Alumnado de 5º e 6º de Primaria participou na actividade "Cinema en Perspectiva" organizada pola Consellería de Educación. A actividade consistiu na proxección de cinco curtas nas que se abordaban os prexuízos e os elementos sexistas que afectan ás persoas na sociedade.

Hoxe celébrase o Día Mundial de Concienciación sobre o Autismo.

Esperamos que unha celebración tan significativa nos permita coñecer mellor e tomar conciencia dunha situación que afecta tanto a nenas/os como a súas familias e aos centros educativos que os acollen.

Na clase de 2ºA tiveron unha idea xenial para os momentos de lecer no recreo... Queredes saber en que consiste?

Premede na imaxe!

A rapazada de Infantil e de 1º de Primaria tivo a sorte de asistir á presentación do conto A PANTASMA COLORIDA da man das súas autoras.

Visitade o blog de Leo e Mariña!!!

Nenos e nenas de 2º e 4º de Primaria están a participar nunha actividade organizada pola Reserva da Biosfera Mariñas Coruñesas e Terras do Mandeo. A actividade consiste na creación dunha charca nun dos espazos do patio de 1º. A pouquiños está collendo forma!!

Se queredes ver o proceso de construcción da charca visitade o blog de Mero, clicade PARTE 1,  PARTE 2, PARTE 3

Hoxe 3º e 4º de Primaria asistiron ao Pazo da Ópera na Coruña a un concerto da Orquestra Sinfónica de Galicia e o seu Coro Xoven, dirixidos por Fernando Briones. "Walt y Diana, el viaje continúa" fantástica historia narrada por Víctor Grande, que foi levando aos pequenos e pequenas polas bandas sonoras de películas como "Hércules", "Encanto", "Brave", "La Bella y la Bestia",... Antes do concerto tiveron tempo para xogar e merendar no parque de Santa Margarida.

O concerto pódese gozar, tamén, na fin de semana en familia!

PREMEDE NA IMAXE!

Alumnado de 5º e 6º de Primaria recibiu, ao longo de varias xornadas, a visita do Psicólogo do Concello. Nesas charlas, falouse das adiccións ao alcohol e ás drogas e das emocións e da súa relación co sistema nervioso, e como estas drogas modifican o comportamtento e a percepción do mundo.

A rapazada de 5º de Primaria recibiu a visita da escritora Antía Otero, coa que descubriron o emocionante mundo da poesía. Falaron dos elementos imprescindibles que ten que ter un poema e tiveron a sorte de asistir a un breve recital interpretado por esta gran artista. Pasárono xenial!

Alumnado de 5º de Primaria visitou a Fundación ABANCA, na Coruña, para asistir á representación teatral de Cíclope. Na historia, un grupo de rapaces e rapazas idean un plan para recadar diñeiro e viaxar a Grecia para a excursión de fin de curso.

Dentro da programación de actos do DIA DA MULLER, o Departamento de Igualdade do Concello de Betanzos organizou un espectáculo musical para a rapazada de 3º, 5º e 6º de Primaria titulado CON VOZ DE MULLER. Coa voz de Carolina Rubirosa, e a súa guitarra, e acompañada de Gemola, co seu derroche de enerxía, fixeron un percorrido polo papel da muller na música ao longo da historia, dende Ana María Mozart ata Alaska.