Xa chegou o mes de maio, e para darlle a benvida adornamos a entrada do cole con flores!!

CLICADE NA IMAXE

A rapazada de 3º de Primaria achegouse ata o cine Alfonsetti para ver a película "Encanto", de Disney.

No alto das montañas de Colombia hai un lugar encantado chamado Encanto. Aquí, nunha casa máxica, vive a familia Madrigal, todos teñen fantásticas habilidades agás Mirabel. Mais un día están a piques de perdelas... Quen os salvará?

PREMEDE NA IMAXE

Clicade na imaxe!!

PREMEDE NA IMAXE

Nenos e nenas de 3º de Primaria participaron nun roteiro aos muíños de Caraña. Saíron do cole parándose a observar os ríos Mendo e Mandeo na súa desembocadura. Pasearon pola Ribeira cara ao Xuncaliño e dende alí subiron ata Caraña. Puideron ver os antigos muíños e a fábrica de curtidos que se atopa á beira do río Pelamios, afluente do Mandeo. Despois de repoñer forzas no parque do Xuncaliño, achegáronse ata a estación de tren e a depuradora de Betanzos. Aprenderon un montón de cousas!!

PREMEDE NA IMAXE

Os nenos e nenas de 1º de Primaria quixeron adornar con macetas nas paredes un dos recunchos do patio.

Premede na imaxe!

CLICADE NA IMAXE

Con motivo do Día Internacional do Libro e baixo o título "Un poema nunha buguina", a escritora Antía Otero volve visitar o colexio, desta vez para realizar un obradoiro de poesía co alumnado de 6º de Primaria.

Dentro do Proxecto Documental Integrado da Biblioteca, a rapazada de 5º de Primaria está a profundar sobre Xapón. Estes días recibiu a visita de Kaiko, unha muller xaponesa, que lles está a mostrar como é o seu país e as súas costumes.

O Servizo de Normalización Lingüística do Concello de Betanzos organizou para a rapazada de 4º de E. Primaria a actividade "O loitador da galaxia". Neste contacontos, Raquel Queizás, co seu inigualable estilo, narra as distintas iniciativas que levou a cabo ao longo da súa vida  Francisco Fernández del Riego, autor homenaxeado no día das Letras Galegas 2023.