Os días 14 e 28 de xaneiro os alumnos de 3º da ESO visitaron a Domus para realizar no seu laboratorio unha práctica de disección do corazón dun porco. O alumnado puido apreciar neste órgano a disposición das distintas veas e arterias, as cavidades coronarias e as válvulas que regulan o fluxo sanguíneo. Completouse a saída facendo unha visita ás instalacións da Domus, onde os rapaces puideron, de modo interactivo, avanzar no coñecemento da anatomía e fisioloxía do corpo humano, contidos que se están a traballar neste curso.

(Fai clic na foto para ver máis)

(Texto de Catalina Romero, fotos de M. Jesús Quintáns, M. Jesús Gómez  e Catalina Romero)

O pasado mércores 20 de xaneiro, o doutor Ángel Carracedo impartiu unha conferencia maxistral no noso centenario instituto.

Podes atopar a crónica e fotos do senlleiro acto, ao que asistiu o Excmo. Alcalde da Coruña, neste enlace de Cazatesouros, o blog do club de lectura.

Máis: "Para que surdan moitas máis figuras como a do doutor Ángel Carracedo é necesario mimar a educación pública"

AFACO, Asociación de Familiares de Enfermos de Alzheimer de A Coruña, ven de celebrar o seu XX aniversario. Neste enlace poderás ler a memoria elaborada co motivo desta celebración. Moitos dos seus membros tomaron unhas instantáneas para o recordo no noso centro.

 (Fotos: Mario Juiz)

Os alumnos de 2º de Bacharelato foron o pasado 16 de decembro a UNITOUR, o Salón de Orientación Universitaria en Palexco, acompañados dos seus titores: Mario Juiz, Ana Mª Rodríguez Cabanela, Mar Sendino, Sonsoles Fernández, a vicedirectora Mª Rosario Soto e a coordinadora de Bacharelato, Beni Vidal.

Coa publicación das bases, facemos un chamamento á comunidade educativa para que as difundan entre o alumnado. A XI edición do Concurso Literario Rita Suárez Amado celebrarase no vindeiro mes de marzo, pero os traballos haberá que entregalos antes.

Fai clic na imaxe para ter acceso ás bases.

Actualización 26 Febreiro: Rematado o prazo de entrega dos traballos, próximamente anunciaremos a convocatoria da entrega de premios. Coma sempre, gracias anticipadas aos participantes. Un ano máis os membros do xurado tiveron traballo dabondo e decidir os gañadores foi unha grande responsabilidade.

Hoxe visitounos o escritor vigués, premio Blanco Amor 2005, Francisco Castro. O seu auditorio estivo formado polo noso alumnado de 1º da ESO. Máis dun cento de rapaces que mereceron xa un dez polo seu comportamento. Estiveron moi atentos á dinámica e entretida charla sobre a xénese da obra Chamádeme Simbad. Logo fixéronlle varias preguntas intelixentes. Francisco Castro respondeu de igual a igual, demostrando unha vez máis a importancia de sermos seres que len, conscientes dos problemas do mundo e do poder do individuo que sabe discernir as palabras sabias das palabras falaces.

(Fotos de Pedro R. Porca) 

Neste video a TVG lembra o desenvolvemento do artista nas aulas do Instituto.

María José Martínez Girón e Nieves López Agrasar son profesoras no Eusebio. Aceptaron facer unha entrevista co gallo das reformas propostas por José Antonio Marina recentemente. Hoxe o diario publicou as súas opinións. Podes ler a entrevista completa facendo clic na imaxe.

Minuto de silencio en lembranza das vítimas de París. (Fotos: varios autores)

(Deseño de Jean Jullien)

Actualización:

Os alumnos do colexio de Fontenilles (France) fixeron un padlet para recoller os seus pensamentos. Nel tivo cabida a nosa aportación.

La Voz de Galicia fíxose eco da nosa protesta silenciosa. Aquí o enlace para velo. Asemade, noutro artigo, ampliou a información.

Engadimos outra foto panorámica:

 (Foto: Mario S. García)