O alumnado de 2º ESO diseñou e montou unha rampla de canicas co mecanismo manual para subir a canica ao inicio da rampla. O reto era non tocar a canica coas mans e ter unha duración de 5 segundos mínimo ata chegar a meta.

Preme este enlace para ver os vídeos realizados polo alumnado dos seus proxectos de tecnoloxía

O centro, IES San Tomé de Frexeiro, fai entrega dun agasallo pola participación e o esforzó demostrado polo alumnado de 2º ESO 2022-2023 no concurso escolar Consumópolis 18 (1º e 2º premio autonómico e nivel 1º e 2º ESO) e alumnas de 2º ESO 2023-2024 polo concurso Consumópolis 19 polo 2º premio ganado nesta edición na súa categoría. 

Parabéns!

 O alumnado de cuarto da ESO, realizaron a montaxe e deseño, no taller de tecnoloxía, de un coche seguidor de luz. Para o chasis utilizaron material reciclado e para o movemento compoñentes electrónicos con previa simulación en Thinkercad. 

Ben feito! Funciona!

O alumnado de 4º ESO remata a etapa de educación obrigatoria. Parabéns!

Temos que celebrar o éxito acadado polo departamentode tecnoloxía durante a mañá do venres, na UVigo onde cincocentos estudantes de varias provincias galegas participaron na sétima competición de robots celebrada na Escola de Inxeñería Industrial. O noso alumnado de bacharelato conseguiu impoñerse a varios equipos nas diferentes probas deseñadas na categoría de Be-Robot, acadando ao mellor equipo da categoría feminina, e tamén O PRIMEIRO PREMIO e SEGUNDO PREMIO de bacharelato .

Aínda que o profesorado é o impulsor das iniciativas sen a implicación,  traballo e compromiso do alumnado non sería posible acadar estes logros.

Parabéns para todos/as!!

O alumnado de 2º ESO, para a materia Tecnoloxía, construíu estruturas trianguladas feitas con canutillos de papel que soportaron pesos de máis de 100 Kg forza.

Na entrada do instituto puxéronse ao dispor da comunidade educativa para probar estas estruturas. 

Profesores e alumnado puideron subirse e comprobar a resistencia

¡A estrutura soporto a peso sen problemas!

Clica no ligazón para ver máis fotos e vídeos. No vídeo saltan!

A exposición de lapiseiros foi unha actividade educativa na que o alumnado de 2º ESO presentaron os seus proxectos feitos no taller de tecnoloxía, mostrando a súa creatividade e habilidades técnicas.

Ademais, a exposición brindou á comunidade educativa a oportunidade de apreciar e valorar o traballo do alumnado, fomentando un ambiente de colaboración e respecto mutuo!

FOTOS

No taller de tecnoloxía, os alumnos e as alumnas de 2ºESO embarcáronse nun proxecto creativo e práctico: a fabricación de lapiseiros de madeira. Armados con ferramentas como a serra de marquetería eléctrica, o cuter, serruchos e outras ferramentas, os estudantes demostraron a súa habilidade e destreza manual. Guiados pola súa profesora, os alumnos aprenderon a manexar correctamente as ferramentas e a traballar con seguridade. Con paciencia e atención ao detalle, cortaron e deron forma á madeira para crear lapiseiros únicos e funcionais. Algúns estudantes optaron por deseños simples e elegantes, mentres que outros experimentaron con formas máis orixinais e creativas. Despois de dar forma aos lapiseiros, os alumnos dedicaron tempo a lixar coidadosamente a madeira, asegurándose de que estivese suave e sen achas. Unha vez que os lapiseiros estiveron preparados, chegou o momento da fase final: a pintura. Os estudantes aplicaron cores vibrantes e creativas, personalizando cada lapiseiro segundo o seu estilo e preferencias. O resultado final foi unha gran variedade de lapiseiros de madeira, cada un co seu propio toque distintivo. Os estudantes se enorgulleceron das súas creacións e compartiron os seus traballos nunha exposición dentro do instituto. Este proxecto non só permitiu aos estudantes desenvolver as súas habilidades técnicas, senón que tamén lles brindou unha oportunidade para expresar a súa creatividade e experimentar co deseño. Ademais, fomentou o traballo en equipo e a aprendizaxe práctica, mentres espertaba un interese renovado pola tecnoloxía e a artesanía. O próximo mes de xuño realizarase unha exposición dos lapiseiros na entrada do Instituto.

Ver fotos

O alumnado de 2º ESO participou no programa Consumópolis incluído no plan Proxecta+ 2022/23 coordinado pola profesora de tecnoloxía Luisa Alonso e en colaboración cos tutores deste curso.

Consumópolis é un concurso escolar sobre consumo responsable e calidade de vida, promovido polo Ministerio de Consumo e organizado na Comunidade Autónoma polo Instituto Galego do Consumo e da Competencia.

A participación no concurso materializouse a través das actividades que o alumnado desenvolveu na cidade virtual de Consumópolis (premer no enlace) na primeira parte, e na segunda parte elaboraron un vídeo dun traballo colaborativo en equipo.

Un total de 6 equipos pasaron á fase do concurso autonómico, 3 equipos de 2º ESO E, un equipo de 2º ESO B, un de 2º ESO PMAR e un de 2º ESO A. 

Desexámoslles moita sorte na eliminatoria!

FOTO

O pasado 5 de maio de 2023, os/as alumnos/as de 2º ESO realizaron unha excursión pola zona de Muros, A Coruña, organizada polo departamento de tecnoloxía.

Despois de asistir á exhibición como apoio ao equipo que participou na 2ª edición da Liga Maker Drone, realizaron un percorrido pola costa da morte. Visitaron A Fervenza do Ézaro, o Hórreo de Lira e remataron dándose un baño na praia de San Francisco en Muros.

Foi unha xornada emocionante e enriquecedora na que os estudantes puideron gozar dunha natureza impresionante. A Fervenza do Ézaro sorprenderon a todos co seu impresionante caudal de auga, creando un espectáculo natural impresionante. A visita ao hórreo de Lira permitiulles coñecer e apreciar a arquitectura tradicional galega, un símbolo da nosa cultura.

Para rematar a excursión, os alumnos puideron relaxarse e desfrutar dun mergullo na praia de San Francisco en Muros. A auga cristalina e a beleza da praia fixeron deste momento unha experiencia inesquecible.

Foi un día cheo de aprendizaxe, diversión e conexión coa nosa contorna natural.

FOTO