Os alumnos e alumnas de 2º e 3º de ESO realizaron un roteiro literario no que visitaron a  Torre da Homenaxe do castelo de Castroverde. Estiveron acompañados polas profesoras Nanda Suárez Méndez e Crsitina González Grandas. Tanto alumnas e alumnos como profesoras ían caracterizadas con traxes medievais. Felicitamos a profesoras e alumnado por estas iniciativas de levar a poesía á rúa, nun entorno tan próximo e de grande valor histórico e patrimonial. 

Durante a actividade leuse unha selección de poesías diversas, entre elas coplas de Jorge Manrique... No CPI Plurilingüe de Castroverde vivimos a poesía!

O día 31 de xaneiro de 2019 tivo lugar unha Tertulia Dialóxica sobre unha selección de textos do diario de Ana Frank. A tertulia estivo coordinada pola profesora Nanda Suárez Méndez

Tras unha breve introducción da profesora  Nanda Suárez Méndez sobre  Concepción Arenal, fixemos unha tertulia dialóxica sobre un dos seus ensaios sobre a muller. Foi o 29 de novembro de 2018, xoves, no salón de actos do CPIP de Castroverde. Estivo dirixida á totalidade do alumnado de educación secundaria e e para todas as persoas adultas que quixeron asistir. A tertulia estivo coordinada pola profesora Cristina González Grandas. Houbo unha elevada participación, dialogando sobre as reflexións desta intelixente muller do século XIX, sobre os seus logros e  sobre a situación da muller nesa época e tamén sobre a discriminación que segue habendo na sociedade actual.

O luns 28 de maio celebrouse a última tertulia literaria dialóxica do curso sobre poemas de Blas de Otero.