IES Castelao

          Nesta Hora de Ler, dun día no que hai convocada unha xornada de solidariedade do colectivo docente co pobo palestino, convidamos a toda a comunidade a ler algúns poemas referidos a el, de autores diversos: de Bernardino Graña, Pilar Pallarés ou Méndez Ferrín a Refaat Alareer pasando por Ramiro Fonte, Xela Arias ou Moncho Iglesias. Figuran nunha ppt que se xunta.  

          Por outra parte, tamén ofrecemos para esta sesión de lectura un texto de Carlos Casares, coincidindo coa exposición da que podemos gozar no vestíbulo sobre este autor, falecido hai xa vinte e dous anos! Trátase dun fermoso relato, "A rapaza do circo", pertencente ao seu primeiro libro, Vento ferido (1967). Se quixerdes, podedes tamén visitar a páxina da súa Fundación.

          E toda a comunidade queda convidada a participar na elaboración de Microrrelatos con títulos de libros.  Ou a propoñer nome e logo para a radio do instituto.

          Que non se diga que non hai propostas para facer! 

          Boas lecturas

          Nesta Hora de Ler, na que hai convocada unha xornada de solidariedade do colectivo docente co pobo palestino, convidamos a toda a comunidade a ler algúns poemas referidos a el, de autores diversos: de Bernardino Graña, Pilar Pallarés ou Méndez Ferrín a Refaat Alareer pasando por Ramiro Fonte, Xela Arias ou Moncho Iglesias. Figuran nunha ppt que se xunta.

Atención, alumnado do IES Castelao! Buscamos nome e logo para a nosa radio escolar. Estas son as bases que rexen o concurso. Tedes de prazo ata o día 30 de abril para facer as vosas propostas. Animádevos! Escoitámonos nas ondas. 

Dende a Biblioteca Ramiro Fonte, lanzamos o Concurso de Microrrelatos con títulos de libros para festexar o vindeiro 23 de abril, o Día do Libro.

Lede as bases e achegade as vosas composicións ao correo electrónico: 

 bibliotecaramirofonte@gmail.com

O 27 de marzo conmemórase o Día do teatro. Con tal evento, dende a Biblioteca Ramiro Fonte convidamos o alumnado de 1º da ESO a ler uns fragmentos de coñecidas dramaturxias como: Luis, "El Sonrisas" de J.L. Alonso de Santos (microteatro); Ha llegado un inspector (fragmento) de J.B. Priestley; monólogo inicial de Segismundo e outro fragmento de La vida es sueño de P. Calderón de la Barca, O achado do castro, de Núñez Singala e Os vellos non deben de namorarse, do noso ilustre Castelao. 

Álbum: Curso 2023/2024 -> Lecturas polo día do teatro

O pasado 21 de marzo o alumnado de Tecnoloxía e Enxeñaría I e de Bioloxía de 1 de bacharelato asistiu a esta interesante actividade impartida por Elena Alonso Prieto, directora da Escola de Enxeñaría de Minas e Enerxía da Universidade de Vigo.

Unha interesante oportunidade de coñecer o panorama actual das formas de obtención de enerxía e os seus requerimentos en canto a materias primas. E unha ocasión mais para concienciamos da actitude de aforro de enerxía e materiais que debemos ter como cosumidores.

Álbum: Curso 2023/2024 -> Charla: O papel das materias primas minerais na transición ecolóxica

O alumnado de 1º de Bacharelato visita as distintas facultades do campus de Pontevedra.

ENLACE A TODA A INFORMACIÓN 

Álbum: Curso 2023/2024 -> Visita ao campus de Pontevedra

Algunhas persoas din que debater é cousa de políticos. Outras din que non lles gusta porque iso implica saber falar en público e ter moita labia. Entón, por qué se lle ía dar a oportunidade de participar nun debate a uns estudantes de bacharelato?

Esa pregunta foi a que nos fixemos cando soubemos do concurso do Parlamento Xove: un torneo de debate organizado pola Xunta de Galicia no que mozos e mozas de todo o territorio galego compiten durante unha fin de semana nunha serie de enfrontamentos dialécticos. 

(fragmento) Sergio Costas, Roi Fernández, Xoel Romero e Alejandro Alonso

No mes de marzo 1º e 2º de ESO participou nos obradoiros de resolución positiva de conflitos do programa “Convivindo”  impartidos por psicólogas da Fundación Amigó.

• A importancia da educación emocional.
• As emocións: identificación e expresión.
• Conflitos-emocions: a importancia da comunicación e como xestionar as nosas emocións ante os conflitos. 

Álbum: Curso 2023/2024 -> Programa Convivindo

Nais e pais do alumnado de 3º ESO participan nas charlas impartidas polo Concello dentro do Programa "Máis que un teito" sobre a importancia do diálogo e a comunicación cos fillos e fillas e as estratexias máis axeitadas nestas idades. 

As veces non é sinxelo que os fillos e as fillas comuniquen as súas inquedanzas no eido familiar, e é moi importante favorecer o diálogo e a comunicación, que se sintan seguros e apoiados. 

Álbum: Curso 2023/2024 -> A comunicación cos fillos e fillas