O 17 de outubro os nenos e nenas de 5º e 6º de Infantil puideron gozar do danzacontos "A marabillosa viaxe da pinga Pingona" que tivo como obxectivo principal aproveitar como medio o noso corpo e o movemento para integrar a lingua dunha maneira vivencial, divertida e colaborativa. "Unha espelida pinga de chuvia chamada Pingona, fai unha parada no camiño das nubes ao mar, para axudar ao Polbo Xan, na procura de algo moi especial por mar e terra...". Así comezou esta aventura de amizade, respecto e natureza.