Novas do coro
FANTÁSTICO CONCERTO DE NADAL DO CORO DO CEIP NOSA SEÑORA DOS REMEDIOS
O luns 21 de decembro o Coro do CEIP Nosa Señora dos Remedios ofreceu o seu concerto de Nadal no Auditorio Municipal Reveriano Soutullo de Ponteareas.
Baixo a dirección da mestra Ruth Barros e acompañados ao piano pola mestra Cecilia López, os alumnos e alumnas que forman o coro (de 1º a 6º de E. Primaria) obsequiaron a todos os asistentes cun marabilloso concerto de Nadal.
Primeiro foron os coristas de 1º e 2º os que actuaron e despois os de 3º a 6º. O auditorio fíxose pequeno para acoller ao público asistente que non deixou de aplaudir ao coro.
GRAN ÉXITO NO CONCERTO DE NADAL DO CORO DO CEIP NOSA SEÑORA DOS REMEDIOS
Este sábado 14 de decembro de 2013 a partires das 20:30 horas, o coro do CEIP Nosa Señora dos Remedios regalounos unha sobrebia actuación para un público totalmente integrado.
O coro está dirixido pola mestra Ruth Baros Abalde e acompañado ao piano pola mestra Cecilia López Louro.
O concerto comezou coa actuación dos nenos/as de 1º, 2º e 3º de E. Primaria (máis de cen cantores). Logo actuaron os nenos/as de 4º, 5º e 6º de E. Primaria. O broche final puxérono todos xuntos cantando unha panxoliña. En total 158 voces que forman parte dun proxecto moi importante de fomento da arte, neste caso a música, entre o alumnado do noso colexio.
O Auditorio Municipal Reveriano Soutullo rexistrou unha enorme afluencia de espectadores/as que encheron totalmente o mesmo, facendo pequeno este auditorio.
Queremos felicitar a estes artistas e as profes que traballan con eles no coro polo calidade da súa actuación.
ÉXITO NO CONCERTO DO CORO DO CEIP NOSA SEÑORA DOS REMEDIOS EN PONTEAREAS
Este sábado 8 de xuño ás 20.00 horas o coro do noso colexio deu un concerto de fin de curso no Auditorio Municipal Reveriano Soutullo de Ponteareas.
Máis de 130 voces forman parte deste coro, dirixido por Ruth Barros Abalde e acompañado ao piano por Cecilia López Louro.
Nunha primeira parte actuou o coro de 1º, 2º e 3º e nunha segunda parte actuou o coro de 4º, 5º e 6º, para nunha parte final actuar en conxunto o coro completo. A asistencia de público foi moi alta e as interpretacións foron moi aplaudidas.
NOVO ÉXITO DO CORO DO COLEXIO NO 47º FESTIVAL DE VILANCICOS NOVACAIXAGALICIA
O pasado sábado 15 de decembro,no Auditorio de Novacaixagalicia en Vigo, o coro do Colexio Nosa Señora dos Remedios participou no 47º Festival de Vilancicos de Novacaixagalicia, logo de ser seleccionado para participar neste festival.
Fixeron unha brillante actuación mostrando un nivel alto neste acto.
GRANDE ÉXITO NO CONCERTO DE NADAL DO CORO DO COLEXIO
De grande éxito temos que cualificar o concerto de Nadal feito polo Coro do Colexio Nosa Señora dos Remedios este 14 de decembro no Auditorio Reveriano Soutullo de Ponteareas.
Fixeron pasar unha boa noite aos asistentes cun concerto completo que se achego á horade duración.
O auditorio fíxose pequeno, rexistrando un cheo absoluto.
Primeiro cantaron os compoñentes do coro 2 formado por alumnos/as de 4º, 5º e 6º de E. Primaria, despois foi o coro 1 de 1º, 2º e 3º de E. Primaria, para rematar todo o coro completo con máis de 130 voces coa interpretación de dous temas en conxunto.
Felicitacións para o coro e para as profes Ruth e Cecilia, directora e pianista do coro respectivamente.
Proximamente subiremos a esta web fotografís desta actuación.
CONCERTOS DE NADAL DO CORO DO CEIP NOSA SEÑORA DOS REMEDIOS
CONCERTOS DE NADAL DO CORO CEIP NOSA SRA. DOS REMEDIOS
No mes de abril de 2011 ponse en marcha o coro do CEIP Nosa Sra. dos Remedios de Ponteareas. Na actualidade conta con 150 voces de nenos/as entre 6 e 12 anos alumnos/as do propio centro escolar.
Este Nadal realizarán un concerto no Auditorio Reveriano Soutullo o venres 14 de decembro.
Así mesmo, e tras quedar finalistas o pasado ano no 46 Festival de vilancicos organizado por Novacaixagalicia ,este ano participarán novamente o sábado 15 de decembro interpretando no seu programa Oh! Noche hermosa e A la orilla del río, Ímonos xa pra aldea e Deck the Halls.
ACTUACIÓN DO CORO DO COLEXIO NO ENTROIDO 2012
Pinchando no seguinte enlace poderá ver a actuación do coro do CEIP Nosa Señora dos Remedios durante o Entroido 2012 no colexio:
CURRÍCULUM DE IRIA RGUEZ CUEVAS QUE IMPARTIU O I CURSO DE TÉCNICA VOCAL INFANTIL DO CORO CEIP NOSA SEÑORA DOS REMEDIOS
Iria Rodríguez Cuevas
Natural de Ponteareas, inicia os seus estudos musicais na especialidade de Piano no conservatorio da súa vila natal. A súa etapa como membro da Coral Polifónica da Escola de Música de O Porriño, coa que protagoniza actuacións por toda a xeografía española e no estranxeiro así como o rexistro de varios traballos discográficos, influirá definitivamente na que será a súa verdadeira vocación: o canto.
No ano 2001 ingresa no Conservatorio Profesional de Música de Vigo onde obtén o Título Profesional na especialidade de Canto. Continúa a súa formación no Conservatorio Superior de Música de Vigo e, baixo a tutela de Teresa Novoa, remata os seus estudos superiores con altas cualificacións. Asimesmo, asistiu a diversos cursos de interpretación vocal como os impartidos polos mestres Miguel Zanetti, Jorge Robaina (Escola Superior de Canto de Madrid), Daniella Pastorello ou Thomas Busch (Conservatorio de Música de Mantua).
Ten realizado numerosos recitais, acompañada polos pianistas Alejo Amoedo, Xesús Pardal, Pablo Rodríguez e Carlos Enrique Pérez, e concertos nos que actuou como solista con diferentes agrupacións camerísticas e orquestrais. No eido escénico, destacan as interpretacións de sendos papeis protagonistas na zarzuela El Barberillo de Lavapiés de Barbieri e na ópera de Cimarosa Il Matrimonio Segreto, ámbalas dúas baixo a dirección escénica de Beatriz Riobó.
Entre as súas actuacións e proxectos máis recentes atópanse a súa participación no Concerto a favor da Educación en Perú (Teatro Caixanova de Vigo, xuño 2010) e a interpretación dunha das voces solistas do Requiem de Mozart, en colaboración coa Orquestra Sinfónica Cidade de Pontevedra (Pazo da Cultura de Pontevedra, abril 2011) así como a obtención do Premio á Excelencia Musical 2011 outorgado pola Xunta de Galicia e a “Asociación Paideia” conlevando a gravación dun disco acompañada polo pianista Alejo Amoedo (xaneiro de 2012).
Diplomada en Educacion Musical pola Facultade de Ciencias da Educación de Pontevedra, dende o ano 2003 exerce a súa labor docente e, na actualidade, o seu destino profesional atópase no CEIP Nosa Señora dos Remedios de Ponteareas .
CURRÍCULUM DE JUAN ABALDE QUE IMPARTIU O I CURSO DE TÉCNICA VOCAL INFANTIL DO CORO CEIP NOSA SEÑORA DOS REMEDIOS
JUAN ABALDE
Tenor
Nace en Ponteareas. Mestre de Educación Musical. Comenza os seus estudios musicais no Conservatorio Superior de Santiago de Compostela para continuar como alumno oficial no Conservatorio Profesional de Vigo na disciplina de Canto baixo as ensinanzas de Teresa Novoa e José Antonio Campos.
Rematou os seus estudios superiores na devandita disciplina con Tatiana Sajarova, Beatriz Riobó e Teresa Novoa, compaxinando os mesmos con recitais como solista e participando en diversos montaxes como La Dolores, de Bretón, Las de Caín, de Pablo Sorozábal , Dido y Eneas de Purcell, Lucrecia Borgia, de Donizetti, na producción de Amigos de la Ópera e O barberillo de Lavapiés de Barbieri.
Realizou diversos cursos de Canto e Técnica Vocal con profesores como Montserrat Pueyo (Barcelona), Lola Bosom (Madrid), Julio Fernández (Stuttgart/Alemania), Helen Larsson (Estocolmo/Suecia) e Miguel Zanetti (Denia/Alicante), asi como de Dirección Coral con Javier Busto (Hondarribia/ Euskadi) e Julio Dominguez ( Ponteareas/ Pontevedra).
Actuou na TVG con motivo da homenaxe que se lle fixo a Luciano Pavarotti.
Foi membro do coro Camerata ad Libitum e impartiu clases de Técnica Vocal nos últimos Cursos de Dirección Coral, Canto e Técnica Vocal, organizados polo devandito coro.
Dirixiu a sección infantil Camerata Peque e desenrola a súa labor pedagóxica no CEIP Nosa Señora dos Remedios Ponteareas.
Na actualidade imparte clases de canto nunha actividade musical organizada polo coro A Vila de Ponteareas.
![RSS - Novas do coro Distribuir contido](/centros/ceipasveigas/misc/feed.png)