CURSO 5ºA 5ºB

EXCURSIÓN GALIPARK

Enviado por Anónimo o Dom, 18/06/2023 - 15:49

O pasado 5 de xuño, o alumnado de 5º de primaria fomos de excursión a Padrón para gozar dunha divertida xornada no Parque Multiaventura Galipark.

Visualizade o vídeo e comprobaredes o ben que o pasamos!!!

blogue de

SAÍDA A SANTIAGO DE COMPOSTELA

Enviado por Anónimo o Dom, 18/06/2023 - 14:17

O pasado 23 de maio, o alumnado de 5º de primaria fomos de excursión a Santiago de Compostela.

Comezamos o día cunha visita moi especial, a MeteoGalicia, onde aprendemos moitas cousas sobre meteoroloxía e aparatos meteorolóxicos. Tamén puidemos ver un vídeo do lanzamento dunha radiosonda meteorolóxica que, impulsada por un globo, proporciona información sobre o estado da atmosfera. Ademais, visitamos a sala de Predición Operativa, onde nos explicaron as ideas básicas da predición meteorolóxica e onde tivemos a gran sorte de escoitar en directo a predición do tempo para unha cadea de radio.

Continuamos a nosa excursión cunha visita ao Museo da Historia Natural, onde fixemos un percorrido polas salas expositivas con explicacións dun guía especializado.

Para finalizar o día, visitamos a fermosa Praza do Obradoiro, onde puidemos ver a Catedral de Santiago de Compostela.

Sen dúbida, foi un día moi completo e pasámolo xenial!!

blogue de

OBRADOIRO DE ALFOMBRAS FLORAIS

Enviado por Anónimo o Xov, 01/06/2023 - 16:17

O alumnado de 5º de primaria tivemos a sorte de contar coa visita de varios compoñentes da Asociación de Alfombristas de Bueu.

Coas súas explicacións, fomos capaces de elaborar dúas fermosas alfombras florais coa temática de Picasso.

Mirade o ben que o fixemos!!

blogue de

VISITA DA AUTORA ANDREA MACEIRAS

Enviado por Anónimo o Dom, 28/05/2023 - 12:51

O pasado xoves 25 de maio, tivemos a gran sorte de contar coa presenza da autora do libro “A folla azul”: ANDREA MACEIRAS.

Durante a sesión, puidemos gozar dun percorrido de tres días polo corazón da selva amazónica, poñendo a traballar a nosa imaxinación. Ademais, Andrea contestou a todas as nosas preguntas e asinou os nosos libros cunha fermosa dedicatoria.

Grazas, Andrea, por dedicarnos o teu tempo!!

blogue de

CONECTA “UNIÓN EUROPEA”

Enviado por Anónimo o Dom, 28/05/2023 - 11:48

Como parte do proxecto anual do noso centro "Moito máis que xogo" e dentro do noso proxecto de ciencias, o alumnado de 5º elaboramos un conecta dos países da Unión Europea.

Foi un traballo moi laborioso, debido a gran cantidade de conexións que tivemos que facer pero, sen dúbida, valeu a pena o esforzo para poder gozar do resultado final.

blogue de

FORMACIÓN RADIO

Enviado por Anónimo o Dom, 28/05/2023 - 11:23

No pasado mes de marzo, o alumnado de 5º de primaria, melloramos a nosa formación sobre radio con dúas charlas moi interesantes: Radio Voz e Formación en Radio Escolar.

blogue de

ECOPERCUSIÓN

Enviado por Anónimo o Dom, 28/05/2023 - 10:21

O pasado martes 28 de febreiro, o alumnado de 5º de primaria gozou dun interesante obradoiro de ECOPERCUSIÓN impartido polo músico Didier Díaz.

Nesta actividade, o alumnado aprendeu a técnica de agarre das baquetas e o seu golpeo, así como a execución colectiva de ritmos divididos en diferentes planos sonoros.

Sen dúbida, foi una mañá diferente e moi divertida!!

blogue de

ENTROIDO 2023

Enviado por Marina Lorenzo o Sáb, 18/02/2023 - 00:00

Este ano, polo Entroido, os nenos e nenas de 5º de Educación Primaria disfrazámonos de personaxes do Videoxogo "Mario Kart". Cun pouco de imaxinación e cun montón de caixas de cartón fixemos uns Karts rapidísimos e moi chulos para despois pasear ata o cole de Infantil, onde tivemos o festival de entroido con todo o alumnado e profesorado do CEIP Plurilingüe A Pedra.

A continuación deixamos o vídeo que resume este día.