Este curso estamos comezando a poñer en marcha un club de ciencias no noso CPI con dúas seccións: primaria e secundaria.
Podedes visitar a nosa aula virtual para ver os proxectos que se están a levar a cabo.
Pode formar parte calquera alumno movido pola curiosidade cara temas científicos: astronomía, bioloxía, informática, meteoroloxía,...e outros moitos que podan xurdir.
Os membros do club de secundaria vos invitamos a visitar:
Exposición virtual sobre A Historia das máquinas de cálculo.
O Tempo en San Sadurniño: a partir dos datos da nosa estación meteorolóxica, e que podedes visualizar todos os días na nosa páxina web, elaboramos gráficas mensuais.
O noso propósito é respostar cuestións como: ¿son as precipitacións deste mes de xaneiro "normais"? ¿Cal foi o mes de xaneiro máis caluroso dende hai 100 anos?
Tamén podes enviar ao correo do centro algún reto para os nosos alumnos: gráficas á carta, preguntas sobre os valores extremos dos últimos meses,...
