IES Castelao

     O día 19 de novembro un bo feixe de alumnos de 4º e mais de 2º de bacharelato acudiron á Aula Magna da Escola Oficial de Idiomas para asistir a este espectáculo teatral no que puideron ver a dramatización dalgúns fragmentos literarios correspondentes a autores (Lorca, Miguel Hernández, Pablo Neruda, León Felipe) deste extraordinario grupo poético e mais da época, enfiados pola excéntrica personalidade do pintor Dalí. Todo enfeitado cunha pouca (ou non tan pouca) maxia.

     O espectáculo foi seguido con respecto, atención e interese.

Álbum: Curso 2019/2020 -> Magia y poesía en la Generación del 27

     O pasado luns pola tarde, ás 16:40, tivemos unha sesión para festexar o Día do Libro cunha serie de textos destinados a un público moi especial: acompañáronnos persoas vindas de catro centros de día da cidade: Os Avós, Alcabre, Parque Castrelos e Atlántida. Eles quedaron encantados e nós tamén de recibilos, nun instituto -como algúns comentaban- ben distinto aos colexios nos que cursaron os estudos eles.

     Marabillados do noso Salón de Actos, alí puideron escoitar varios contos, poemas... que mesmo os fixeron emocionarse. E gustar gustáronlles, se xulgamos polos aplausos que lle ofreceron ao alumnado de 1º de ESO que participou.

     Como recordo, levaron cadansúa figura de Castelao para os seus centros de día, aos que volveron cando acabou o acto, contra as 17:45. Foi unha tarde diferente, tanto para os rapaces coma para os visitantes.

     Neste vídeo pódese ver boa parte da actividade:

     E aquí podedes disfrutar dalgunhas fotos da mesma:

Álbum: Curso 2018/2019 -> Día do Libro cos centros de día

     O 24 de abril un grupo de alumnado de 2ºC e 3ºA acudiu a contarlles historias aos alumnos de Infantil do CEIP O Pombal para conmemorar o Día Internacional do Libro.

Álbum: Curso 2018/2019 -> Día do Libro no Pombal

          O venres día 26, o catedrático de Literatura española da Universidade de Vigo, especialista na literatura dos séculos XVI e XVII, director do Anuario “Hesperia” de Filoloxía Hispánica, Presidente de Honra (despois de presidila entre 2004 e 2012) da Asociación internacional de Cervantistas…, don José Montero Reguera, acudiu por terceira vez ao noso instituto para contarnos algunhas cousas das que tanto sabe sobre o inmortal libro de Cervantes.

Álbum: Curso 2018/2019 -> Los personajes del Quijote: tradición y modernidad

          O mércores 24 de abril comezaron as actividades organizadas polo departamento de Lingua Castelá e Literatura para festexar o Día do Libro destinadas a un público moi variado, tal como reza o título xenérico nesta ocasión. Pódese ver o motivo dese título no programa, no que non se reflicten outras actividades que se desenvolven nas aulas, como, por exemplo, a lectura de fragmentos do libro favorito por parte do alumnado.

    Dentro das actividades para celebrar o 23 de Abril, Día do Libro, tivemos no vestíbulo a carón do Salón de Actos unha exposición de libros de pequeno tamaño. Puidemos ver exemplares de dicionarios pequenos, varias edicións do Quixote en pequeno formato e moitos exemplares das famosas coleccións “Crisol” e “Crisolín” da antiga editorial Aguilar.

    Pero os máis pequenos de todos eran os fabricados coas súas propias mans pola alumna de 2º ESO-C NOELIA CAROLLO, que tivo a ben cedérnolos para que todos puidésemos comprobar a súa habilidade para confeccionar tales miniaturas. En agradecemento, regalámoslle, para que pase un tempo agradable con ese pasatempo que sabemos que lle gusta, un libro, de formato estándar nesta ocasión.

    Parabéns pola túa afección e a túa demostrada habelencia, Noelia!

Álbum: Curso 2017/2018 -> Pequeños grandes libros

     Dentro das actividades programadas polo departamento de Lingua Castelá e Literatura o día 23 de Abril, os alumnos de 1º de bacharelato tiveron ocasión de realizar diferentes xogos lingüísticos como, por exemplo, “Preguntas de mierda”, “Absolutas idioteces” ou a construcción dalgunha historia a partir dos “Story cubes”.  Son, desde logo, alternativas moi interesantes aos tradicionais xogos de mesa.

     Todo baixo a batuta da animadísima profesora Alexia Dotras, que non dubidou en retratarse con un dos nosos ilustres visitantes dese Día.

Álbum: Curso 2017/2018 -> Xogos lingüísticos

     No marco das actividades do Día do Libro o martes día 24 ás 9 da mañá tivo lugar no Salón de Actos a lectura  por 1º ESO B do primeiro acto da obra de Federico GARCÍA LORCA La zapatera prodigiosa. Asistiron todos os alumnos de 1º da ESO.

Álbum: Curso 2017/2018 -> La zapatera prodigiosa

     Aquí podes ver algunhas fotos das Lecturas que desenvolveron o luns 23 de Abril, Día do Libro, os alumnos de 1º ESO A e C:

Álbum: Curso 2017/2018 -> Lecturas do Día do Libro (luns)

    Como cada ano desde 1930, celebramos en España esta festa para homenaxear a ese gran compañeiro que pode ser en tantas e tan diversas circunstancias un LIBRO. Posteriormente incorporouse tamén a defensa dos dereitos de autor, ignorados en tantas ocasións.
    Igual que outros anos desde hai xa algúns, no instituto celebramos esta festa do libro e a lectura realizando unha serie de actividades para animar e incentivar ao alumnado ao coñecemento de autores clásicos e á lectura en xeral.
    Este é o programa de actividades que desenvolve o Departamento de Lingua e Literatura Castelá: