Presentación | Horarios | Oferta educativa | Secretaría | Contacto
3º Educación primaria
VISITA DE ÉRICA ESMORÍS
O luns o alumnado de 3º de Primaria recibiu a visita de Érica Esmorís para falar do seu libro "Patio de luces".
Érica contounos cal fora a súa inspiración para escribilo e foi nada máis nin nada menos que o edificio no que viviu na súa infancia.
Tamén fixemos un xogo e xa que o conto narra as ideas que lle pasan pola cabeza a Lea cando sae ao patio a observar a roupa dos tendais dos seus veciños, Érica propúxonos ese reto: imaxinar a partir de fotografías de tendais como sería a vida dos seus donos. Foi moi divertido!
Grazas Érica polo trato e por esta sesión tan dinámica e divertida.
Contos de boca.
Contos de boca.
A semana pasada veu contarnos un conto Juana, a nai de Roque....un conto moi chulo: " A princesa do Caurel". Contóunolo dun xeito moi especial, con obxectos que representaban cada unha das personaxes.
Recomendamos a súa lectura.
Grazas Juana,v sempre é un ratito agradable o que desfrutamos dos teus Contos de boca.
Unha veterinaria especial.
A nosa veterinaria particular 
O venres rematamos o trimestre dun xeito moi especial; tivemos a visita da nai de Enma, Lorena, que é veterinaria. Como nestes meses estivemos traballando sobre animais, ela veu falarnos de cousas moi interesantes sobre eles, que descoñecíamos.
Descubrimos que na Clínica onde traballa Lorena en Narón, o "can crestado chino", é o can que soe visitar á veterinaria máis raro da súa especie. Tamén recibiu 2 víboras que atoparan nunha casa de campo, despois de estar pechada unha tempada. Incríble!!!
Lorena contounos como temos que actuar se atopamos un animal perdido: debemos chamar á Policía Local, Protección Civil ou 112; eles saberán que facer co animaliño, e o levarán a un refuxio de animais ou a unha protectora onde os atenderán.
A clínica veterinaria Catro Patas, onde traballa Lorena, colabora coa protectora "Terracan", que dispón de animais para adoptar, sen mercar. Así que antes de mercar un animaliño lembrade que hai moitas protectoras e refuxios onde hai animais abandoados que podemos levar para as nosas casas.
Sabiades que....
- os peixes ou as tartarugas medran en función do espazo que teñan para vivir? Se dispoñen dun habitáculo grande mderan mais.
- é moi importante que os animais estean vacinados para que non teñan enfermidades e que non poidan transmitilas?? Por exemplo, o can pode transmitirlle aos humáns a rabia se ten a enfermidade; se non a ten, el non pode contaxiarte.
- se un can lle da rápido á cola quere dicir que está contento?
- se un gato pon as "orellas de aviador" quere cicir que está enfadado?
O traballo de veterinaria pareceunos moi interesante, e Lorena díxonos que a ela encantáballe, e iso nótase.
Canto nos gustou estar contigo e compartir todas as túas experiencias !!!
E, sobre todo, temos que lembrar que " os animais non son xoguetes ".
GRAZAS LORENA, ESPERAMOS QUE VOLVAS CANDO QUEIRAS!!
Contos na boca de....Víctor.
Contos na boca de...Víctor.
O luns veunos contar un conto Víctor, o papá de Melania. Recibímolo con moito agrado pois nunca veu un pai a contarnos un conto, así que ...Grazas Víctor por ser tan valente!!
O conto gustounos moito; era o conto de Dumbo, de seguro que todas e todos o coñecedes. Un elefantito ao que rexeitaban por ter unhas orellas enormes, pero que lle servían para ser único: grazas a elas podía voar !!! Todas as persoas temos algo que nos fai únicos e inimitables, só hai que buscar nelas para atopalo.
Grazas Víctor!!! Esperamos que volvas axiña!!!....A seguinte vez xa non estarás nervioso 
!!!
Contos de boca
Contos na boca de....Cristina.
O luns veu Cristina, a nai de Thais, contarnos a historia da "Arca de Noé". Foi unha historia que case ningún coñecía, e nos chamou moito a atención. A humanidade tiña un serio problema porque eran moi malos uns con outros e ían sufrir un castigo.
Noé decidiu facer un arca enorme onde metería un animal de cada especie por si se acababa o mundo. A convivencia era difícil, pero había que intentalo e había que levarse ben e axudarse.
Despois ensinounos a canción ...."estaba el cocodrilo y el orangután, dos pequeñas serpientes y el águila real"....
Encantounos....Grazas Cris!!!! Esperamos que volvas!!!
CONSUMO RESPONSABLE DA COMIDA
FACEMOS UN CONSUMO AXEITADO DA COMIDA???
A semana pasada veu Juana, a mamá de Roque, para facer unha actividade sobre o noso PDI. Desta volta ensinounos a reciclar a comida que sobraba, a facer unha lista da compra cando vaiamos mercar coa familia (así mercaremos só o necesario )...
Juana , Roi e a súa irmá Carmela, fixeron para nós un mural no que, cun camión, percorrimos a cadea de produción.....dende as granxas, as fábricas e almacéns, hipermercado, tenda ata chegar a casa. Todo estropea o medio ambiente: dende os peidos das vacas (que producen metano, un gas moi prexudicial), ata nós mesmos que imos no coche á compra, cando temos a tenda pretiño de casa.
Pois si....é verdade, pero imos intentar ser máis responsables para coidar o noso medio ambiente!!!
Despois desfrutamos reutilizando pan reseso: fixemos pan relado, picatostes, e torradas de pan.
Para rematar fixemos unha merendola fantástica comendo os picatostes e as torradas con aceite e queixo crema.
Ahhhh e Juana deunos dúas receitas para facer na casa.
Que ricoooooo!!!
Grazas Juana !!!!
Hoxe contamos contos inventando o final
Inventamos finais para contos de Nadal !!!
Quedaron uns finais tolos de todo!! !
Pero pasámolo xenial !!!
Os nosos " contacontos" especiais.
" Conta contos Mariana, e os conta co moita gana "
Esta semana nos nosos " Contos de boca", contamos coa axuda de Mariana, a mamá de Sara, que veu contarnos dous contos chulísimos.
Non saberiamos dicir cal dos dous nos gustou mais., pois non houbo acordo.
O primeiro era " A Caca Cuca ", que falaba da importancia de que os donos de cans ou cadelas recollan as cacas das súas mascotas, pois paseando podemos comprobar que hai diferentes tipos de cacas : longas, truños....
Se queredes saber máis, buscade o libro, é moi interesante.
O seguinte conto titulábase "La casa de abuela". Mariana meteunos pouco a pouco naquela casa da avoa na que pasaban cousas moi raras, moi raras; na que había un parque encantado no que entrabas a través dun armario, na que abrías a neveira e atopabas gusanos.... e na que descubrimos, ao final, que a avoa era unha bruxa, e o neto un home lobo.
Alucinaaaaaaaaaaaaaaaaaaante!!!
Grazas Mariana !!! Estamos desexando que volvas cando poidas.
Unha sesión musical.
Unha sesión músical con mandolina.
Thanks Lily !!
O luns tivemos a sorte de desfrutar de Lily tocando a súa mandolina.
Ensinounos dúas cancións cantadas e tocadas por ela, e vaia pasada!! Canta e toca moi bonito!!
Foi fantástico! Esperamos que repitas, Lily...sobre todo para volver a cantar " A magic dragon lives..."
"Os nosos Contos de Boca"
Onte inauguramos a actividade de " Contos de boca"; a nosa primeira convidada foi Juana, a mamá de Roque, que veu contarnos dúas lendas moi fermosas e que nos impresionaron moito.
A primeira lenda foi a da creación da Torre de Hércules: "Hércules consegue vencer ao rei Xerión decapitándoo, enterra a súa cabeza e manda construír unha torre nese mesmo lugar para conmemorar e recordar a súa victoria".
Por iso o escudo de A Coruña ten unha Torre de Hércules cunha caveira debaixo....
A segunda lenda foi a da Serea das Mirandas:" Din que nas illa Mirandas vive, dende hai moitos moitos anos, unha serea que adoita moverse pola ría de Ares, e que ás veces aparécese para facer ben, ou para facer mal.
Tede coidado cando vaiades á praia das Mirandas.....andade con ollo !
Lembrade que as lendas son lendas, pero que teñen a súa parte de verdade.
Grazas Juana !! Foi moi divertido, así que esperamos que volvas cando queiras !
