Celebramos o Entroido na Sionlla, con cancións, máscaras, desfile de disfraces e sobre todo moita troula. O alumnad@ tamén puido degustar doces típicos destas festas cun delicoso chocolate. Así, calquera!
Recentemente celebramos no colexio o Día de Rosalía, para honrar a Rosalía de Castro, figura senlleira da nosa literatura en galego e tamén en castelán. Pensamos que o mellor homenaxe que lle podiamos facer sería ler e recitar os seus poemas e puxémonos mans á obra. Premede na imaxe para ver o resultado.
Os rapaces e rapazas de 3º e 4º de Primaria participaron na actividade Entroidanzas desenvolvida polo grupo Pesdelán. Foi unha actividade moi divertida onde o alumnado puido bailar con cancións de Entroido de diferentes lugares do mundo.
Os alumnos e alumnas de 6º EP foron ao recinto feiral de Amio para realizar prácticas de Seguridade Vial, dentro do programa do concello "Móvete seguro con Moito Olliño". Xa se sabe que o movemento demóstrase andando ... ou, neste caso, pedaleando. Premede no enlace para ver as fotos.
Nesta pasada semana celebramos o Día Escolar pola Paz o día 30 de xaneiro, co gallo do aniversario da morte de Mahatma Gandhi, gran loitador a prol da paz e a non violencia. Premendo no enlace, poderedes ver algunhas reflexións do noso alumnado ao respecto e as actividades desenvolvidas.
A pasada semana os alumnos de 3º, 4º, 5º e 6º de Primaria desfrutaron no Teatro Principal dun espectáculo de malabares moi especial chamado Residuo. Este espectáculo, promovido polo concello de Santiago de Compostela, falounos sobre a importancia de separar o lixo e reciclar para conservar o medio ambiente.
No noso colexio tivemos a honra de recibir a Carlos, un axente da Policía Local do concello de Santiago. Carlos impartiu en 4º EP unha charla sobre Seguridade Vial con todo tipo de exemplos e consellos útiles... Agora evitar os accidentes depende de nós.