Complementarias

O día 7 de novembro celebramos o Magosto no cole. E, aínda que este ano non veu a Castañeira, comemos castañas a esgalla. Estaban boísimas, pero eso sí, menos mal que estaban quentes porque no patío facía un frío tremendo.

Queredes ver o ben que o pasamos? Clicade na cámara e veredes

Pero ademais do Magosto ese mesmo día celebramos O 3º CAMPIONATO DE PEÓN. E aquí están os finalistas:

Ares, Daniel, Teo, Digo, Marcos e Alberto

Todos eles recibiron un agasallo da man dos seus titores/as. Pero o gañador final foi Diego, quen, a parte do agasallo recibido gañou a MEDALLA do 3º CAMPIONATO DE PEÓN:

Clica na medalla para ver mais fotos

Este ano no cole protagonizamos moitas actividades para recibir o NADAL

• Escribimos a carta aos Reises, pero este ano non tivemos que envialas, porque AS SÚAS MAXESTADES VIÑERON A RECOLLELAS PERSONALMENTE AO COLE, é verdade MELCHOR, GASPAR E BALTASAR recolleron todas as cartas que os nenos e nenas de Infantil e 1º ciclo lles escribimos. FOI EMOCIONANTE!!

Deixámosvos aquí unhas fotos de tan maxestuosa visita.

Sabedes quen veu tamén ao noso cole a entregarlle a carta aos Reises? Pois nada mais e nada menos que o Secretario Xeral de Política Lingüística, Valentín García Gómez. Entregou a carta ás Súas Maxestades Os Reises de Oriente e estivo con nos durante todo o evento.

• O día 20 celebramos o noso festival, estivemos na Casa da Cultura, alí todos os cursos fixemos representacións, cantamos panxoliñas... en definitiva pasámolo moi ben. E tamén tivemos varias sorpresas:

María de 5º interpretou unha peza ao piano para todos nos. Quedamos abraiados, non sabiamos que María tocaba tan ben. PARABÉNS MARÍA.

Como participamos no concurso de postais do Concello, Pablo e Divina viñeron a traer os agasallos aos gañadores: Mateo de Infantil, Uxío de 2º, Ismael de 3º e Mateo de 6º.

Pero aínda houbo mais premios: no concurso do cole, os agasallados foron: Anxo Yáñez,Brais Penedo, Alba Rivas, Rita Santiso, Manuel Vázquez e Carlos Torreiro.

Este ano celebramos a SEMANA DAS LETRAS GALEGAS con diversos actos:

MARTES:

• · Obra de teatro representada polos alumnos do noso centro, baixo a dirección de Alfonso (do grupo Metátese)

• ·A asociación cultural FURÓNS E DONICELAS, fíxonos pasar unha tarde moi agradable cun obradoiro de música galega: descubrimos os ritmos da Muiñeira, Xota, Pasodobre e Rumba.

LUNS, MARTES E MÉRCORES: os alumnos/as de 6º e 5º leron contos aos mais pequenos. Foi divertido, os tres días á hora de ler, sentámonos en grupos pequenos nos arredores do cole mentres os nenos/as de 5º e 6º nos lían historias e contos.

XOVES:

•  MONICREQUES: catro nenas de 6ºA dirixidas polo profe Suso

§  SANDRA CASTRO

§  ANDREA GÓMEZ

§  SARA GONZÁLEZ

§  CANDELA LÓPEZ

Moveron os monicreques con mestría para contarnos unha versión moi divertida de CARAPUCHIÑA VERMELLA.

• PARA REMATAR todos os cursos recitamos ou cantamos poemas de Rosalía de Castro.

(Para ver mais fotos clica nas imaxes)

A semana do 8 ao 21 participamos na Semana escolar da Árbore e da Auga, promovida pola Deputación.

Todos os nenos e nenas lemos o libro Viaxe polos ríos e árbores dos Ancares. E o día 22 ás 12 de mañá prantamos un bidueiro no patio do cole.  Entre todos os nomes propostos para o noso bidueiro saiu elexido INVERNIÑO

BENVIDO AO COLE INVERNIÑO         

fixemos un montón de caretas que expuxemos na entrada do cole. Utilizamos diversos materiais: telas, lás, papeis diferentes, ceras...

As nenas de 6º curso contaron un conto, co apoio da PDI, aos nenos de Infantil

Pola tarde baixamos todos á pista cuberta e 5º curso cantounos unha murga e un grupo de 6º bailou para todos nós.