Skip to Content

Proxecto ESTALMAT de talento matemático

Mar, 25/04/2017 - 19:44 — campadmin

ESTALMAT-­Galicia é un proxecto que ten como obxectivo detectar ao alumnado cun talento matemático que en ocasións pode pasar inadvertido nas esferas normais do ensino e da familia. O proxecto selecciona 25 estudantes cada ano, para que desenvolvan actividades que estimulen as súas actitudes e habilidades matemáticas.

Novo blog da biblioteca escolar

Lun, 24/04/2017 - 12:16 — campadmin

A biblioteca escolar do colexio estrea un novo blog. Nel pódese atopar todo tipo de contidos relacionados coa lectura. O enderezo de acceso é http://bibliocampomaior.blogspot.es

Benvidos e benvidas a este novo recanto virtual.

Admisión de alumnado para o curso 2017/2018

Ven, 24/03/2017 - 16:28 — campadmin

Todo o alumnado que presentou solicitude para o curso 2017-2018 no CEIP Campomaior resultou admitido.

Obradoiro de ilustración con Laura Romero

Xov, 16/03/2017 - 16:46 — campadmin

A ilustradora ordense Laura Romero visitará o centro os días 29, 30 e 31 de marzo para organizar un obradoiro de ilustración co alumnado. A actividade, chamada "Lendas, mitos e faladurías", está sufragada pola ANPA "O Futuro" e permitirá que os nenos e nenas participen activamente na creación da arte gráfica de varios relatos.

Xornada gratuíta sobre TDAH

Xov, 16/03/2017 - 16:27 — campadmin

A Fundación Ingada, un instituto centrado no TDAH e trastornos relacionados, organiza o 25 de marzo un grupo de axuda mutua no que se abordará o tema "Tratamento farmacolóxico en TDAH: dúbidas, mitos e realidades".

Admisión de alumnado para o curso 2017-2018

Mar, 28/02/2017 - 12:42 — campadmin

O 1 de marzo ábrese o prazo de presentación de solicitudes de admisión de novo alumnado para o curso 2016-2017. Este prazo rematará o 20 de marzo.

 

Nova mascota da biblioteca

Dom, 19/02/2017 - 21:32 — campadmin

A biblioteca do colexio celebrou un concurso para buscar a súa nova mascota.

Leo, a antiga mascota, descansará e deixará o seu traballo a unha nova amiga, que se encargará de coidar os libros e animarvos a lelos.

 A mascota elexida no concurso foi a moucha Alla:

Campaña de recollida de roupa usada para a Fundación Glorr

Xov, 29/09/2016 - 16:48 — campadmin

A Fundación Glorr leva a cabo unha campaña de recollida de roupa e calzado usados. O centro leva uns días distribuíndo bolsas para entregar a roupa, que deberá ser depositada á carón da porta da aula de usos múltiples. A data de recollida das bolsas é o 5 de outubro.

Distribuir contido


by Dr. Radut