blogue deA Maía

Campións de España de clubes de Futsal

  As Escolas Deportivas Ames Alevín, Campións de España de Clubes de Futsal!. A nosa noraboa a todo o equipo, en especial a Adrián e Jaime, alumnos do noso cole!

  Para ver a noticia completa premede AQUÍ na web do Bertamiráns FC.

 

Unha imaxe dos campeóns recibidos no aeroporto polo Alcalde de Ames.

Benvida aos novos alumnos de infantil

   BENVIDOS AO CEIP A MAÍA:

  A través deste video elaborado por mestras e mestres de Educación Infantil mostramos o día a día nas aulas dos máis pequenos do cole...

Día mundial das clases ao aire libre

  O noso cole participou o día 18 de maio xunto con outros 4000 colexios de moitos paises a  nunha iniciativa mundial para dar as clases ao aire libre, fora das aulas, e recuperar así o contacto coa natureza. Esta proposta trata de fomentar o aprendizaxe de xeito lúdico como parte da formación integral  dos nenos, xa que estos precisan xogar e experimentar ao aire libre para un desenvolvemento san e completo. Estas son algunhas fotos das clases fora e nos blogs de infantil tedes máis información sobre este día.

Un mapa que indica os sitios onde se sumaron colexios a esta iniciativa...

 

 

Luis Vallecillo: "o mundo de carliños" cos alumnos de 2º

Os alumnos e alumnas de 2º asistiron no salón da Biblioteca a actuación do contacontos, poeta, músico e autor Luis Vallecillo  que lles presentou "o mundo de Carliños": un espectáculo no que  xunta a música e os monicreques para dar a coñecer a obra do autor homenaxeado este ano nas letras galegas: Carlos Casares…

Nos muiños de Riamonte cos alumnos de 2º

  Os alumnos e os profes de segundo de primaria da Maía foron de excursión pola ruta dos muiños de Riamonte.... Premendo no enlace anterior coa páxina do Concello tedes máis información sobre esta ruta circular duns 7 km. Unha paisaxe espectacular por un camiño de monte, entre freixos e ameneiros, con dez muíños  entre pozas e fervenzas!

O sabor da aventura está no mar: Plan Proxecta en 6º de infantil

  Os nenos e nenas de 6º de Infantil, participaron este curso no Plan Proxecta: o sabor da aventura está no mar, (que está organizada pola Consellería do Medio Rural e do Mar da Xunta de Galicia). Aprenderon sobre os alimentos que veñen do mar. Nunha primeira visita que lles fixeron os membros do programa, os nenos viron como se preparaban bocatas riquísimos con productos do mar... e despois coméronos!

   Nunha segunda visita faláronlles da alimentación sana, do consumo responsable e da responsabilidade que teñen no coidado dos mares.... e remataron xogando a pescar!

  Máis información sobre o desenvolvemento desta actividade podedes vela entrando nos blogs de infantil:

http://infantilamaia9.blogspot.com.es/2017/05/o-sabor-da-aventura-esta-no-mar.html

http://unhapresadadeollomaos.blogspot.com.es/2017/05/o-sabor-da-aventura-esta-no-mar.html

 

 

 

Tendal de poemas: entre ríos e camiños

 

  O alumnado de infantil e primaria de Ames participou nunha intervención artístico-poética ao aire libre. Fixeron siluetas de pezas de roupa en lonas nas que por un lado escribiron poemas e polo outro puxeron as ilustracións feitas en cada aula.

  Na organización e coordinación da actividade colaboran os ENDLG dos centros de participantes, a Aula da Natureza e o Servizo de Normalización Lingüística do Concello de Ames.

    A temática foi a Natureza e os poemas eran de escritores en lingua galega ou de producción propia. As pezas colgáronse en distintos parques de Ames en tendales facilitados polo Concello (máis información premendo aquí para ver a súa páxina). A idea era facer disfrutar aos veciños de Ames coa poesía. Esperamos que vos gustasen!

 

    Dous alumnos de cada aula, elexidos por sorteo, foron os representantes dos seus compañeiros para tender estas pezas poéticas. Premendo no issuu de abaixo veredes en detalle os poemas dos alumnos de infantil.

 

 

 

A galiña azul de Carlos Casares

   Esta semana das Letras Galegas o cole encheuse de galiñas... en homenaxe a Carlos Casares e a súa galiña azul.

 

3º número do Xornal da Maía editado por 4ºC

3º número do Xornal da Maía editado polos alumnos de 4ºC

 

Día das Letras Galegas: Carlos Casares

Como sabedes, este ano o Día das Letras Galegas está dedicado ao escritor Carlos Casares e os alumnos do colexio están a facer distintos traballos para achegarse a coñecer tanto ao autor como a súa obra. No blog da Biblioteca creouse unha nova páxina que contén información, biografías, actividades tanto online como para imprimir e na que tamén iremos engadindo traballos feitos polos rapaces do cole...

 

Distribuir contido