CEIP Balaídos

Hoxe celebramos unha festa de fin de ano un pouco atípica pero moi divertida pese ás restriccións.

Dende a comunidade educativa do CEIP Balaídos queremos felicitarvos neste Nadal 2020, aínda que foi un ano difícil, xuntos e xuntas seguimos disfrutando do día a día na nosa escola durante todo o 2021.

  XA ESTÁN DISPOÑIBLES

ENTREGA DE MÁSCARAS AO ALUMNADO BENEFICIARIO, DEBERÁN RECOLLELAS NA SECRETARÍA DO CENTRO EN HORARIO DE 9 A 13:45

ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en Educación primaria

As máscaras distribuiranse entre o alumnado incluído no ámbito desta orde pertencente a familias cunha renda per cápita igual ou inferior ao limiar de 6.000 €, que foi o limiar de referencia no curso 2020/21 para ter dereito á axuda para adquirir material escolar (Orde do 12 de maio de 2020 pola que se regula a participación no fondo solidario de libros de
texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial (DOG núm. 96, do 9 de maio).

Polo tanto, será beneficiario das máscaras, directamente, o alumnado que resultou beneficiario das axudas de material escolar, logo de solicitude e comprobación da renda per cápita da unidade familiar, e o resto do alumnado que non foi beneficiario por diferentes circunstancias, sempre que reúna o requisito de rendas e presente a solicitude en prazo.

O prazo para presentar as solicitudes será de diez (10) días hábiles contados a partir do día seguinte ao da publicación desta orde no Diario Oficial de Galicia - DO 16 AO 27 DE NOVEMBRO

Alumnado destinatario
O alumnado matriculado en educación primaria, educación secundaria obrigatoria e educación especial que, de acordo coa Orde do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar no curso 2020/21:
1. Fose beneficiario da axuda para adquirir material escolar.
2. Non fose beneficiario da axuda para adquirir material escolar por diferentes circunstancias, pero:
a) Pertenza a familias cunha renda per cápita igual ou inferior a 6.000 €.
b) Estea matriculado en educación especial, ou suxeito a tutela ou garda da Xunta de Galicia ou teña unha discapacidade igual ou superior ao 65 %, con independencia da renda da unidade familiar.

Competencia e procedemento
1. Corresponderalles aos centros docentes incluídos no ámbito desta orde, a través da aplicación informática, tramitar as solicitudes e realizar os demais actos de xestión.
2. De acordo co artigo 23.4 e 5 da citada lei, o prazo máximo para tramitar o procedemento será de tres (3) meses contado a partir do día seguinte ao da publicación da convocatoria no Diario Oficial de Galicia; transcorrido este, a solicitude poderá entenderse desestimada por silencio administrativo negativo.

Alumnado exento de presentar solicitude
Non terá que presentar solicitude o alumnado que fose beneficiario da axuda para adquirir material escolar no curso 2020/21.

Presentación de solicitudes
1. Deberán presentar solicitude os pais, nais, titores ou representantes legais do alumnado que non presentou solicitude de material escolar en tempo e forma ou resultou excluída. No caso de alumnado en situación de garda ou tutela da Xunta de Galicia, presentará asolicitude a persoa titular da dirección do centro de menores ou a persoa coa que conviva en acollemento familiar.
2. A solicitude será única para todos os fillos e, de ser o caso, tutelados, que estean admitidos no mesmo centro docente para o curso 2020/21; se están admitidos en centros docentes distintos, presentarase unha solicitude en cada un dos centros.
3. As solicitudes deberán presentarse presencialmente no centro docente onde estea matriculado o alumno utilizando o formulario normalizado (anexo I) dispoñible na sede electrónica da Xunta de Galicia, https://sede.xunta.gal.
Este formulario de solicitude (anexo I) tamén estará dispoñible:
a) No centro docente

b) No portal educativo, enderezo http://www.edu.xunta.gal
Prazo para presentar solicitudes
O prazo para presentar as solicitudes será de diez (10) días hábiles contados a partir do día seguinte ao da publicación desta orde no Diario Oficial de Galicia.
 Documentación complementaria
1. As persoas interesadas deberán achegar coa solicitude (anexo I) a seguinte documentación:
a) Anexo II (comprobación de datos dos membros computables da unidade familiar).
b) Copia do libro de familia ou documento equivalente, onde figuren o alumno e os demais membros computables da unidade familiar.
En caso de separación ou divorcio, ademais deberán achegar a sentenza xudicial e/ou convenio regulador onde conste a atribución da custodia do/a menor.
Excepcionalmente, poderase acreditar o número de membros computables utilizando algún dos seguintes medios:
1. Certificado ou volante de convivencia.
2. Informe dos servizos sociais ou do órgano equivalente do concello onde resida a familia.
Nos casos especiais, en que a composición da unidade familiar non se axuste ao sinalado no artigo 4.1 desta orde, achegarase un certificado ou volante de convivencia en que deberán figurar o/a alumno/a e todos os familiares que convivan con el/ela, ou un certificado dos servizos sociais do concello que acredite a situación familiar.
c) Certificado do grao de discapacidade do/da alumno/a ou calquera membro da familia recoñecido por un órgano que non pertenza á Xunta de Galicia.

PODEN CONSULTAR TODA A INFORMACIÓN DO PROCEDEMENTO NO SEGUINTE ENLACE:

https://sede.xunta.gal/detalle-procedemento?codtram=ED330E

Un ano máis chegou o Samaín ao noso centro, este ano estivo moi lonxe de ser a festa que celebrábamos, pero aínda así, intentamos pasalo de medo. Aquí tedes unha pequena mostra.

Primeiro Emociomartes deste curso, onde as pequenas e pequenos do noso centro levaron a cabo actividades para aprender a identificar as súas emocións e estados de ánimo así como a desenvolver estratexias para  ter unha boa saúde emocional, sobre todo neste momentos tan duros que estamos a vivir.

A RESOLUCIÓN conxunta do 30 de setembro de 2020, da Dirección Xeral de Centros e Recursos Humanos e da Dirección Xeral de Educación, Formación Profesional e Innovación Educativa, pola que se establece o calendario para a celebración de eleccións de membros dos consellos escolares de centros docentes sostidos con fondos públicos (DOG do 08 de outubro de 2020) pasa a quedar sen efecto pola nova RESOLUCIÓN do 22 de outubro de 2020, da Secretaría Xeral de Educación e FormaciónProfesional, pola que se adía a celebración de eleccións para a renovación dos membros dosconsellos escolares de centros docentes sostidos con fondos públicos.

A situación derivada do empeoramento da crise sanitaria xerada pola pandemia do COVID-19 levou ás autoridades sanitarias a ditar a Orde do 21 outubro de 2020 pola que se establecen medidas de prevención específicas como consecuencia da evolución da situación epidemiolóxica derivada doCOVID-19 na Comunidade Autónoma de Galicia.

Neste contexto, coa finalidade de preservar a saúde das persoas e evitar aglomeracións faise necesario o aprazamento da convocatoria de eleccións a consello escolar de centros docentes sostidos con fondos públicos. Isto é o que dicta esta nova resolución, que sairá próximamente no DOG.

A composición do consello escolar do centro manterase como estaba ata o momento. No caso de ter que cubrir algunha baixa, tirarase da última lista saída da elección anterior.

En tempos de coronavirus todo o alumnado desexa gozar da meirande normalidade no día a día. Na área de Educación Física xa nos imos afacendo ás novas normas de prevención dos contaxios, sen por iso deixar de xogar. Cada mes, cada semana, e cada día imos atopando novos vieiros de manternos activos. Esa vai ser a senda que sigamos neste curso "atípico".

Tivemos a sorte de contar esta semana coa visita dos CLUBES DE BALONMÁN "RECONQUISTA" E "GALICIA SOCIAL" (masculino e feminino, respectivamente). Desenvolveron unha sesión para 3º, 4º, 5º e 6º de Ed. Primaria, na que achegaron ao alumnado as fundamentos deste deporte, convidando a todos e todas a asistir aos adestramentos nas pistas do Estadio Balaídos (clube feminino) e Pavillón de Travesas (clube masculino).

Damos as grazas a Juan Ben (Galicia Social) e Jesús Veiga/Andrés Alonso( (Reconquista).

AQUÍ TES

IMAXES E MINIVIDEOS:

Como sabedes, todos os cursos o centro escolle un ou dous días non lectivos (en función de como coincidan as festividades locais). Este ano tocan dous días.
As datas escollidas son o martes 13 de outubro e o martes 18 de maio.

Neste sinxelo vídeo podedes ver como accder á aula virtual do noso centro.

Ao longo do mes de setembro o noso centro realizou todas as accións necesarias para adaptar os protocolos que foi publicando a Consellería de Educación e Ordenación Universitaria á realidade concreta do noso colexio.

Todas as medidas tomadas ata agora están recollidas na derradeira versión do PLAN DE ADAPTACIÓN COVID (pois están continuamente actualizando a proposta da Consellería), É MOI IMPORTANTE QUE TODOS AS COÑEZAMOS E AS RESPETEMOS.

Este comezo de curso supuxo un gran esforzo para toda a comunidade educativa (alumnado, profesorado, familas, persoal administrativo, de mantemento, de limpeza...) pero entre todos estamos conseguindo levar a cabo o día a día dun xeito responsable e seguro. No arquivos seguintes podedes consultar o plan actualizado así como os anexos, incluíndo tamén o Plan de Continxencia e o Programa de Acollida (a principio de curso).

Debido a situación sanitaria que estamos a vivir é moi importante saber como actuar no momento que detectemos na casa que os nosos pequenos e pequenas presentan algún posible síntoma da COVID. Neste imaxe tedes un resumo da información máis importante.

No seguinte arquivo tedes a información un pouco máis detallada.