Skip to Content

PREMIO PRIMAVERA DAS LETRAS.

Dom, 23/10/2022 - 13:39 — biblioteca

O pasado luns 17 de outubro fomos co noso alumnado de 4º, 5º e 6º á Coruña, á sede da Real Academia Galega,  para recoller o premio do Concurso Contádenos o voso Día das Letras Galegas 2022, convocado pola institución a cargo do proxecto “Primavera das Letras”, onde demostraron o ben que bailan coa “DANZA DOS MACHETES”. Fixérono xenial!

Aproveitando a viaxe visitamos pola tarde o Aquarium Finisterrae, onde aprendimos moitos aspectos relacionados sobre a bioloxía mariña, a oceanografía e o mar en xeral, ata vimos como alimentaban ás focas! Foi un día inesquecible!

A continuación podedes ver as fotos premendo na imaxe.

CHARLA PLAN DIRECTOR

Mar, 18/10/2022 - 17:05 — fondonois

As nenas e nenos de 5º e 6º de Primaria recibiron hoxe, unha charla informativa-formativa sobre ciberseguridade e acoso escolar,  impartida por unha persoa experta das Forzas de Seguridade do Estado, dentro do Plan Director para a convivencia e a mellora da seguridade nos centros educativos e os seus contornos.

SAMAÍN

Mar, 18/10/2022 - 12:16 — fondonois

O vindeiro venres 28 imos celebrar no cole a festividade do SAMAÍN, amosamos mais información acerca desta celebración no tríptico que podedes ver pinchando na imaxe:

Saída á praia Setembro 2022

Lun, 03/10/2022 - 18:27 — fondonois

No mes de setembro realizamos unha saída á praia das Pólas, situada a escasos metros do noso centro.

É este un recurso natural co que contamos preto do colexio, e que nos gusta aproveitar con frecuencia para traballar a motricidade, os xogos ao aire libre, o traballo en equipo, a concienciación sobre a recollida de lixo...

Podedes ver algunhas fotos premendo na imaxe.

Concurso Primavera das Letras.(Real Academia Galega).

Sáb, 17/09/2022 - 21:42 — biblioteca

Comezamos o curso cunha gran nova: O noso colexio é un dos tres gañadores do concurso Contádenos o voso Día das Letras, de Florencio Delgado Gurriarán, convocado pola Real Academia Galega ao abeiro do proxecto dixital Primavera das Letras

 

INFORMACIÓN PARA AS FAMILIAS. EDIXGAL.

Mar, 13/09/2022 - 17:05 — fondonois

Información para as familias do alumnado de 5º de Educación Primaria que comenza este curso co PROGRAMA EDIXGAL.

AUTODECLARACIÓN COMEDOR ESCOLAR

Mér, 29/06/2022 - 11:10 — fondonois

ADXUNTAMOS O MODELO DE AUTODECLARACIÓN DO COMEDOR ESCOLAR QUE DEBEN CUBRIR AS FAMILIAS QUE FAGAN USO DO MESMO DURANTE O VINDEIRO CURSO 22/23. É PRECISO QUE SEXA ENTREGADO NO CENTRO ANTES DO 8 DE SETEMBRO.

FIN DE CURSO 21-22

Mar, 28/06/2022 - 21:03 — fondonois

O 22 de xuño celebramos no colexio a despedida do curso. 

Primeiro baixamos á praia a xogar e desfrutar dese marabilloso entorno co que contamos preto do noso cole.

Máis tarde, fíxose a entrega de medallas e diplomas para todos aqueles que completaron o Xacobeo Mariñán.

A continuación, varias alumnas do colexio interpretaron bailando a canción Slomo (de Chanel) e fixeron entrega de diplomas e medallas elaboradas por si mesmas. 

Por último, os alumnos desfrutaron xogando no patio así coma na extensa zona verde coa que conta o noso centro.

Podedes ver as fotos premendo na imaxe

PROGRAMA "TAS OU NON TAS" 6

Lun, 27/06/2022 - 10:33 — biblioteca

O alumnado de 6º déixannos o derradeiro programa "TA OU NON TAS" deste curso 21-22, falándonos da palabra VRAO. Queremos darlles as grazas por todo o marabilloso traballlo que realizaron durante estos meses e desexarlles moita sorte nesta nova etapa!

Escola de Música de Foz e Banda de Música de Foz

Ven, 17/06/2022 - 12:03 — fondonois

O 9 de xuño acudiron ao noso colexio varios mestres da Escola de Música de Foz e algúns membros da Banda de Música de Foz, para realizar unha exhibición ao alumnado.

Trouxeron varios instrumentos e explicáronlles o nome dos mesmos, o seu funcionamento así coma o seu son.

Ademais, realizaron xogos de adiviñas con películas de Disney, tocando a música das mesmas en directo.

Podedes ver as fotos premendo na imaxe.

                   

 

Subscribirse a este contido


by Dr. Radut