Velaquí algunhas das propostas que, ao longo do mes de marzo, ocuparon o noso tempo no ambiente de verbas. 

Traballamos a motricidade fina con actividades onde tiñan que cortar coa pinza dos dedos para facer un verme, a grafomotricidade seguindo determinados patróns, clasificamos distintos tipos de letras, formamos palabras dependendo da imaxe que nos tocara, traballamos con habas e arroz, encántanos contar contos na biblioteca, aprendimos a poñerlles os cueiros as nosas e nosos bebés, montamos unha perruquería nun chiscar de ollos, e sempre, recollemos todo ao rematar ¡Queda todo ben limpiño!.

Esta semana levamos a cabo taller de Un mar de palabras. Para a súa posta en marcha contamos coa participación de Chechu o pai de Aitor, María a avoa de Martiño, Julia a nai de Adrián e Laura a nai de Carmen S. Por grupos van pasando por cada proposta onde un dos nosos familiares estaban a esperalos para comezar a xogar. Busca algún obxecto que comece pola mesma letra que nos, pesca os peixes que conteñan a letra da carta ue levantache sen mirar, mete a man na bolsa, saca unha letra e leva o noso robot Doc hasta a foto da compañeira/o que comeza por esa letra e por último fixemos un puzzle coa nosa foto y por último tiñamos que pegar as letras do noso nome. 

Grazas familias, sen vós está actividade non sería posible!

En compañía dos demais compañeiras e compañeiros de infantil fomos visitar a exposición “Un cordero bala entre dos montañas” de Sofía Piñeiro. Unhas pinturas que nos gustaron moito; coloridas, fermosas e cheas de significado. Logo de que a artista nos explicase un pouquiño como fixo as obras e o que quixo recoller nelas, animámonos a escoller a que máis nos gustou ou chamou a atención  para representala. Mentres a plasmabamos no papel, tivemos a sorte de que Sofía nos dese algúns consellos que, as artistas coma ela, teñen moi presentes á hora de facer as súas creacións.

O xoves 24 de marzo o alumnado de educación infantil participou nun taller de colares para tapabocas que viñeron a facer dúas mamás, Celia e Silvia. Todas e todos estaban encantados cos seus colares, moitas grazas mamás!!