A X Semana da Matemática, pechou cunha grande alegría. O noso equipo de 6º formado por Iván, Ariadna, Andrés e Ainhoa capitaneados pola mestra Conchi quedou segundo clasificado, soamente superados polo colexio Rosalía de Castro, coorganizadores do evento.

Penso que o luns chegarán ó colexio cargados de agasallos.

Nosa máis sincera noraboa!

Coincidindo coa X semana da Matemática dous equipos de alumnos e alumnas, un de 5º e outro de 6º do noso colexio paticipan en LIGAMATS, concurso matemático, buscando unha praza para a final e mellorando a nosa competencia matemática.

EQUIPO REPRESENTANTES 5º De esquerda a dereita: Adrián, Xabi, Joan e Carla	EQUIPO REPRESENTANTE 6º                       De esquerda a dereita:                  Ariadna, Andrés, Iván e Ainhoa

 Os representantes de 6º clasificáronse, por segundo ano consecutivo, para participar na final; será o mércores 19 no edificio da Fundación Barrié da Maza.

NORABOA E MOITÍSIMA SORTE!!!

Gael (6ºA) gañou este ano o concurso de Vigolandia dirixido no noso colexio pola mestra Luz. O mércores día 12 de febreiro, a organización invitounos ao Concello de Vigo para recoller os premios. Despois de escoitar ao noso Sr. Alcalde Abel Caballero, nomearon aos gañadores e gañadoras e foron recollendo os seus diplomas, dignos de enmarcar. Nas fotos podedes ver a Gael neste día tan especial.

O venres, 17 de xaneiro, participamos nun taller de igualdade organizado polo Concello. A monitora chámase Elsa e explicounos  que todos somos iguais, tanto os homes como as mulleres. Reflexionamos sobre os estereotipos sexistas que describen as características asignadas pola sociedade a cada sexo. As mulleres son humildes, obedientes....e  os homes valentes, aventureiros...Tamén vimos catálogos  de xoguetes nos que comprobamos que cando van dirixidos ás nenas sempre aparecen rapazas moi ben vestidas e predomina a cor rosa. Nos dirixidos aos nenos aparecen rapaces en actitude decidida e  nunca en cor rosa nin morada.