha sesión de fotos. Só queda agradecer ós pais e nais, que con tanto cariño organizaron o xantar; a nosa directora, que sempre está pendente que non falte nada; e, os mestres e mestras que lles deron clase nalgún curso por telos acompañado nesta xornada tan especial.
O martes, 4 de maio, celebramos o Festival da Lingua.
As totalidade das clases foron representando os seus traballos; durante as dúas xornadas escolares anteriores o público foi a totalidade do alumnado; o martes, pola tarde, actuamos para as familias. Deixámosvos os vídeos dos mellores momentos do Festival da Lingua 2013, por niveis educativos e nas distintas actividades:
INFANTILMUSICAL
3-4-5 ANOS
INFANTIL BAILE EN INGLÉS
5ANOS
1ºA-1ºB
2ºA-2ºB
3ºA-3ºB
4ºA-4ºB
5ºA-5ºB
6ºA-6ºB
Cantamos e bailamos en Inglés
1º-5º-6º
Bailes libres
4º-5º-6º
Os nosos/as presentadores/as
FOTOS DOS MELLORES MOMENTOS
Premendo na seguinte imaxe tedes un enlace ó Blog da Biblioteca de todo o acontecido na Festa Fin de Proxecto "A lingua sabe a pan"
Tarta participante no concurso de postres deste ano
O mércores, 15 de maio, o equipo que concursou en Ligamats, actividade da Semana Matemática, foi recoller o premio e diploma polo seu cuarto posto. Tamén houbo un diploma para o noso Centro que foi recollido pola mestra Conchi.
Se premes na imaxe poderás ver as fotos dos mellores momentos.
Noraboa para todos e todas, en especial para Ainhoa, Ariadna, Iván e Andrés !
O alumnado de sexto de primaria acompañado das súas titoras, Marisa e Ana, e da orientadora, María, foron visitar o Instituto República Oriental do Uruguai.
Hoxe, 18 de abril, tivemos a xornada de acollida no Instituto R.O.U. Saímos do colexio un pouquiño despois das nove e fomos camiñando ata o instituto onde esperábannos antigos compañeiros mailo director do Centro. Acompañáronnos ata a Biblioteca; xa alí, ex-alumnos e ex-alumnas do Frian coñecidos por todos e todas (Roi, Antía Otero, Aroa, Dayana, Roberto...) xunto con mestras e mestres do instituto foron quen de irnos ensinando as distintas dependencias do mesmo; a biblioteca, a aula de Bilingüe, o laboratorio de Física e Química, un aula de Matemáticas, o ximnasio; onde realizamos distintas tarefas. Sen dúbida ningunha, o momento estelar foi a realización do "experimento do ovo", que ano tras ano estase a converter nunha lenda urbana.
Rematamos a nosa visita cunha merenda na biblioteca.
Moitos e moitas pensamos que xa querían quedar alí, pero...aínda nos quedan un par de meses de duro traballo.
Queremos agradecer sinceramente, o Claustro do Instituto República Oriental do Uruguai, o trato que nos dispensaron nesta visita e o preparada que tiñan esta xornada de acollida.
Seguro, que o noso alumnado, o ano que vén atoparanse como na casa.
