blogue deadmin

Moi boas!!!

Para culminar o mes  no que se celebrou o día das nosas letras e do amor pola nosa terra, o noso alumnado tivo unha gran actuación cantando o noso himno.

Fixérono xenial!!

Infórmase que na elaboración da rifa da excursión a París do alumnado de 4º, 5º e 6º produciuse un erro no referente á data do sorteo da cesta.

A data que aparece   nas rifas  ( 25/02/2022) non é correcta.

A data correcta do sorteo da cesta, o cal se publicará nesta páxina web, é o 25 de maio de 2022.

Desculpas polas posibles molestias ocasionadas e moita sorte no sorteo!

Moi boas!

Coma sempre, o espectacular equipo da biblioteca achéganos estas estupendas recomendacións lectoras adaptadas ós ritmos e idades dos noso discentes.

En primeiro lugar as lecturas máis recomendadas para os máis peques do cole:

Para os "nosos medianos e medianas" as lecturas xa están máis enfocadas aos seus intereses e gozarán coas distintas historias e aventuras que vivirán mentres len.

E xa por último, os libros recomendados @s nos@s lectores expert@s farán que o noso alumando imaxine novos mundos cheos de aventuras e empatice cos seus personaxes ao tempo que aprende novo vocabulario e goce coas actividades lectoras.

Ata a próxima!!

Esta semana o Clube de Ciencias achegounos á enerxía e a súa presenza no noso entorno!

O alumnado máis maior aprendeu a montar interruptores a través de pilas e cables e os máis pequenos gozaron coa atracción e a forza que teñen os imáns.

Observaron e experimentaron como os polos opostos se atraen e en cambio os semellantes se evitan debido á enerxía que se forma.

En definitiva, o alumnado de todas as idades gozou coas actividades do Clube de Ciencias , aprendendo e gozando cun aprendizaxe práctico e experimental.

Un saúdo!!

Esta semana, aproveitando a mellora da situación Covid e conmemorando tamén o Día do Libro, comezouse cunha actividade para fomentar a lectura compartida realizada en anos anteriores: os apadriñamentos lectores.

Nestas actividades as nenas e nenos máis maiores fan sesións de lectura compartida co alumnado de cursos inferiores para fomentar o interese polos libros, coñecer novos personaxes e historias, enriquecer o coñecemento e o vocabulario.....

En definitiva, esta actividade promovida polo equipo de biblioteca fai que os nenos compartan, aprendan e gocen cun elemento fundamental para o seu desenvolvemento: os libros de lectura.

No 2º trimestre leváronse a cabo moitas actividades complementarias e extraescolares que fomentaron o desenvolvremento, a participación, a creatividade e en defininitiva todas as competencias do noso alumnado en diferentes contextos.

A finais de febreiro celebramos o día da Paz conectando o proxecto anual da biblioteca sobre o patrimonio e o coñecemento da nosa contorna máis cercana co fomento da convivencia.

O alumnado representou o mapa das parroquias do Concello de Ribeira  e enfatizouno con frases e debuxos relacionados coa convivencia.

Despois, o  Día da Muller en marzo con distintas actividades por cursos, por exemplo nesta na que  cada nen@ reflectiu como vía a súa nai.

 Logo, para tratar os problemas de convivencia que poden aparecer nas escolas, os nosos nenos e nenas máis maiores asistiron na biblioteca a unha charla dun psicólogo moi recoñecido que lles explicou a importancia de loitar contra o acoso e de denunciar o antes posible posibles condutas relacionadas co bullying.

Xa a medidados de marzo  tivemos unha excursión  a Corrubedo e ao privilexiado entorno do que dispoñemos na zona  ( Complexo Dunar de Corrubedo e Lagoa de Carregal e Vixán).

Os discentes coñeceron a fauna e a flora autóctona  e recorreron a Praia do Vilar e os bosques anexos.

Aproveitando a visita e coñecemento de distinta fauna e flora, a semana seguinte acercámonos á Pobra do Caramiñal a marisquear e así coñecer distintos tipos de ameixas, navallas....

Ao día seguinte aproveitamos a invitación do concello para asistir no auditorio á obra da Toupiña, onde os nosos rapaces e rapazas gozaron coas distintas interpretacións asociadas aos animais que nos atopamos no noso entorno.

Para rematar o trimestre conmemoramos o día das Artes Galegas cun taller relacionado co autor homenaxeado: Laxeiro.

Nela, os nenos e nenas, a partir dunha marca no folio imaxinaban e facían unha obra co estilo artístico de Laxeiro. Como podemos observar o resultado foi variopinto e moi logrado.

Por suposto, no 3º trimestre fareos moitas máis actividades extraescolares e complementarias debido a súa importancia pedagóxica e didáctica.

Un saúdo!!

O vindeiro día 26 de abril levaremos a cabo outra sesión da Escola de Nai e Pais. En esta ocasión os contidos que traballaremos son os seguintes:

• Cambios e fitos evolutivos nos nosos fillos/as
• O cerebro: cambios evolutivos como funciona e reacciona
• As emocións, conciencia e control emocional
• Comprensión das propias emocións e as do resto
• Estratexías da regulación emocional
• As emocións na toma de decisións.

A sesión tera lugar no noso centro de ensino ás 16h e será impartida por María Iglesias Fungueiriño, Psicologa da asociación Renacer.

Agardamos a vosa presenza.

OS PLANETAS

Bos días tod@s!

Nesta ocasión o alumnado pode, etre outras cousas, comprobar o número de voltas que da cada planeta en relación ás voltas que da a Terra ao Sol, o tamaño dos planetas, a rotación a translación...

Tamén teñen un aprendizaxe práctico dos contidos relacionados co universo e o espazoao tempo que gozan cos contidos.

Un saúdo!!

Estimadas familias:

Do 1 ao 21 de marzo estará aberto o prazo para matricular ao novo alumnado de Primaria e Educación Infantil.

Aínda que pode cubrirse a solicitude de forma telemática ,recomendamos que vos acheguedes ao colexio a recollela  en horario de mañá e así poder aproveitar para coñecer o centro e todas as súas instalacóns e o seu  contorno.

Se tedes algunha dúbida podedes contactar con nós a través dos seguintes medios:

 Teléfono : 881866358

 Email: ceip.artes.ribeira@edu.xunta.gal

Un saúdo!