Estamos de noraboa! Este ano a nosa curta "A min non me comas" gañou o certame de NÓS TAMÉN CREAMOS! Grazas ao esforzo e ilusión do alumnado de 4º e o equipo de profesorado Iago Castiñeiras, Ana Penín e Ana Domínguez.

http://www.xunta.es/linguagalega/nos_tamen_creamos

Un ano máis participamos no proxecto "Nós tamén creamos" de OQO e a TVG. Este ano foi o alumnado de 4º de primaria quen realizou a curta adaptando o conto "A min non me comas". Xa podedes visualizala neste enlace.

Aquí temos as fotos do festival. Foi estupendo!. Noraboa a todos e todas.

Coma cada ano, participamos na iniciativa que promove a coordinadora de EDL do Val Miñor que reúne carteis elaborados polo alumnado de educación infantil e primaria da maioría dos centros da comarca . Ata o vindeiro venres 23 de Maio, podedes visitar a exposicións de carteis no centro comercial da Ramallosa, nesta ocasión adicados a publicidade en galego e cheos de chispa e talento.

Este ano adícaselle o Día das Letras Galegas a Xosé Mª Díaz Castro e para que saibades algo máis del, deixámosvos un díptico do Seminario Galán que nos conta un pouquiño da súa vida. (Picade na foto para poder lelo)

Tamén vos deixamos uns enlaces moi interesantes que podedes visitar:

http://www.xunta.es/linguagalega/xose_maria_diaz_castro

http://seminariogalan.org/inicio/portada/actividades/

Continuando coas actividades do proxecto da agricultura familiar, nesta semana tivemos unha actividade moi interesante.

Hugo, Borja e Raquel de 2ºB, nos explican en que consistiu a visita de César Lema e Patricia.

Xa está aquí o entroido.

Se queredes saber máis sobre esta celebración popular, aquí tedes información moi interesante.

E para ver as fotos do noso "Entroido da horta", xa sabedes o que tedes que facer. Que ben o pasamos!

Infantil	1º ciclo	2º ciclo	3º ciclo

Para celebrar que, como cada 24 de febreiro, celebramos o nacemento de Rosalía de Castro, seguindo a proposta da Asociación de Escritores e Escritoras en Lingua Galega, nesta ocasión fixemos un mural nunha parede do patio cuberto. Preparamos tamén unha das súa poesías, á que puxemos música. Neste vídeo, está o resultado deste traballo.

Se queredes ver nenas e nenos dun colexio irlandés recitando a Rosalía, facede click neste enlace.

Este curso, traballaremos desde o colexio un proxecto titulado "A horta familiar".

O xoves, día 5 de decembro, tivo lugar a presentación para o alumnado dos cursos de 3º, 4º, 5º e 6º. A "profe" Ana Domínguez explicounos cousas moi interesantes, e a continuación Xurxo Mouriño profundizou máis no tema da agricultura ecolóxica. Agora xa sabemos a diferenza entre agricultura industrial e agricultura familiar, entendemos que é o desenvolvemento sostible, comprendemos a importancia de establecer un calendario de cultivos para non agotar a terra, clasificamos os cultivos segundo comamos o froito, a folla ou a raíz... e moitas cousas máis. E iso que isto non fixo máis que empezar!

A terra proporciónanos a base da nosa enerxía: sen os produtos agrícolas, non poderiamos medrar, nin pensar, nin correr... Por iso debemos amar a terra, coidala, protexela e aprender a cultivala de xeito sostible.

Logo, saímos ao patio cuberto para plantar en botellas sementes e bulbos: macela, fressias, crocus, capucina, nébeda, caléndula e pirixel. Máis adiante, faremos con todas elas un xardín vertical. 

Este ano, para que todas as familias da nosa comunidade escolar, poidades participar na selección dos carteis gañadores, preparamos un formulario de votación. cada persoa pode votar unha única vez, e debedes facelo antes do mércores, día 12.

Grazas pola vosa participación!