O mércores 7 de abril, o grupo de 3º de ESO saiu recitar as coplas de Jorge Manrique á Torre da Homenaxe e a profesora Nanda explicou algo da súa historia. 

Un día de sol luminoso para uns estudantes que foron medievais por unhas horas.

Gañador e finalista do centro, no concurso Carta a un Militar Español.

As restriccións de mobilidade que estamos a sufrir pola COVID non as temos que ver coma unha limitación para facer intercambios de linguas, o único que hai que facer é aproveitar ás circunstancias para reinventarse. Con este ánimo o departamento de francés ideou un intercambio virtual.

Polo tanto neste curso, o alumnado de 3º ESO está a facer 2 intercambios con 2 institutos franceses. Un co sur de Francía ( co IP Les Ferrages, Saint Chamas) coa temática da cociña xa que é un centro educativo de hostelería e outro coa Bretaña francesa (co collège Pierre Stephan, Briec). O alumnado está moi motivado e isto vai vento en popa:

Co centro de Saint-Chamas o alumnado xa intercambiou cartas, receitas e videos caseiros de cociña. Ademais, está no aire un proxecto con e.twinning.

Co centro de Briec, o alumnado enviou varios videos con distintas temáticas, cartas de nadal e ademais realizaron 2 videoconferencias dende o mes de xaneiro. Proxéctase facer traballos colaborativos en grupos mixtos francoespañois durante o 3º trimestre para fomentar a interacción.

O día 30 de xaneiro será o Día Escolar da Non Violencia e a Paz. Co gallo da súa celebración, realizaremos unha tertulia dialóxica por webex con todos os cursos da ESO, sobre unha selección de fragmentos do libro "Eichmann den Jerusalén" da filósofa Hanna Arendt.
A tertulia realizarase o venres 29 de xaneiro a partir das 13:25, coordinada pola profesora de Xeografía e Historia.
A preparación da tertulia pode facerse, ben lendo o texto que aparece en PDF como arquivo adxunto ou ben visionando o vídeo coa lectura do texto que se ve no enlace.
https://youtu.be/E1Rw7jpOi54