Extraescolares

O pasado mes de febreiro o conselleiro de Cultura, Educación e Ordenación Universitaria, Xesús Vázquez Abad, presidiu un acto no que gabou o esforzo dos 38 estudantes galardoados cos premios extraordinarios de Bacharelato correspondentes ao curso 2010/2011, e os premios extraordinarios de Formación Profesional específica de grao superior correspondentes ao curso 2009/2010. Alí estaba o noso exalumno Alejandro Roura Blanco, que ademais representou a todos os seus compañeiros lendo un discurso de agradecemento. Aquí está o video coas súas verbas. Desculpade que a imaxe non sexa boa. [máis info...]

A Concellería de Educación, Deportes e Xuventude do noso concello organizou un primeiro Concurso de Monólogos o día 21 de decembro no Teatro Rosalía de Castro. As  alumnas de 1º A , Paloma Bonilla, Carolina Fernández e Fátima Lousada (aí as tedes ás tres, bonitas coma berenguelas) obtiveron o segundo premio no nivel de bacharelato, cun entretido monólogo sobre as redes sociais.  Un monólogo que, ademais, resultou moi ben falado. Parabéns!

Nas pasadas festas do Nadal un intrépido reporteiro de EusebioTV desprazouse a Marrocos para filmar como son alí as festas de fin de ano.

Pronto será o estreno, pero polo de agora temos un enloquecido avance na súa páxina web. Pica na fotografía para velo.

EusebioTV, a aposta dun grupo de alumnos do Instituto, vén de cumprir unha cifra de visitas que nunca pensaron acadar: 10.000 e subindo. O extraordinario labor destes alumnos segue medrando día a día: Mesmo dan conta das súas novidades a través dunha conta en Twitter (@EusebioTV), que fan de reporteiros no acto de Homenaxe a Picasso e o editan e publican antes que os periódicos locais... Axiña poñerán á nosa disposición un novo traballo: "Por terra, mar e aire". Agardamos con ansia, rapaces!