Os alumnos e alumnas de 5º e 6º temos a sorte de participar nun taller (de catro
sesións ) impartido por Lara Fuentes e Kim Llobet sobre a educación en igualdade,
valor amplamente relacionado co noso proxecto " EN FEMININO".
Traballamos dende o reparto de tarefas no fogar,ata as diferencias entre os homes e
as mulleres na sociedade.
Durante toda a semana ,previa ás Letras,todas as aulas traballaron o autor de este ano,Carlos Casares.
Dende a Biblioteca tivemos unha exposición dos libros de este autor a disposición de todo o alumnado.
Algúns grupos fixeron murais referentes ao autor e á súa obra, que expuxemos no recanto de lectura ,que temos á entrada do cole.
Ola amig@s!
Como xa sabedes, este ano o Día das Letras Galegas dedícaselle a Carlos Casares, autor de numerosas obras infantís e gañador de diferentes premios literarios. Na aula de 3 e 4 anos quixemos celebralo por todo o alto coa lectura do seu conto "A galiña azul", unha pequena historia sobre unha curiosa galiña que non todos aceptaban por ser diferente ás demais.
Para nós foi moi importante reflexionar sobre as nosas diferenzas, xa que resulta fundamental entender que non somos mellores por ter os ollos azuis, verdes ou marróns, nin por ter a pel máis clara ou máis escura (ao igual que no conto, no que se nos fai ver que unha galiña azul é tan válida coma as demais).
Ademais, aproveitamos a ocasión para deseñar as nosas propias portadas do libro, nas que debuxamos á galiña protagonista do conto. E tamén pintamos con acuarelas as galiñas veciñas.
Que sorte poder compartir historias tan bonitas coma esta da man de autores galegos!
Xunta de Galicia - Consellería de Educación, 2013 | ||
