Este ano 2021 as Letras Galegas están adicadas a Xela Arias.

Como cada ano son moitas as actividades que se propoñen nas redes para traballar persona a que se lle adica o 17 de Maio.

Música

Actividades para Educación Infantil

Actividades para Educación

Outras actividades

Máis actividades

Obras e cronoloxía

FELIZ DÍA DAS LETRAS GALEGAS!!!!!!!

Dende o C.E.I.P. Castrillón - Coiro queremos informarvos que de acordo cos prazos establecidos na disposición adicional primeira da Orde do 12 de marzo de 2013, que regula o procedemento de admisión, o próximo 1 de marzo iníciase o prazo de admisión de solicitudes.

Atendendo á situación actual que estamos a vivir por mor da COVID-19, non podemos realizar a presentación do noso centro nin da nosa metodoloxía de traballo como en anos anteriores, por este motivo preparámosvos os seguintes vídeos para que coñezades un pouco máis sobre nós.

Ademais, tamén preparamos o seguinte tríptico informativo con toda a información necesaria sobre o noso centro, así como os teléfonos de contacto ós cales vos podedes dirixir para aclarar calquera dúbida.

A solicitude de admisión do alumnado realizarase mediante o FORMULARIO DE ADMISIÓN que está a súa disposición na secretaría do centro. Este formulario tamén pode descargarse no seguinte enlace.

Formulario de Admisión.

Unha vez descargado, deberase cumprimentar de forma manual e presentarase no centro.

ACONSÉLLASE pedir previamente CITA TELEFÓNICA nos seguintes teléfonos: 886 110 173, 886 110 172 e 886 110 170.

As franxas horarias nas que se pode facer entrega da documentación son:

• De 9.00 a 11.00 horas.
• De 13.00 a 14.00 horas.
• De 16.00 a 17.00 horas. (excepcionalmente para aquelas familias que non poidan acudir ó centro educativo en horario de mañá)
  

 DOCUMENTACIÓN ACREDITATIVA NECESARIA:

• Formulario de Admisión.
• Fotocopia completa do Libro de Familia.
• Fotocopia do DNI dos proxenitores e do solicitante (Se o ten expedido).
• 4 fotografías tamaño carnet.
• Fotocopia da cartilla da Seguridade Social ou do seguro que lle corresponda ao alumnado solicitante.
• Se é o caso, documentación xustificativa da solicitude dunha praza para alumnado con necesidades específicas de apoio educativo. (Expedida polos servicios sociais competentes que acrediten as circunstancias alegadas).
• Certificado médico que acredite:
• Ausencia de enfermidades infecto-contaxiosa.
• Ausencia de defecto físico ou psíquico invalidante.
• Estar ó día no cumprimento do calendario oficial de vacinacións.
• A posesión dalgunha alerxia medicamentosa.
• Volante de empadroamento no que figuren todos os membros que conviven no domicilio familiar (Solicítase no concello).

Tamén poderá realizarse a presentación telemática no mesmo prazo (desde o 1 ó 22 de marzo) na aplicación admisionalumnado (https://www.edu.xunta.es/admisionalumnado/)

Os postos escolares vacantes están publicados nesta ligazón e no taboleiro de anuncios do centro.

Prazos:

• Solicitude de admisión e entrega de documentación: do 1 ao 22 de marzo.
• A lista de admitidos/as e excluídos/as exporase no taboleiro de anuncios do centro na primeira quincena de maio.

NESTE ANO TAN PECULIAR

O ENTROIDO EN CASTRILLÓN ESTÁ POR CHEGAR,

AÍNDA QUE NOS PODEMOS DISFRAZAR

A FESTA NESTE CURSO VAISE DIFERENCIAR.

PARA O ENTROIDO PODER TRABALLAR

A WEB DO COLE IMOS VISITAR,

ACTIVIDADES E XOGOS QUE SE ESTÁN A DESEÑAR

E ASÍ POLOS ENTROIDOS PODER VIAXAR.

VIVA O ENTROIDO!!!

PARA INFANTIL 1º E 2º: https://learningapps.org/view17277036

PARA 3º, 4º ,5º E 6º:https://es.educaplay.com/juego/8083484-pasapalabra_do_entroido.html

CONSULTA:

https://www.youtube.com/watch?v=b7S2Fs2twY0

Estimados pais/nais:

Pola presente nota informativa poñemos no seu coñecemento que o vindeiro luns, 2 de novembro, foi aprobado como día NON LECTIVO pola Xefatura Territorial de Educación, á proposta do Consello Escolar do Centro, en coordinación con outros centros de Educación Primaria do Concello de Cangas. Polo tanto, non haberá clase.

No arquivo adxunto está o calendario escolar para o curso 2020-2021.

Un cordial saúdo.

ENQUISA DE AUTOAVALIACIÓN COVID-19 e DECLARACIÓN RESPONSABLE

Estimadas familias:

Segundo recolle o Protocolo de Adaptación ao contexto da COVID-19 nos centros de ensino, os pais, nais ou titores legais do alumnado realizarán cada mañá, antes da chegada ao centro, unha AUTOAVALIACIÓN dos síntomas a fin de comprobar se estes son compatibles cunha infección por COVID-19. Utilizarase a enquisa que se describe no Anexo I.

No caso de que se detectase sintomatoloxía compatible na casa, o alumnado non acudirá ao centro e a súa familia contactará inmediatamente co centro de saúde de referencia e co teléfono que o centro ten para incidencias relacionadas coa COVID-19 (675 599 522).

Así mesmo, deberán imprimir e devolver asinada ao centro,a DECLARACIÓN RESPONSABLE que figura no arquivo adxunto.

Moitas gracias pola súa colaboración!

ORGANIZACIÓN DO CENTRO SEGUNDO O PROTOCOLO DE ADAPTACIÓN AO CONTEXTO DA COVID-19

Segundo o protocolo de protección e o plan de adaptación do CEIP do Castrillón-Coiro,  á situación COVID-19, informamos dos CAMBIOS que haberá con respecto ás entradas e saídas do centro escolar, así como, dos aspectos máis significativos de organización do centro.

Solicitamos ás familias do alumnado que lean detidamente as instrucións dadas, clicando no documento ADXUNTO.

INICIO CURSO ESCOLAR 2020-2021

Estimadas familias:

A vindeira semana comezará o curso escolar 2020-2021. Segundo a Resolución do 1 de setembro de 2020 da Consellería de Educación, a incorporación do alumnado producirase de xeito gradual:

O xoves, 10 de setembro, incorporarase o alumnado de:

         4º de Ed. Infantil (3 anos) (*)

5º de Ed. Infantil (4 anos)

1º, 2º e 3º de Ed. Primaria (**)

*O alumnado de 4º de Educación Infantil (3 anos) irase incorporando paulatinamente seguindo o período de adaptación.

(**) Neste primeiro día, o alumnado de 1ºA incorporarase ás 09:30 e o de 1ºB farao ás 09:45 para escalonar a súa entrada.

O venres, 11 de setembro, incorporarase o alumnado de:

                          6º de Ed. Infantil (5 anos)

                            4º, 5º e 6º de Ed. Primaria

Desta maneira, o venres día 11 xa estaría incorporada ás aulas a totalidade do alumnado das etapas de Infantil e Primaria.

O vindeiro luns colgaremos na páxina web do centro máis información sobre a organización deste curso (entradas e saídas, recreos diferenciados, itinerarios, comedor e demais medidas de adaptación ao contexto da Covid 19).

Agradecemos a vosa comprensión!

FONDO SOLIDARIO de LIBROS de TEXTO e

AXUDAS para adquirir LIBROS de TEXTO e MATERIAL ESCOLAR

Estimadas familias:

Comunicámoslles que saíu publicada a listaxe provisional de admitidos no Fondo Solidario de Libros de Texto para os niveis de 3º e 4º de E. Primaria.

As listaxes están publicadas no taboleiro de anuncios situado na entrada de Educación Primaria.

Así mesmo, as persoas solicitantes poderán acceder por vía electrónica ao seu expediente, a través da aplicación Fondolibros, empregando a chave 365 ou o certificado dixital da FNMT.

Recordámoslles que as listaxes definitivas publicaranse o día 13 de xullo.

A entrega dos libros de texto do Fondo Solidario do curso 2020/2021 para o alumnado de 3º e 4º de Educación Primaria realizarase no mes de SETEMBRO, xunto co documento de “ENTREGA” que terá a sinatura da persoa tiltular da dirección, o selo do centro e a sinatura do/da representante legal do alumnado, a quen se lle entregará unha copia.

A recollida dos VALES para adquirir libros de texto para o alumnado de 1º e 2º de Educación Primaria e dos VALES para adquirir material escolar destinados ao alumnado matriculado en E. Primaria realizarase A PARTIR do 1 de SETEMBRO.

Un cordial saúdo.

 RELACIÓN de LIBROS de TEXTO

Curso 2020/2021

Castrillón-Coiro, 15  de xuño  de 2020

IMPORTANTE: 

Na relación de libros para o alumnado de 2º, 3º e 4º de E. Primaria figura unha Licencia SNAPPET. A librería xestionará este código ISBN como calquera dos outros que figuran na lista. As licencias serán enviadas directamente ao colexio a principios do mes de setembro por Snappet.

(*) As librarías de Cangas teñen copia da lista dos libros de texto.

Aquí tendes o video conmemorativo do día do medio ambiente. Ésta é unha actividade realizada polo alumnado de Castrillón Coiro.

Esperamos que vos guste.

INFORMACIÓN PROCESO DE ADMISIÓN NOVO ALUMNADO CURSO 2020/2021

LISTAXE PROVISIONAL DE ADMITIDOS/AS

Estimadas familias:

Comunicámoslles que saíu publicada a listaxe provisional de alumnado admitido para o vindeiro curso 2020/2021. As listaxes están publicadas no taboleiro de anuncios situado na entrada de Educación Primaria.

TODO O ALUMNADO QUE SOLICITOU PRAZA PARA O VINDEIRO CURSO 2020/2021, TANTO EN EDUCACIÓN INFANTIL COMO EN EDUCACIÓN PRIMARIA RESULTOU ADMITIDO.

Recordámoslles que as listaxes definitivas publicaranse antes do día 25 de xuño.

Este curso 2019 -2020 non puidemos conmemorar as letras galegas como tódolos anos, pero o alumnado de Castrillón - Coiro sempre está disposto a colaborar. 
Este video é unha pequena homenaxe ás nosas letras.
Esperamos que vos guste.

FONDO SOLIDARIO DE LIBROS DE TEXTO e

AXUDAS PARA ADQUIRIR LIBROS DE TEXTO E MATERIAL ESCOLAR

Tendo en conta as instrucións da Consellería de Educación publicadas o pasado 27 de abril de 2020, que recollen o establecido no Real Decreto 463/2020, do 14 de marzo, e na Orde do Ministerio de Educación EFP/365/2020, de 22 de abril, consideramos importante informar do seguinte:

O profesorado do centro revisou as programacións didácticas para adaptalas á situación actual, co obxectivo de centrar as actividades lectivas do 3º trimestre nas aprendizaxes e competencias imprescindibles que deberían desenvolver os alumnos e alumnas.

A avaliación final das aprendizaxes do alumnado durante o curso 2019/2020 considerará en conxunto as avaliacións de todo o curso. Terá en conta os dous primeiros trimestres de clases presenciais así como as actividades de recuperación, repaso, reforzo e, no seu caso, ampliación das aprendizaxes anteriores que se desenvolvan durante o terceiro trimestre para favorecer a cualificación final do alumnado.

O traballo do terceiro trimestre servirá para recuperar as avaliacións pendentes ou mellorar a cualificación final. As materias non superadas da primeira e/ou segunda avaliación poderán recuperarse co traballo e as probas que se poidan facer durante o terceiro trimestre.

Os mestr@s que compoñen o equipo docente de cada nivel informarán ao alumnado e ás familias, ben directamente ou a través do titor ou titora do grupo, empregando diferentes sistemas de comunicación (plataforma EVA E-dixgal, aplicación Abalarmóbil, aplicación ToKapp School e aplicación ClassDojo) tanto das distintas actividades que deberán realizar durante este terceiro trimestre como da avaliación das aprendizaxes desenvolvidas a partir da suspensión das actividades lectivas presenciais, que será continua e valorará, sobre todo, o traballo realizado polos alumnos e alumnas.

RESTABLECEMENTO DO PRAZO DE ADMISIÓN

O centro permanecerá ABERTO para a presentación presencial das solicitudes en HORARIO de 09:15 a 14:15.

ACONSÉLLASE pedir previamente CITA TELEFÓNICA nos seguintes teléfonos: 886110170 ou 886110172.

A solicitude de admisión do alumnado realizarase mediante o Formulario de Admisión que está a súa disposición na secretaría do centro. Este formulario tamén pode descargarse desde o seguinte enlace: Formulario en formato pdf

Unha vez descargado, deberá cumprimentarse de forma manual e presentarase no centro.

Tamén poderá realizarse a presentación telemática no mesmo prazo (do 11 ao 18 de maio) na aplicación Admisión alumnado. (https://www.edu.xunta.es/admisionalumnado/)

Para todo o alumnado con moito agarimo!!

Debido a situación excepcional que estamos a vivir vémonos na obriga de ofrecer recursos e materiais dende tódalas especialidades e niveis. Dado a que esta situación estase a prolongar no tempo, consideramos que o modo máis sinxelo para presentarvos todo este material é clasificalo por niveis e especialidades. 

Na barra da dereita atoparedes os diferentes niveis e especialidades.

Na barra da esquerda, ademais da información relativa ao centro, tendes o apartado "Departamento de orientación". Tanto a orientadora como as mestras de Educación especial (Audición e Linguaxe e Pedagoxía Terapéutica) están creando e subindo orientacións e recursos moi prácticos. 

No apartado de dinamización da lingua galega tendes moitos recursos para ler, traballar e medrar en galego.

PLANIFICADORES: 

Neste período de confinamento, como xa dixemos, é aconsellable adoptar rutinas e planificar os nosos días. 

A realización diaria de actividades educativas terá que ser adecuada ás características dos nosos alumnos e fillos e é fundamental repartir estas ao longo da semana, deixando o fin de semana para actividades máis lúdicas e incluso tempo sen facer nada.

A continuación, deixámosvos una serie de planificadores para que poidades organizar perfectamente o voso día a día. Esperamos que vos sexan de axuda! (Pinchade nas imaxes para poder descargar o que máis vos guste):

 

 

Dende o luns 23 de marzo de 2020 comezouse a emitir un programa con contidos educativos en aberto para facilitar a aprendizaxe de todo o alumnado durante o estado de alarma. 

Para o alumnado de 6 a 12 anos, a canle será Clan TV co seguinte horario: 

Ademais, axuntámosvos máis lecturas para todos e todas. Trátase dunha serie de documentos con diferentes fichas de lectura con pequenas actividades de comprensión onde se traballan distintos valores organizadas por cursos. (Pinchade na imaxe en función do voso nivel e poderedes acceder):

A maiores, na seguinte imaxe propoñémosvos algunhas actividades máis para facer durante as vindeiras semanas (pinchade sobre ela para ampliala):

Dende o Departamento de Orientación do CEIP do Castrillón - Coiro, queremos axudar tanto ao alumnado, como ao profesorado e ás familias en todo o que poidamos  para pasar da mellor forma posible o período de confinamento e, por iso, elaboramos este documento cuns cantos xogos e pasatempos para que quedar na casa sexa un pouco máis divertido. (Pincha na imaxe para descargalo):