Estimados pais e nais.
Queremos presentarvos un novo proxecto que estamos levando a cabo no centro e coa participación do Departamento de Educación Física.
Trátase dun proxecto vencellado á Educación Viaria, unha das asignaturas pendentes no sistema educativo, e que pensamos que a escola ten moito que aportar.
A LOMCE establece no seu desenvolmento, unha serie de obxectivos, contidos e estándares, relacionados coa educación viaria, e que podemos resumir:
Obxectivos.
Fomentar a educación viaria e as actitudes de respecto que incidan na prevención dos accidentes de tráfico.
Adopción de condutas seguras ao actuar como peóns ou nas saídas polo contorno do colexio
Recoñece e respecta as normas de educación viaria en contornos habituais e non habituais.
Coñecemento da normativa básica de circulación en rúas e estradas.
Identificación e respecto, ao realizar saídas fóra do colexio, dos sinais básicos de tráfico que afectan aos peóns e ás persoas ciclistas.
Estándares de aprendizaxe
Acepta formar parte do grupo que lle corresponda e o resultado das competicións con deportividade.
Recoñece e respecta as normas de educación viaria en contornos habituais e non habituais.
Polo tanto o proxecto desenvolverémolo, tanto con actividades dentro das aulas como actividades prácticas a desenvolver nun circuíto construído no patio do centro empregando como vehículo as bicicletas dos nenos e nenas. Estas actividades externas, desenvolveránse por quendas (cursos) o primeiro día da semana, previo aviso ás familias a través da aplicación Abalar Móbil, é dicir, avisaremos que nenos poderán traer a súa bicicleta e que día.
Para que o proxecto resulte positivo, necesitamos que o alumnado cumpra unha serie de normas, para as cales solicitamos a vosa axuda.
O alumnado traerá a súa bicicleta e aparcaraa no lugar designado ás 9 de mañá, retirándoa ás 14 horas para marchar a casa.
O alumnado de infantil poderá traer o seu patinete para traballar a educación viaria cando o profesor o estime oportuno desenvolver nas horas de Educación Física.
O alumnado transportado poderá traer a bicicleta no autobús.
O alumnado non poderá empregar a bicicleta fóra do horario designado para o circuíto, que será na hora do recreo. Non se permitirá que sexa un xoguete para utilizar en calquera momento.
O alumnado usuario do comedor, deixará a súa bicicleta custodiada nun lugar designado, ata o momento de marchar para casa, non permitíndoselle que a empregue no centro nos momentos de lecer. O mesmo criterio empregaremos para o alumnado PROA.
O alumnado deberá obrigatoriamente, traer casco. Non se permitirá empregar a bicicleta sen o mesmo.
O alumnado que non cumpra as normas básicas de tráfico, (facer o tolo coa bicicleta, non facer caso dos monitores asignados, etc), será privado de participar na mesma actividade.
O alumnado fará actividades teóricas (fichas, fichas para colorear, visionado de vídeos, xogos interactivos, etc.).
Aqueles alumnos que incumpran as normas, serán retirados da actividade durante o tempo que se estime oportuno, en función da gravidade do feito.
Para rematar, é importantísimo que as familias nos boten unha man no cumprimento das normas, así que solicitamos a vosa colaboración.
Reciban un cordial saúdo.