Blogues

4º ESO - Probas para a acreditación da competencia dixital

Coa publicación da Resolución do 28 de febreiro de 2024, da Dirección Xeral de Ordenación e Innovación Educativa, pola que se ditan instrucións para a acreditación das competencias dixitais do alumnado que cursa ensinanzas de educación secundaria obrigatoria e bacharelato na Comunidade Autónoma de Galicia no curso 2023/24 ábrese o prazo para a inscrición do alumnado que cursa 4º ESO e que solicita participar nas probas de acreditación de competencias dixitais, o cal rematará o próximo 15 de marzo (prazo ampliado).

A proba específica para acreditar o nivel intermedio axustarase ás cinco áreas de dominio definidas no Marco galego de competencias dixitais
(https://competenciasdixitais.xunta.gal/areas.html). A alumna ou o alumno debe responder nun tempo máximo de 90 minutos un total de 60 preguntas de diferente complexidade e tipoloxía referidas a cada unha das cinco áreas de dominio (12 preguntas por cada área).
Para superar a proba específica de nivel intermedio deberase responder correctamente a un 70% do total de preguntas, sendo necesario obter un mínimo do 60% de respostas correctas en cada unha das cinco áreas. Esta proba tería lugar no mes de maio.

Para obter máis información sobre estas probas de acreditación da competencia dixital, consultar seguinte enlace: https://www.edu.xunta.gal/portal/sites/web/files/20240227_prox_resolucion_acredita_cda_gal_sin_dx.pdf

Contidos que serán avaliados: https://ficheiros-web.xunta.gal/comdix/20231213_EstruturaMGCD_v.1.0.pdf

ADMISIÓN ALUMNADO 2024-2025

PROCEDEMENTO DE ADMISIÓN DE ALUMNADO PARA O CURSO 2024/2025

PRAZO DE PRESENTACIÓN DAS SOLICITUDES DE ADMISIÓN:

do  1 ao 20 de marzo de 2023

A través da aplicación informática https://www.edu.xunta.gal/admisionalumnado/ poderá presentar solicitude mediante calquera das seguintes opcións:

1. Cubrir a solicitude informáticamente e presentala asinada de xeito manua no centro:

2. Cubrir a solicitude informáticamente e asinala en Sede Electrónica:

Para presentar a solicitude a través da Sede Electrónica deberá acceder a admisionalumnado con usuario de Chave365 ou con certificado dixital.

IMPORTANTE: Debe achegar, na Sede Electrónica da Xunta de Galicia, o anexo bis dixitalizado.

3. Cubrir a solicitude manualmente e presentala asinada presencialmente no centro:

Se non desexa cubrir a solicitude dixitalmente pode facelo de xeito manual descargando dende os seguintes enlaces os documentos, cubrilos e presentalos firmados no centro:

Solicitude (galego)

Solicitud (castellano)

NOTA INFORMATIVA:

1.    O alumnado poderá presentar solicitude de admisión, pedindo ata seis (6) centros por orde de preferencia, e alegar os criterios de admisión que pretenda que se lle valoren. Esta solicitude de admisión dirixirase ao centro solicitado en primeiro lugar. Despois de presentar unha solicitude de admisión, para renunciar a ela deberá facerse expresamente, indicándoo no recadro correspondente da nova solicitude que deberá presentarse.

2.    A solicitude de admisión é única para cada alumno/a e ten carácter vinculante. A súa presentación implica que son certos os datos indicados nela. A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza reservada a 28 de febreiro (este incluído) poderán ser causa de perda do dereito a participar no procedemento nos termos previstos no artigo 8.

POSTOS ESCOLARES OFERTADOS EN CADA NIVEL E ETAPA:

CURSO

PRAZAS OFERTADAS

4º Infantil

40

5º Infantil

24

6º Infantil

20

1º Primaria

20

2º Primaria

17

3º Primaria

2

4º Primaria

10

5º Primaria

6

6º Primaria

3

1º ESO

10

2º ESO

2

3º ESO

14

4º ESO

13

 

 

PRAZO DE PRESENTACIÓN DA DOCUMENTACIÓN XUSTIFICATIVA DOS CRITERIOS DE BAREMO ALEGADOS:

10 días hábiles, contados a partir do día seguinte ao remate do prazo para presentar as solicitudes de admisión

NORMATIVA DE APLICACIÓN:

   

Orde do 21 de outubro de 2022 pola que se desenvolve o Decreto 13/2022, do 3 de febreiro, ese regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica2/2006, do 3 de maio, de educación (códigos de procedemento ED550A, ED550B e ED550C).

   

Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

   

Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa e derroga o artigo 44 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

 

Iguála-t

O luns 29 de febreiro visitounos a politóloga Priscila Retamozo Ramos, especialista na temática da violencia de xénero, para impartir o obradoiro titulado "Hackeando o machismo" ao alumnado de 2º ESO. Esta actividade formativa, pensada para alertar sobre os comportamentos en redes sociais, enmárcase no programa Iguála-t, afondando no compromiso desta comunidade educativa para acadar a plena igualdade.

Personificando a Rosalía en 2024

Personificando a Rosalía un 23 de febreiro de 2024

Parte dos actores e actrices do grupo de teatro do CPI de Cova Terreña participaron no recital poético da mañá do 23 de febreiro, lendo o manifesto redactado pola AELG (Asociación de Escritores e Escritoras en Lingua Galega).

Na lectura participaron Anxo Carbó, Trinidad Costas, Simon Hayden, Nara Lago, Elia Penedo e Zayra Villar, quen intercalaron poemas da nosa poeta universal cos textos de homenaxe á súa figura e á súa obra.

 

 

IGUÁLA-T

Constituíuse o "Comando Igualdade" de Cova Terreña, un equipo de traballo para formar, concienciar e apoiar o alumnado, e a sociedade en xeral, en temas tan importantes como a igualdade de xénero e a loita contra a violencia machista. Organizaremos conferencias, obradoiros, coreografías, performance, etc. O CPI de Cova Terreña súmase así a un grupo de centros veciños, cos que colaboraremos estreitamente, que xa levan tempo con estas actividades socio-educativas: IES Primero de Marzo, IES Alexandre Bóveda, IES Valadares, IES Álvaro Cunqueiro, IES de Mos.

Na fotografía podedes ver o grupo case ao completo, formado por alumnado de 1º e 2º da ESO (Lucía, Mara, Lara, Melisa, Lorena, Estela, Jairo, Gisela, Sara, Candela, Irene, Elia, Carmen, Gerardo, Emma, Zayra), polo equipo directivo e polo profesorado do programa Iguála-t.

CHARLA CLASES SEN FUME

Ola:

O 19 de febreiro visitounos un año más Victoria, médico do SERGAS, para impartir unha charla informativa ao alumnado de 1º da ESO sobre os perigos da adicción ao tabaco.

Explicaron como actúa a nicotina, o alquitrán e o monóxido de carbono no corpo; o xeito que ten o corpo de reccionar ante unha sustancia tóxica; e as consecuencias no futuro. Tamén trataron este problema desde o punto de vista empresarial e as campañas que leva facendo a industria tabaqueira ao longo dos anos.

Ao final da sesión a médica intervinte ofreceu a posibilidade de facer unha cooximertría para valorar a cantidade de CO expirado.

Esta charla forma parte do programa clases sen fume e do programa proxecto de vida activa e deportiva. 

Calendario de exames pendentes da 2ª avaliación

Os días 20 e 21 de febreiro, en horario de tarde, terán lugar os exames das materias pendentes de cursos anteriores, tal e como se amosa a continuación:

Cómpre recordar que as materias pendentes que non se superen iranse sumando ás do

curso ordinario suspensas a efectos de promoción de curso e de titulación en 4º de

ESO.

As titorías entregarán o boletín de pendentes ao alumnado o venres 23 de febreiro, ás

11:00h, nas súas aulas de referencia.

OBRADOIRO DE FÚTBOL GAÉLICO

Bos días

A semana do 5 ao 9 de Febreiro o alumnado de 1º e 3º da ESO puido disfrutar de dúas sesións de iniciación ao fútbol gaélico. Esta actividade desenvolveuse durante as sesións de educación física. A parte final deste obradoiro remataría nunha convivencia con outros centros en Gondomar.

O proxecto gaélico-escolas adícase a difundir este deporte entre os escolares

A actividade forma parte do programa PVAD (proxecto de vida activa e deportiva), do programa Inclúe-T, iguála-T, Emocióna-T e Convíve-T.

 

Día da Paz en verso

O pasado 30 de xaneiro de 2024 celebramos o Día da Paz no CPI de Cova Terreña cunha xincana deportiva organizada polo departamento de Educación Física, cunha actuación do noso Coro e mais cunha performance creada polo Grupo de Teatro do noso centro educativo.

Eis os versos recitados polos actores e actrices participantes:

"Xa non teño quen me escriba, co pulso do amor

agora sotérrome na ferida, que a súa ausencia e a guerra me deixou.

Non son a néboa que hoxe oculta a mar.

Non son a vida que non me quixo dar.

Non son a sombra do que antes fun.

Non son a miraxe que se perde no horizonte. Son a paz!

Cos teus cotenos no horizonte impasíbel

eu petaba unha interrogación: Que nos enfronta?

Un pensamento inconsciente, un pano furado de estrelas,

atravesa o noso atlántico reclamando liberdade...

Atopamos esta madrugada, na gaiola do mar,

unha illa perdida, no medio do océano de sal. Ao lonxe Palestina!

Armaremos de novo a gaiola pois vai saír o sol

improvisado e desorientado, para fundir a neve da Ucraína.

E nós, alumnas e alumnos do Cova Terreña,

xuntaremos paxaros sen xeografía para enviárllelos a todos os que alí sofren.

O mar, coma a paz, é unha illa de auga rodeada de ceo por todas partes!"

 

SAÍDA A PONTEVEDRA: ESCALADA E VISITA AO MUSEO

O alumnado de 4º da ESO desfrutou este venres, 2 de febreiro, dunha xornada de escalada nas instalacións municipais de Pontevedra (Pavillón multiusos da Xunqueira).

Tras unhas semanas de adestramento sobre o manexo de material, estes alumnos foron quen de desenvolver a actividade con autonomía baixo a supervisión do profesor de Xeografía e Historia e o profesor de Educación Física.

A actividade puido levarse a cabo grazas á colaboración do Museo de Pontevedra, a Deputación, o IMD (Instituto Municipal de Deportes de Pontevedra) e o Club de Montañeiros de Pontevedra, que nos alugou o material para dita práctica.

Esta saída forma parte do programa PVAD (proxecto de vida activa e deportiva), Inclúe-T, Convíve-T, Iguála-T e Emocióna-T.

A actividade complementouse cunha visita ao Museo de Pontevedra. Alí, centrouse a visita na exposición permanente de Castelao, no tesouro de Caldas e na colección de Sargadelos, entre outras moitas xoias da arte galega.

As dúas actividades foron organizadas polos departamentos de Lingua Galega e Educación Física.

 

 

CONCURSO CLASES SEN FUME

Xa está seleccionados e enviados os eslogáns que participarán no concurso clases sen fume.

O propio alumnado votou en cada unhas das clases de 1º da ESO cal era o debuxo que os ía representar neste certame.

Esta actividade forma parte do proxecto clases sen fume. O obxectivo desta intervención e evitar e desincentivar a adicción ao tabaco.

ACTIVIDADES NO DÍA DA PAZ

O 30 de Xaneiro conmemorouse o día da Paz.

O equipo de convivencia organizou diferentes actividades para todas as etapas:

  • ESO: no pavillón municipal, o alumnado de 4º da ESO colaborou na xestión de xogos cooperativos para toda a etapa.
  • PRIMARIA: no pavillón municipal, o profesorado regulou diferentes xogos polos que todo o alumnado foi rotando.
  • INFANTIL: nunha das salas do pavillón municipal este alumnado desfrutou de diferentes retos físicos organizados polo profesorado.

A xornada concluíu cunhas intervencións e lecturas referidas ao día da Paz e unhas pezas musicais do coro e conxunto instrumental do centro.

Agradecemos a todo o profesorado implicado a súa colaboración e esforzo.

Esta actividade está integrada en diferentes proxectos do centro: INCLÚE-T, CONVÍVE-T, EMOCIÓNA-T, IGUÁLA-T e PVAD

 

Revivindo "Sempre Xonxa" no CPI de Cova Terreña

O alumnado do CPI de Cova Terreña recibiu a visita da actriz Uxía Blanco, protagonista do filme Sempre Xonxa, dirixido por Chano Piñeiro.

 
Na mañá do 24 de xaneiro recibimos no centro educativo a visita da actriz galega Uxía Blanco, protagonista do filme Sempre Xonxa, quen estableceu varios coloquios co alumnado do noso centro. No primeiro deles, orientado ao alumnado de 1º de ESO e presentado polas alumnas Lucía Núñez, Candela Román e Carla Varela, tratáronse aspectos da rodaxe do filme, así como algunhas cuestións relacionadas coa vida persoal e profesional da actriz.
 

Tras finalizar o coloquio, a actriz dirixiuse aos grupos de 2º de ESO, quen tamén traballaran o filme no pasado curso.

Unha vez realizadas as visitas a estes cursos iniciouse, tamén na Biblioteca do noso centro, outro coloquio, desta volta para alumnado de 4º de ESO, relatorio que foi presentado por Pedro Leyenda, Loren Outerelo e Miguel Vilar.

 

Riscos globais

No 1º trimestre do curso 2023/24, na materia de Xeografía e Historia impartida en 3º ESO, o alumnado estivo traballando de forma conxunta co fin de elaborar un informe o impacto ambiental do cambio climático en diferentes accidentes xeográficos ubicados en distintos continentes.

Nos traballos adxuntos pódese ver:

  1. Imaxe satélite do accidente xeográfico.
  2. Mapa coa localización do accidente xeográfico.
  3. Riscos ambientais: resumo da problemática do cambio climático que está afectando a este accidente xeográfico.
  4. Imaxes da apariencia do accidente xeográfico a pé de campo.

 

 

 

Christmas Video Greetings

This year the English Department decided to organise a contest of Christmas Video Greetings. A lot of students participated, with so many amazing videos, sharing their best wishes with all the classmates, teachers and families. They danced, played, sang, spoke English, and the most important: they had fun, with their friends, with their families, even their pets appeared in the videos!

We shared the videos with all the students on the last days of classes so everybody enjoyed them. It was a very beautiful activity.

The videos were all so good, it was really difficult for the jury to choose the best. Eventually, these are the winners:

1º ESO: Alba, Aida, Iris and Ángela

2º ESO: There was a tie, so there were two winner videos: 

              - Carmen 

              - Xiana, Anxo, Estela, Sara and Simón

3º ESO: Alejandra (and her father)

4º ESO: Carolina

Congratulations!!!

ACTIVIDADES DEPORTIVAS FIN DO TRIMESTRE

Con motivo do remate do primeiro trimestre e o comezo das vacaciones de Nadal, organizáronse diferentes actividades deportivas durante a metade da mañá.

O obxectivo fundamental foi a práctica de actividade física dos escolares. Buscouse optimizar o espazo para dar cabida ao maior número de alumnado con distintas actividades repartidas polo espazo do pavillón municipal.

Fixéronse torneos de:

Baloncesto

Fútbol

Tenis de mesa

Brilé

Voleibol

Nalgúns casos optouse por equipos mixtos e noutros por petición das rapazas por equipos integramente femininos.

Esta actividade forma parte do proxecto de vida activa e deportiva, os programas Inclúe-T, Iguála-T e Convíve-T

O grupo de teatro do CPI de Cova Terreña salta a escena neste Nadal 2023

O grupo de teatro amador do CPI de Cova Terreña, integrado por alumnado de todos os niveis da ESO e dirixido polos profesores Paz Rodríguez e Anxo X. Rajó, iniciou a súa andaina nos escenarios coa posta en escena de dúas obras teatrais nunca antes estreadas.

A primeira delas, titulada "Os defuntos falaban castelao", é unha adaptación teatral baseada no texto orixinal do autor lugués Ánxel Fole, un relato que fora incluído no seu famoso libro Á lus do candil, publicado en 1953.

A segunda das obras presentadas titúlase Unha elección a medida para a princesa Aldara, texto orixinal de Anxo X. Rajó, que mestura a tradición das lendas artúricas, a lírica trobadoresca e outros aspectos das cortes medievais.

As obras formaron parte do Festival de Nadal do CPI de Cova Terreña, que este ano foi presentado de forma espléndida polas actrices Mara e Aida, e mais polo actor David, que tamén dirixiron as badaladas de fin de ano.

Cómpre destacar o elenco de actores e actrices. Segundo a orde de aparición, en Os defuntos falaban castelao:

Narradora (Alba Bouzada), Tristán (Pedro Leyenda), Chofer (Leo), Françoise (Bea), Carme (Elia Penedo), Louise (Loren Outerelo), Vilo (Lucía Blach), Don Ramilo (Adrián Vasconcellos), Mozo (Miguel Vilar) e María (Leti Figueirido).

A respecto de Unha elección a medida para a princesa Aldara, segundo a orde de aparición:

Narradora (Irene Costas), Senescal (Anxo), Carme (Elia Penedo), Conde de Lemos (Pedro Leyenda), Condesa de Lemos (Iris Calero), Conde de Gondomar (Lucía Blach), Condesa de Gondomar, Conde de Camiña (David), Condesa de Camiña (Mara Fernández), Xograr (Miguel Vilar), Menestrel (Ángela Cividanes), Rei D. Afonso X (Leo), Raíña Violante (Trinidad Costas), Princesa Aldara (Nara), O cabaleiro Galván (Sara Cedeira), O cabaleiro Galaaz (Elia Penedo) e O cabaleiro Tristán (Elia Penedo).

 

O xurado do CPI de Cova Terreña falla o II Concurso de Postais en Lingua Galega

O xurado composto polos departamentos de Artes Plásticas e Visuais, Lingua e Literatura Galegas e Portugués, e mais o equipo de Biblioteca e de Dinamización Lingüística, fallaron na tarde do pasado luns 18 de decembro o II Concurso de Postais en Lingua Galega do CPI de Cova Terreña.

 

Todos os premiados e premiadas foron homenaxeados no Festival de Nadal que tivo lugar nesta quinta feira (xoves). Recibiron coma galardóns libros de lectura en lingua galega, pinturas de cores, bolsas e maletíns e chaveiros conmemorativos do 50 aniversario do CPI de Cova Terreña.

Un ano máis, o xurado quixo resaltar na súa acta a extraordinaria participación do alumnado de todos os niveis, amais da alta creatividade tanto para as composicións poéticas como para os deseños presentados.

Nos ficheiros adxuntos, amais dalgunhas imaxes, axúntase a acta do xurado.

 

 

Emprendendo a medida que aprendemos economía na ESO

O alumnado de 4º de ESO, que recibe formación en Economía e Emprendemento, participou na xornada do 19 de decembro de 2023 na presentación das súas sociedades cooperativas na Deputación de Pontevedra.

Ademais de presentar o noso centro e a nosa vila, Baiona, os e as representantes das diversas cooperativas explicaron quen eran os compoñentes das mesmas, os principios que as rexen e a ONG á que van doar parte dos seus beneficios.

A Deputación de Pontevedra, de man do seu deputado provincial Javier Tourís, entregou ao noso alumnado os NIF provisionais cos que poderán operar economicamente nos próximos meses.

As sociedades cooperativas Colecuas, Famouz, CIGA e Laant tentarán abrirse camiño no mercado económico cos seus produtos. Nos próximos meses teredes máis noticias!

 

Concurso de Postais en lingua galega 2023

Xa está convocado un novo Concurso de Postais en lingua galega para este Nadal 2023. Poderá participar, de xeito individual, todo o alumnado de Educación Infantil, Primaria e Secundaria.

A data de entrega final das postais fica establecida para a sexta feira (venres) 15 de decembro de 2023. O fallo do xurado publicarase a partir da segunda feira (luns) 18 de decembro nesta mesma web.

Departamento de Educación Plástica e Visual

Departamento de Lingua e Literatura Galega e Portugués

 

Distribuir contido
Punto Laranxa contra o acoso escolar

Eventos

« Agosto 2024 »
LunMarMérXovVenSábDom
1234
567891011
12131415161718
19202122232425
262728293031