Coa chegada do verán a miña casa queda sin os sorrisos das nenas e nenos que me veñan visitar todos os días... Para que nos vos esquezades de min déixovos algúns libros que a min me gustaron moito.
Bo verán.
Marronciña
Coa chegada do verán a miña casa queda sin os sorrisos das nenas e nenos que me veñan visitar todos os días... Para que nos vos esquezades de min déixovos algúns libros que a min me gustaron moito.
Bo verán.
Marronciña
Como cada ano nos meses de abril e maio no colexio celebramos unha nova edición dos "Contacontos familiares", e xa imos pola cuarta edición e dende o equipo de biblioteca so queremos dar as garzas a todas as familias por participar nesta actividade!
Aquí vai un breve resumo de todos os contacontos, agardamos que vos guste moito.
O pasado día 20 de maio celebramos no colexio o Día das Letras Galegas que este ano se adicou a poetisa Luísa Villalta.
Deixamos aquí un breve resumo das actividades levadas a cabo con motivo de dita celebración.
Para celebrar o día de Rosalía este ano centramos a nosa atención nas árbores e plantas que aparecen nas obras de Rosalía e a partir do libro "Herbario de Rosalía" no colexio fixemos o noso propio Herbario con plantas que podemos atopar nas nosas hortas e nos nosos montes.
Aquí deixamos un pequeno resumo das actividades que se levaron a cabo.
Marronciña tráenos as súas recomendacións lectoras para este Nadal e se os Reis Magos aínda non teñen encargados todos os agasallos seguro que lles pode interesar esta recompilación de libros.
Agardamos que vos sexa de utilidade.
BOAS FESTAS E FELIZ ANO 2024!
O próximo 14 de decembro comeza de novo o club de lectura para o alumando de 5º e 6º de EP, e estas son as datas das reunións.
Hoxe tivemos a sorte de termos na biblioteca do noso cole a unha muller polifacética: escritora, actriz, contadora de contos, de historias... e case "bruxa", que nos achegou á súa prolífica obra dun xeito lúdico e divertido. Facéndonos partícipes dos seus segredos, cunha morea de feitizos e meigallos, que provocaron en nós risas a varrer e aplausos á esgalla. Soubemos cousiñas do seu libro Bruxa e familia que non poderiamos nin imaxinar só con lelo. E coñecimos un pouquiño máis á Tartaruga Amodovou.
Que bo rato nos fixo pasar!!
Moitas grazas a ela polo seu tempo e a todo o alumnado e profesorado do cole pola súa participación na actividade.
Equipo de Biblioteca e EDLG.
O mes de abril é o mes dos libros, e no colexio non quixemos deixar pasar a ocasión de celebrar unha data tan importante para nós como é o Día do Libro. Por este motivo durante todo o mes estivemos a levar a cabo distintas propostas co fin de fomentar a lectura no noso alumnado.
Aquí deixamos un breve resumo das actividades levadas a cabo, pero estade moi atentos porque en maio seguimos con novas actividades!
Moitas grazas a todos por participar!
Cream Colorful Imagine Books Illustration Vector World Book Day Video de begoña
Hoxe veu a colexio o autor e ilustrador David Rodriguez a contarnos un conto sobre o importante que son as avoas e os avós nas nosas vidas. Rematamos a actividade cunha canción sobre o conto.
Aquí vos deixamos unha mostra do encontro.
O pasado mes de marzo estivemos a traballar o Día da Muller e que mellor xeito que facelo a través da mulleres que temos máis presentes nas nosas vidas, as nosas nais, avoas, madriñas... aínda que tamén houbo espazo para coñecer mellor a artistas, futbolistas.. que nos inspiran cada día.
Esta é a nosa pequena homenaxe a todas aquelas mulleres que día tras día nos axudan a superarnos e medrar como persoas.