Este trimestre estamos levando para a casa a bolsa da ciencia. É unha bolsa que dentro leva distintos materiais para poder facer experimentos coa nosa familia. 

Unha vez rematan de traballar coa bolsa da ciencia e tráena de novo ao cole, facemos un collage que está exposto durante uns días na aula para que nos conten a súa experiencia e que os demais compañeir@s podan observar o que fixeron.

Polo de agora xa puido experimentar Julieta, Martiño, Carmen S e Chloe e foi todo un éxito. 

O venres 4 de marzo festexamos na aula as 4 voltas ao sol de Aitor.

Que gañas de que chegara este día tan especial no que poder compartir e desfrutar cos compis dun momento tan importante para eles.

Mentres daba as súas 4 voltas ao sol non podíamos deixar de ver as fotos e observar canto creceu o noso compañeiro. Temos que dicir, que a foto que máis nos gustou foi a do día que naceu, ten a misma cara de agora, sempre cun sorriso. Ademáis, Aitor é o maior da clase, o primeiro en nacer de nos ¡Que curioso pareceunos isto!.

E cun abrazo xigante demostramos que aínda que levamos xuntos apenas uns meses somos máis ca un equipo.

Parabéns e moitos moitos bicos.

Esperamos que fora un día moi especial.

Foi unha semana ben divertida a do entroido, fixemos máscaras, colares e pulseiras de entroido, traballando así a motricidade fina, escribimos palabras típicas destas datas, decoramos antifaz con plastilina, e todo isto, sen deixar de lado a esencia do noso ambiente, o xogo simbólico coa cociña e os nosos bebés, a nosa cama que nos translada a momentos de paz e tranquilidade, a biblioteca donde desfrutamos cos nosos libros e a mesa sensorial e de transvases que sempre temos sorpresas que nos encanta descrubrir.

TEMPO DE ENTROIDO!

Seguimos traballando sobre as ideas e dudas que xurdiron nunha primeira asamblea. As nosas investigacións leváronnos a facer distintas actividades nas que : xogamos a facer vento con distintos elementos, movemos obxectos sen empregar as mans, percorrimos por circuitos nos que tíñamos que desprazar pelotas de distintos pesos, polo que descubrimos que movendo un cartón creaba unha corrente de aire que desprazaba a pelota, polo tanto podían movelas sen tocalas.

Ademáis, unha das dudas que quedaban no tinteiro era donde estaba o aire: dentro do cole? No patio? Anteriormente descubrimos que dentro do cole tamén había aire, pero no patio? Xa temos a resposta.

Tamén coñecemos diferentes medios de transporte aéreos e continuamos coñecendo o noso sistema respiratorio. Para iso, no ambiente de ciencia coñecemos como é e funciona o noso sistema respiratorio. Vimos como son os pulmóns do porco, como funcionan, tocámolos, disécionámolos, diferenciamos as súas partes,… debuxámolos e reproducímolos con plastilina.

Ademáis, estimulamos o sentido do olfato ao tratar de adiviñar distintos elementos tan só polo seu olor, comprobamos a que ole o aire da nosa clase e como cambia o seu olor cando botamos colonia ou poñemos un ambientador. Exponemos que olores nos gustan e cales non, asociamos olores con cores, olores coa foto do que corresponde, e por último falamos das nosa nariz. Non todas son iguais pero si todos podemos oler e respirar por ellas. Polo que fixemos as nosas siluetas para logo poder comprobar as nosas pesquisas.