2º ciclo
SAÍDA 4º PRIMARIA: VIGO NO TEMPO
O pasado mes de novembro o alumnado de 4º de primaria tivo a oportunidade de visitar a exposición: "Vigo no tempo" sita na Fundación Abanca. Seguro que gozaron moito das explicacións da nosa cidade e dos obradoiros levados a cabo. Deixamos unhas imaxes de mostra.
SAÍDA 3º PRIMARIA A CORREOS
O alumnado de 3º escribiu unha carta aos seus avós ou avoas. Cheos de ilusión, o luns pasado acudiron á oficina de correos máis chegada ao colexio para botar as cartas no buzón.
SAÍDA AO MUSEO LISTE
O mércores 24 de Novembro os nenos e nenas de 4º de Primaria fomos ao Museo Liste a un obradoiro de instrumentos musicais tradicionais.
VISITA AO PARQUE ARQUEOLÓXICO DE CAMPO LAMEIRO
O pasado día 19 de xuño, os cursos de 3º e 4º foron ao Parque Arqueolóxico de Campo Lameiro a coñecer a forma de vida dos homes prehistóricos.
Fixeron unha visita polo amplio parque e actividades como realización de recipientes de barro, recoñecemento de petroglifos, exhibición do lume… Aínda que o tempo non acompañou, pasáronno xenial!
CAMPAÑA "VIGO RECICLA"
O alumnado de 2º, 3º e 4º de Educación Primaria participaron na campaña ‘Vigo Recicla’, que percorre os centros educativos da cidade promovendo a importancia da tripla R cunha obra de teatro e un videoclip.
A finalidade é iniciar ás nenas e nenos na responsabilidade do coidado e da limpeza da cidade dunha forma divertida e didáctica. Tamén se procura que os rapaces se conciencien, cada vez máis, da importancia da correcta separación dos distintos residuos e materiais para a conservación e protección do medio ambiente.
A campaña conta cunha unidade móbil, con Dinoseto e Dinosetiño como protagonistas.
Na campaña anterior, Dinoseto e Dinosetiño tamén ensinaban aos nenos a ritmo de rap como separar e reciclar para manter limpa a cidade. Este ano, presentan unha nova canción para sorprender aos máis pequenos en formato de video clip.
Visitamos o Museo Etnográfico Liste
O alumnado de 3º de primaria visitou o Museo Etnográfico Liste dunha forma diferente. Despois de ver as distintas salas facíannos preguntas para conseguir a combinación secreta dunha caixa forte que tiña un fabuloso tesouro dentro. Pasamos unha mañá xenial!
OBRA DE TEATRO "TURRÓN E POLVORÓN CELTÍN"
O alumnado de 4º de Ed. Primaria interpretou a obra de teatro titulada "Turrón e polvorón celtín", na que nos conciencian para levar unha alimentación saudable.
Se non tivestes a sorte de velos en directo, deixamos un vídeo dunha das actuacións.
LA MARAVILLOSA HISTORIA DEL VIOLÍN TROMPETA
O alumnado de 3º e 4º de Educación Primaria visitou o Teatro Afundación de Vigo para asisitr ao espectáculo "La maravillosa historia del violín trompeta", de Fetén Fetén. Un percorrido por diferentes culturas, ritmos, timbres e sonoridades da música popular europea do s. XX.
Unha viaxe a través dos diferentes ritmos e melodías da música de baile do noso país. Con imaxinación e creatividade convertiremos ao violín nunha gaivota ou unha vaca! e escoitaremos a brisa mariña desde o fuelle do acordeón.
VISITA Á ILLA DE SAN SIMÓN
O alumnado de 4º de primaria visitamos as illas de San Simón e San Antón para celebrar o fin de curso. Viaxamos en barco dende a estación marítima de Vigo ata alí, e gozamos dun fantástico paseo pola ría de Vigo.
Unha vez nas illas, aprendemos moito sobre a súa historia grazas á información proporcionada polo equipo de monitores que nos acompañou e a unha proba de orientación e búsqueda de pistas polas dúas illas. Ademáis merendamos dando un paseo en barco pola ría, para rematar cunha estupenda sesión de disco-barco de volta hacia a estación. Foi un día xenial!