O 26 de xaneiro e o 2 de febreiro tivo lugar a formación de radio no noso cole, impartida por Pablo , locutor de radio Estrada.
Aquí vos deixamos unha montaxe recollendo algún deses momentos.
O 26 de xaneiro e o 2 de febreiro tivo lugar a formación de radio no noso cole, impartida por Pablo , locutor de radio Estrada.
Aquí vos deixamos unha montaxe recollendo algún deses momentos.
Todo o alumnado e profesorado do centro participou nun acto na aula de psicomotricidade onde o alumnado de 5º e 6º amosou lugares do mundo e situacións
nas que son vítimas nenas e nenos, non só nas guerras senón tamén na explotación de man de obra infantil, na fame, ...
Ademais dous alumnos ou alumnas de cada curso mencionaron o nome e a idade de nenos ou nenas xa tristemente falecidos por algunhas das razóns que
previamente se explicaron, co fin de concienciar ao alumnado da terrible situación á que moitos nenos e nenas do mundo están sometidos diariamente.
Para finalizar o acto, alumnado e profesrado, saíron ao patio unindo as súas mans con panos para facer unha gran roda mentres cantaa a canción "As cores da paz",
unha adaptación, feita pola mestra de música do noso centro, da canción do brasileiro Marcelo Serralva "Corda colorida".
Este ano levamos a cabo o tradicional festival de Nadal ao que foron convidadas as familias e no que tivemos
unha gran variedade de actuacións: obras de teatro, panxoliñas, recitación de poemas, actividades rítmicas, etc.
- Representación da panxoliña “Buscando unha estrela” por parte do alumnado de educación infantil.
- Obra de teatro “Xuntos Podemos” escenificada por alumnado de infantil e primaria pertencente ao grupo
de teatro do noso centro.
- Clap Clap Song ( Alumnado de 1º e 2º de educación primaria).
- Recitación de poemas: “O canto nocturno do grilo” e “A xoaniña e o escarabello” por parte dun alumno de
1º educación primaria e unha alumna de 3º educación primaria.
- A Bandeneire (3º de educación primaria)
- Obra de teatro “ A mellor sopa deste Nadal” (adaptación do conto “A mellor sopa do mundo”)
representada polo alumnado de 2º de educación primaria.
- Ségueme (4º de educación primaria)
- Adianto do Rei León: representación rítmica por parte do alumnado de 5º e 6º de educación primaria.
- Santa Claus is coming (todo o alumnado de educación infantil e primaria).
- A vida está por comezar: 4º educación primaria.
OUTRO ANO MÁIS O ALUMNADO DE 5º E 6º ELABOROU O CALENDARIO PARA O ANO 23-24, BASEADO NO NOSO PDI "O REI LEÓN".
Un dos produtos finais do primeiro trimestre foi esta bolsa coa imaxe do rei león que temos na aula de música, creada polo alumnado de 5º. Durante esta últimsa semana, todo o alumnado do centro puido pintar a súa propia bolsa para poder levar como agasallo.
Hoxe, 14 de decembro, Pablo de 1º de educación primaria e Melania de 3º de educación primaria
participaron na "Festa da Poesía" organizada polo departamento de cultura do concello de A Estrada,
interpretando os poemas “O canto nocturno do grilo” e“A xoaniña e o escaravello” do libro "Bichopoemas e
outras bestas de Leire Bilbao".
Deixámosvos un vídeo para que os vexades.
Un ano máis reivindicamos a eliminación da violencia contra as mulleres, para o cal desenvolvemos distintas actividades no centro, entre elas unha na que participou toda a comunidade educativa e na que tivemos unha colaboración moi especial que queremos compartir con vós.
A igualdade conséguese educando no respecto, a tolerancia, a empatía e o amor!
Xunta de Galicia - Consellería de Educación, 2013 |