CEIP Arquitecto Casas Novoa | Santiago de Compostela

VISITAMOS A EXPOSICIÓN SOBRE CARLOS MASIDE

Mér, 05/14/2014 - 22:46 — admin

Ao final do 2º trimestre visitamos, co alumnado de 3º e 4º de EP, a Exposición sobre o pintor Carlos Maside, que permanecerá aberta ao público ata o 30 de agosto no Centro Cultural da Fundación Novacaixagalicia en Santiago. Carlos Maside, natural de Pontecesures, é recoñecido como un renovador do arte en Galicia. Premede na imaxe para ver as fotos na galería.

FEIRA DO LIBRO NA SIONLLA

Ven, 04/25/2014 - 09:50 — admin

Co gallo da festividade do Día do Libro fixemos una pequena feira para que os rapaces puidesen intercambiar os libros que tiñan na casa, sempre que estivesen en bo estado. Para facilitar o proceso acuñamos unha moeda propia, o dólar da Sionlla ou "sionllo" adicado ao poeta homenaxeado nas Letras Galegas de este ano, Xosé María Díaz Castro.

Daba gusto ver aos rapaces e rapazas ollando os seus libros novos. Foi todo un éxito!!!! Premede na foto para ver as imaxes na galería.

AULA DE CICLISMO CON LA VUELTA A ESPAÑA

Lun, 04/14/2014 - 09:29 — admin

LA VUELTA JUNIOR é unha iniciativa dirixida a escolares de 3º a 6º de EP. Gustavo Rodríguez, ex-ciclista profesional, falounos da seguridade vial na práctica do ciclismo. Despois o alumnado exhibiu a súa habilidade no manexo das bicis. Foi moi divertido!!! Como sempre, podedes ver as fotos na galería.

FACEMOS COMICS CON IVÁN SUÁREZ

Xov, 04/10/2014 - 18:33 — admin

O ilustrador Iván Suárez, autor do conto Palabra de crocodilo, ensinounos que facer un pequeno cómic é máis doado do que parece. Sobre todo se contamos con algo de axuda... Moitas grazas, Iván!!!

VISITOUNOS FINA CASALDERREY!!!

Mér, 03/19/2014 - 14:51 — admin

A escritora pontevedresa Fina Casalderrey estivo de visita no noso cole. Falounos dos seus contos e das historias agochadas detrás deles. Podedes ver as fotos na galería. Estivo xenial!!!!

ENTROIDO 2014

Dom, 03/09/2014 - 16:46 — admin

Celebramos o desfile de Entroido no colexio. Houbo disfraces, máscaras e moita diversión. Para rematar, queimamos o meco. E para repoñer forzas ... que mellor que chocolate e sobremesas típicas de Entroido!!!!.

Vídeo do Desfile de Entroido Fotos na Galería

5º e 6º EP VISITAN A CASA DAS CIENCIAS

Lun, 03/03/2014 - 14:18 — admin

O alumnado de 5º e 6º de Ed. Primaria foi a cidade da Coruña para visitar a Casa das Ciencias. Xa podedes ver as fotos na galería, premendo aquí.

DÍA DA PAZ

Dom, 02/09/2014 - 20:11 — admin

Co gallo do Día da Paz, o noso alumnado, coa súa sabedoría habitual quixo deixar constancia dalgunhas reflexións feitas por personaxes que traballaron de firme por conquerir un mundo en paz. Esperamos que vos guste. Para ver o vídeo só tedes que premer no enlace:

Reflexións pola Paz

CELEBRAMOS O DÍA DA PAZ

Dom, 02/09/2014 - 16:09 — admin

O pasado 30 de xaneiro celebramos o Día da Paz. Nesta ocasión, quixemos lembrar a figura de Nelson Mandela, falecido o pasado ano. Podedes ver as fotos na galería, premendo na imaxe.